سلام ليكيب 🌍
الصور هاذو من العام لي فات في مثل هذا اليوم👌🏻
حبيت نشارك معاكم تجربتي لي فيها فهمت بلي الجبل في العواصف ما يرحمكش ☠️
كنت قاعد في امان الله فالدار حتى رن الهاتف صحابي زدمولي وقالك تطلع معانا نباتو ليلة في تيكجدة انا قلت الله يربح ليلة ما دات ما جابت 😂
جاو للبويرة طلعنا لتيكجدة درنا روندوني لمكان التخييم كي كنا نمشو حتى بدا يطيح الثلج كل مورصو قد يدي ❄️
انا مزيا كنت مسلح داير حسابي لكلش مي غاضني وليد العم لي كركرتو معايا طلع بالجينز 🤣 و صحابي لخرين غير واحد فيهم لي لابس مليح (لباس خاص بالثلج) لخرين جايين على ربي 🥲
جوزنا الليلة على خير كلينا اندومي و رقدنا و فالليل البرد وصل -11c° بالريح انا راقد فالدفا حتى نسمع الخاوة ترعش 🥶 واش كاين واش صرا قالك ياودي اذا متنا قول لماما بلي نحبك (راني نڤصر🤣)
نضنا صبح فتحنا الخيم لقيناها كامل بيضاء تتعما من شدة البياض 😂 كليت شويا كرواصون جبتو معايا و تم قلت نهبطو ديراكت لدار لوبيا سخونة يسخنو الامعاء دياولنا 😍
كي تصورنا و لعبنا رفدنا الخيم و هبطنا ايا قالولك نطلعو للبحيرة المتجمدة كيفاااه ! اه عاود عاود !؟ لاك اغولميم دوكا فالثلج هاذا !قلتلهم ياودي ما يلقاوناش حتى يذوب الثلج 🥲
قالولك لالا حنا نطلعو بيك ولا بلا بيك 😂 يخوفو فيا زعما 💀 ايا الله يربح بصح لي تصرا تتحملو مسؤليتكم 🙏
ايا قلعنا و دعمت وليد العم بفيستا باش ما يمرضش رانا طالعين بدينا ندخلو فالضباب و الريح لي يوزن تحت خمسين كيلو يرفدو🤣
ماعليش رانا نمشو و العاصفة بدات تقساح و تشتد وليت نشوف قيس ثلاث امتار قدامي 😓😶🌫️
ااا حمزة الطريق مكاااش وين راهي ياودي تبعني و اسكت 🤣 تلفتلي الطريق ثلاث مرات و انا نصحح فيها (ادي العبرة و شوف بلي انا حافضها مليييح و تبحرت )
ايا بعد ما مشينا اربع ساعات وصلنا 😍 مي ما تشوف والو و لقيناها نصف متجمدة تصورنا و عاودنا ولينا …
في طريق العودة انا نمشي و بدات تشدني الفشلة (ماكليت والو من الاندومي هذاك) و ركايبي بداو يترعدو و وليد العم قالي الجونو راه يتوجع و اخر قالك راح نتجمد من البرد و رجليا مانيش نحس بيهم (صباط غير ملائم لظروف الصعبة)
عييت من الكتيبة 😂 اتخيلو العودة وحدكم 🤣
العبرة من هاذ الحكاية هي بالاك تغرك روحك كيما انا و تطلع تغامر بصحابك او بنفسك في ظروف غير ملائمة 🏔🙏
الثلج ماشي بزاف بصح البرد يشوي ❄️🥶
Courage 😳
قريت برك رجليا جمدو
قلت مزيا راني تحت سقف دارنا 😅
مهم هاد الخرجات الشابين كامل يقعدو فالبال souvenirs
بصحتكم❤️
هذي مغامرة ،صح فيها ريسك بصح كي تفوت تولي اسطورة خالدة
لو عملت حسابك في كلش ما كانتش تكون مغامرة ،ربي يوفقكم .
بلاصة تهبل بصحتكم
يعطيك الربح😂😂😂
بصحتكم , ههههه يستمى حشيتهالهم 🙄🤣
اكثر حاجة شدتني فالقصة هي انو الاندومي حكم معاك هك 🍜😂😂
متأكدة اذا جاتك الفرصة مرة اخرى متراطيهاش لانو المغامرات هذو هوما لي يبقاو فالذاكرة 💚💚⛄⚡☔☁
ريسك منعتو الحمد لله
اتخيلت روحي راني معاكم علاه قطعتها كنت حابة تكمل ههههههه بصحتكم
C très dangereux faut être bien équipés… hamdoulah 3la slamatkom est bsahetkom lac agoulmim rohtlah khatra lawla w Talya mdr
كملنا الحكاية شوقتنا
ماشي خطرة انت لي قلتلنا صاحبك راحولو صباعو من برد و بسيف سلكتو 🤔
بصحتكم.. نسنى القصة تع المغامرة الجاية 😊😊
بصحتكم🙋🏻♂️
فالسطر الثاني من الفقرة الرابعة “-11°c “وراقد فالدفا ياك 😒🥴
المهم الحمد لله على سلامة ريسانكم
يعطيك الصحة حمزة
ههه الكرواصون لي كليتو صباح : تسما أنا ماشي ماكلة الإندومي خير مني
وي نشفلهم هذو تصاور
بصح هذي معنات علاش محكتهاش منقبل حتى لليوم
نهار طلعت وحدي للجبل والجو بارد يقتل وبدا شوية ثلج وليت انيليت الروندوني عاودت رجعت لقيت سارح ومعاه 6 كلاب حاوزنوني لكل ومنعت منهم الحمد لله،وهاذي التجربة الاولى والاخيرة الجبل لازملو رفقة وعتاد
عجبتني كي قلت مديت الفيستا لولد عمك باش مايمرضش 💚 ربي يدوم المحبة
بصحتكم 💛
المغامارات 😍❤بصحتكم وتبقى ذكرى مع الأحباب
بصحتتتتكم ، بحيرة هذي لي سااخفا عليها
حياة ضنكة 🤣🤣🤣
مزية سلكتو على خير
انا والشتاء مناش اصحاب كون يديرولي سبات كالحيوان نقبل وانت تغامر بيك بأصحابك 😒😒متزيدش تعاودها
يووو روعة 😭
تحواس الشتاء روعة رغم الميزيرية… بصحتكم
الله يبارك على الكوراج انا فريجدار و نخاف نفتحو 🙏🏻🙏🏻❤️❤️
😍😍😍
بصح تهبل وهي هك 😍 بصحتكم وعلا سلامتكم 🙂
بصحتكم حلاوتها كي تجي صدفة بدون تخطيط
كي تكونو عمرك ماشي عزيزة عليك 😅
بصحتكم 💙
تيكجدة مارحتلهاش من ال 2018 بالرغم راهي غير هنا ههههه و الله كوراج البرد تاعها مايتعاودش
حمزة الفكاهي 😂👌❤️
العبرة هي
U almost get lost in a storm 😂
Mais vraiment je vous envies pour ces aventures ❤️
تحبوا تزيدوا عليها 😂😂
Rien de mieux que l’aventure
You still alive so😂 l adventure hdi tstal😍
وش دارهالكم