سلام عليكم
من فضلكم حبيت نسقسي على اوتال مليح في تونس الحمامات ولا جربة مايكونش فيه الغاشي بزاف و تكون فيه الماكلة مليحة (علابالي الوقت هدا بدا موسم الاسطياف والغاشي فيها فيها بصح حابة اوتال مافيهش بزاف لعرا و زماڨرة لاني رايحة ندي بابا كبير يريح شوية وهو مايحبش يشوف المناظر هديك)
ولا اذا عندكم اقتراح على اوتال هنا في كاش بلاصة مليح و يكون demi pension ولا all inclusive بثمن مليح كيما في تونس وربي يجازيكم
ملاحظة: درت البيبليكاسيو انونيم باه مايشوفهاش بابا و تبقى مفاجأة فقط
Posted in Tourism, Uncategorized
أكري منازل هكذا أفضل و كاين مجمعات تلقى بيها عائلات محترمة رغم هذا لا أنصحك الذهاب في صيف
كاين فالمنستير اسمو امير بلاص فندق محترم
Amir Palace Monastir hôtel familial sans alcool
اكري منزل احسن و تصيبيه مفروش و فيه مواعن و منازلهم هايلين و نقيين و رخاس بزاااف و روحو للشواطئ العامة تصيبو فيهم سكان اصليين و تصيبوهم محترمين لا عراء لا والو بصح شواطئ خاصة تاع فنادق هوما لي فيهم العراء و رحلة موفقة بصحتكم
من غير هذا مرحبا بك في جيجل
ننصحك اكريو منزل، مجهز ونظيف ، كلش فيه طيبو ماكلتكم وحدكم نظيفة هكا احسن
لم تكن مضطر انك تبرر انونيم 🙂
في الوقت هذا كل الاسعار في السما و خاصة الفنادق ،كيما قال لي قبلي شخصيا ننصحك تكري منزل في مكان قريب من البحر و المدينة راح توفر دراهم و تستمتع اكتر لان المنازل ارخس باضعاف من الفنادق
قادرة تكري دار هنا تضمني بلي جوزو وقت شباب و بلايص محترمة ،انا لعام لي فات ديتهم لجيجل بلاصة تهبل و ناس هايلين و هاد لعام فكاب جنات نورمالمو تانيك بلاصة محترمة
كراء منزل ارخس من فندق،وزيد راحة البال
علاش فتحو الحدود ؟؟ و لا رايحة par avion ؟؟
فتحو الحدود ؟؟
Riu palm azur djerba
Movenpick soussa
Magic life monastir
هايلين للعائلات
و نصيحة الا قادرين ماديا مكانش كيف les hôtels تتفرهدو و ترتاح و دراهمها موش خسارة لانو كيف تكري دار راح تتمرمدو شوي أما l’hôtel راحة تامة و كلش يجيك ليدك
و بصحتكم مسبقا
اذا حابة مدينة هادئة ننصحك ب نابل ناسها محافظين ومدينة جميلة ونظيفة واهم شيء انو ناسها كيما قلت طيبين ومحافظين اما بخصوص الاقامة هاذ الشي يتوقف على الميزانية تاعك بالنسبة للخدمة والاكل تونس تدهورت بزاف بالنسبة للماضي اخر مرة زتها كانت 2017وتقدري تقولي قررت ماتزيدش نروح الا انو الكوفيد غمنا ومالقينا بيها وين لو يحلو الحدود نحش نيفي ونروح ما عايلتي هههه المهم الاكل قلت النوعية تاعو والاصناف عادو يسقدو وزيد الخدمة ولات في الحضيض خاصة معانا حنا الجزائريين كلشي يديروه بالقباض كيما يقولو التوانسة تكاكاو في الاخير يعطيك الصحة على اللفتة الطيبة مع باباك ربي يحفظهولك ويحفظك ليه 😉😉😉
Golden Tulip Taj Sultan
Rahna ya trois ans l hotel soviva (dok bedlolo assem) makla bien piscine mliha w mafihech bzf ghachi mais wifi yaayi lol
تونس حاليا تقريبا فارغه خاصه كي عادت الحدود مقفوله كانو يعمروها الجزائريين خاصه اذا رحت في جوان الديار ثماك اقل فالكراء من الفنادق بالصح الاكل في فنادقهم روعه خاصه سوسه ليبلاج انت تختاري روحي صباح بكري فارغه وهايله وبارك الله فيك على الالتفاته الطيبه للوالد
all inclusive ghalia bezzaf fi batel , pension complète tekfi largement
فندق رجنسي الحمامات 4 نجوم في بلاصة كالم ماكاش غاشي بزاف الماكلة مليحة ورخيس شوية
شاطئ خاص pieds dans l’eau
نصيحة، اكري عن طريق الوكالات السياحية وشوف السعر المناسب
One resort Monastir ou Djerba éviter Hammamet ou Sousse
LTE mahdia hotel tope
Risidance narjess hammed sud
hotel shell beach Très calme et Propre
اخطيك من تونس العراء فيها فيها