سلا عليكم خاوتي حبيت نبهكم من حاجة راهي خرجت طريقة جديدة لنصب منعرف فاتت عليكم ولا نن هذو يجو يقولولكم رانا شريكة ونخدمو مع خرائط قوقل ومنا ويعطوك مهام سهلة كل 5 مهام يفارسولك 500 دج ويفارسولك صح وتكون كاينة حوالي 28 مهمة ومن هذو لمهام يديرو 4 مهتم نتا تفارسيلهم وهوما يرجعوهملك مع ارباح من 30% حتى 70 % وهذا هو لهدف تاعهم تفارسيلهم باش يسرقوك وفلول يفارسولك 500دج صح باش تطمع مهم خاوتي انا نبهتكم بيسك انا باعثيلني 3 مرات وكل مرة ندير غير لمهام ساهلين وندي 500 دج كيما ليوم دخلت 2500 دج معندهم وغدوة ولا كي يلقاوني منيش راح ندير لمهام تاع لفارسمو يخرجوني كي لمرة لي فاتت اني وصيتكم خاوتي اذا عينكم دخلو شوي صرف ولا ديرو مهتم عادية كي توصل لفارسمو مديروهمش
Posted in Tech
Ana jani wahad tayhtlo tol mazadch ban 😂😂😂
المهم نتا تاني راك تخون فيهم ماشي غير هوما
نقدر نديرهم وندي الدراهم عادي ؟؟
والله كنت معول ندير عليهم منشور في المجموعة هادي راك سبقتني…نصّابين محترفين والله
Amine Ñïnoo نصاب نصبو عليه
Eb3eth ndirou chwya mesrouf menhoum😂
قولهم يبعتولي نحتاجهم هههه
منقدرش يفرسولي و نبلوكيهم؟
البارح برك جاتني رسالة من نفس الشركة باللغة الفرنسية برقم من امريكا في الواتس اب مشيت معاها في الخط قاتلي بدون ما تخلصي سنتيم نوضفوك مالا فوتت بيها وقت قتلها وشخال تخلصوني قاتلي70.000دجههههههه قتلها جاوبيني منين جبتي رقمي برك هذا الزهر اي عندي انا نسمط وهي لاصقة هههههه
نعتلي كفاه نبعثلهم نروح نلم 250الف انا ثاني
ابعثلي رابط نتاعهم تعيش
لازم في كل مرة رقم ccp جديد 😁
Fayssal Mraoui Ahmed Starlong Halim Boukhari صفاء مراوي وقيلا يحكو عليكم 🤫
سما نتا حلال عليك وهوما حرام عليهم .
نموت عليهم عباد كيما هذو 😜🤣🤣 نطيحلهم خشين
مليحة 250الف في نهار ابعث ندخلو صرف 😂
Rani msawer 2500da ghir ygoulouli eb3athelna drahem neblokihom
دراهم لي يفارسيوهملك تع ناس اخرين يسمى انت راك تاكل دراهم حرام وسريقة وراك تعاون فيهم , وكل واحد راه يحوس على رابط راح ياكل الحرام
Hadi ana Tani ba3touli Amala Kayna mnhaaa
Abdeslem Dahmani ستريبيتيب تااب تااو
راحو ينصبو عليك نصبت عليهم 😂😂😂😂
Karim Rebbouhh
أم زكي
لمعلوماتك فقط .. نيتهم في النصب عليك و على غيرك لا تعطيك الحق بتاتا في النصب عليهم
الذيب حلال الذيب حرام ههههه آه يا شعبي العزيز
وكي تمدلهم نيميرو سيسيبي مايكونش عندك مشكل !!
هاد الساعة نتا لي راك تنصب عليهم 😂
مهام سهلة و ب 2500 دج للنهار
عندي شهر منين بوسطيت عليها بصح الAdmin لعبها ما شافش
كونتر خطة تاع النصب. جاو ينصبو عليه نصب عليهم 🤣🤣
راهم يفارسيولك من عند الناس يعني نهار يشتكو هادو الضحايا تولي متهم ، يتسما غير روح ديكلاري
Ridha Kharoubi oum amina ta3 saa3 😂😂
محتال جزائري راه عندو العديد من الضحايا وداير اعلان ممول MS DOS
ممكن تعطيني نميرو تاعهم ولا اسم الواتس اب
بعتولي هذو ميكونوش هوما
شكرا أخي. الله يجعلها في ميزان حسناتك
مين يبعتولي نبلوكيهم
الاغبياء لي راهم يقولو نتا نصبت عليهم
راه دار المهام و خلص يعني خدم و خلصوه
مافهمتش لاكان عندكم بلاصة وحدوخرة تخمو منها جامي خدمتو فريلانس
التعليقات 🤦🤦🤦
انا واحد من الناس نصبوا عليا حذاري انا درت يومين مهام جبت من عندهم 4500 دج هي لي دخلت فيها فالمهام المدفوعة قالولي خلاص تمت المهمة زيد ادفع 1500 قلتلهم ما عنديش قالولي مالا ما نرجعولكش دراهم تم عرفت بلي نصابين وانا اصلا هادوك دراهمهم ما خسرت والو
ماكانش شركة اسمها خرائط جوجل
هذاك تطبيق تابع لشركة الفابيت
ثانيا وحدة اسمها أم أمينة باين نصب 😂
موظفة في ضركة ما تقولكش أنا أم فلانة 😂
وأخيرا ماربحت منهم والو هذوك أموال شخص آخر نصبوا عليه وراهم يمدوا دراهم هذا لهذا حتى يطلبوا منكم تدفعوا مبالغ كبيرة
Sahbi sahla wlh , ana li sre9thom 9bal la yasar9oni , khteftlhom 500 da lwla mn 15 tlphn te3 darna w te3 wled homa , w ma kamaltch les missions , psk 3labali scam 😎
ابعثلنا النيمرو ، انا عندي ثلاث نيمرويات بربي بالطريقة هذي يفلسو 😂
عجبني التاكتييييك ههههههه
يسموووها … الكونتر خطة
🤣🤣🤣🤣
حذاري نصب هذا
ابعثلي خلي نديلهم 2500 والله يربح إذا زادو لقاوني
7otlna nmr t3hm 🤣
و قادر ccp نتاعك يتهم بالنصب 👍