#شحال ستقامتلي و #ماتغلطش غلطتي ( 16 يوم في تايلاند ب 15 مليون ) جنة الله فوق الأرض
عدنا اليكم من جديد والآن مع رحلتي الى تايلاند صيف 2016 وخلاصة ماتعلمته من أخطاء وفوائد
أولا 2016 أو 2020 لازلت أتتبع الفنادق وتذاكر الطيران لايوجد فرق كبير سوى ارتفاع تذاكر الطيران بمليون سنتيم وتبقى تايلاند من أرخص بلدان العالم سياحيا فنادق او أكل او نقل تاع الصح تعيش
كانت الرحلة شهر أوت من 9 الى 26
اشترينا تذاكر الطيران مع القطرية promo alger phuket كان السعر 7 ملاين و 600 والأن سعرها يصل الى 8 ملاين و 800 مع القطرية كي يديرو التخفيضات
نجيو للفيزا بديت نشوف في واد كنيس لقيت الوكالات غالبهم يقولك لازم ملف فيه 2000 اورو وصورة وشهادة عمل وراتب ….الخ لكن كي تبحث مليح تلقى الحل السهل لقيت وكالة في العاصمة اسمها helio polis قالي كي دير الملف تسلك مليون ونص اذا تحب تسلك مليون و800 ماجيبلي والو غير جواز السفر وانا ساعدني هاذ الخيار رحت من سطيف للعاصمة ديتلو الجواز تاعي و تاع الزوجة أسبوع جابلنا الفيزا من فرنسا طبعا ماعندناش سفارة تايلاند في الجزائر
الآن شرينا التذاكر وجبنا الفيزا بقاو الفنادق وحنا فريناها بدينا نبحثوا في موقع booking بعدما قررنا نروحوا لفوكت phuket وجزيرة كرابي الساحرة krabi بعد التشاور بيننا اتفقنا على 3 فنادق واحد امام مطار فوكت كرينا فيه يومين باه نريحوا من السفر اسمه jinda resort وكان فندق رائع جدا والثاني في كرابي في جزيرة تروح ليها غير بالقوارب فقط وكانت أروع جزيرة شفتها في حياتي خيالية ساحرة رهيبة قل عنها ماشئت 9 أيام فندق ممتاز لكنه غالي نوعا ما لكننا اخترناه لأنه voyage de noce حبينا نقلشوا رواحنا صح والآخر في قلب patong الغنية عن التعريف كان فندق عادي المهم نظيف سعر الليلة 100الف درنا فيه 5 أيام
أول خطأ وقعنا فيه هو الحجز تاع فندق جزيرة كرابي حجزناه من وكالة السفر ماعندناش carte visa المهم زاد فينا نسبة معتبرة على واش لقينا في booking بقية الفنادق خلصناهم كي وصلنا
الخطأ الثاني ولي ننصح بيه الناس كي توصلوا للمطار ماتروحش مع الطاكسي دايما شوف الحافلات تاع المحليين تلقاهم في غالب المطارات ولا استعمل تطبيق grab أو uber يجيك رخيس هاذاك الطاكسي دانا 800 متر ب 200 الف بدراهمنا …الخطأ الثالث في هاذ الرحلة هو إلغاء العاصمة من مخطط الرحلة Bangkok والزوجة للآن تقولي ماندمتش عليها فيها غير الهرج و ناطحات السحاب وكثرة المثليين….الخ وحنا بطبعنا نحبوا غير الجزر لي نكونوا فيها وحدنا… لكن اعتبره خطأ لما تلقى أن Bangkok الوجهة السياحية رقم واحد عالميا وهي كانت توالك بكيلومترات وماشفتهاش نفس الخطأ عاودتو في شرم الشيخ مع الأهرامات…
المهم من فوكت لكرابي في الذهاب رحنا في طاكسي ب grab جانا شوي غالي لكن طيبة الشعب التايلاندي لا مثيلة لها تعشقهم بالسيف حسبلنا نصف السعر فقط و في رحلة العودة اكتسبنا خبرة بعد الاحتكاك بالسكان الاصليين نصحونا بأخد عبارة في البحر وكان السعر جد رخيص
مازال معلومات كثيرة مهمة لكن الموضوع كي يطوال بزاف يسماط المهم كالعادة غالب الأنشطة والرحلات درناهم بالموطو وكنا نمشيو قريب 150 كم في النهار في رحلات استكشاف ….. هاذ المغامرات والمشي نحو المجهول في السفر مستحيل ديرو كي تروح مع وكالة سياحة و أسفار واخيرا التذكرة alger phuket 78000da
Hotel jinda phuket 4600 da 2 jours
Hôtel railay princess 40000 da 9 jours
Hôtel guest house fi patong 3000 da 5 jours
Transport bin les îles w les villes w taxi wahd 15000 da
قادر يشوف البعض الرحلة ماهيش غالية لكن بعد اكتساب الخبرة راني نشوف فيها غالية كنا قادرين نربحوا أكثر من 5 ملاين بين الفندق الثاني والنقل مانزيدش نطول أكثر وهذه بعض الصور
#شحال ستقامتلي منشور شرم الشيخ
https://m.facebook.com/groups/2351297525101432?view=permalink&id=2706925419538639
#شحال ستقامتلي منشور ماليزيا
https://m.facebook.com/groups/2351297525101432?view=permalink&id=2705500053014509
ا
For bezaf bsahtk
15 مليون وحدك ولا في زوج ؟ ماشاء الله روعة
دوما الانسان لي يشوف ويبحث يلقى حاجات ما خير
بصحتك كنت قادر دير ليسكال في الدوحة و جوز يومين ولا ثلاثة
Topp et merci pr le partage 😁
بارك الله فيك الاخ 👌
Bsahtek
15 الواحد ؟
بارك الله فيك خو ….
اكثر شخص ستاتياتو مفيدة في هذا القروب
شكرا 👏
مشاء الله شكرا و بصحتك
ماشاء الله رب يبارك لكما ويهنيكم واستمر على هاذ المنوال السفر وحب الحياة لانو اغلبية يجوهم الاطفال يصبهم اليأس والكهولة مبكرة وينساو يعيشو ويحوسو ماشي شرط خارج البلاد ، لكن تنقصنا كثيرا ثقافة التحوااس ولو بأبسط اشياء مثلا حفل شواء فطبيعة ، شكرا لك الاخ ورب يدومها
Kifeh hadi
medli asem lagence de voyage…
magnifique kho , bssa7tkoum
الله يبارك اخي ، وليت متابع وفي لمنشوراتك تالمون فيهم الإيجابية ❣️
انا وحدي شحال تسقام صيف اذا الا قعدنا حين
El Djilani شوف ا خوياا الله يبارك
الله يبارك بالتوفيق
الله يبارك واحد كي يقرا منشوراتك يحس كلش ساهل بصحتكم الله يدوم النعمة
يعطيك الصحة، طريقتك في السرد رائعة. واصل
الله يبارك بصحتكم التحويسة و ربي يهنيكم شكرا على المعلومات
بصحتكم و بارك الله لكما وبارك عليكما و جمع بينكما في خير
ربي يبارك ماشاء الله
ماشاء الله عليكم ربي يهنيكم ياارب
الله يبارك
الله يبارك بصحتكم
يعطيك الصحة راك كفيت ووفيت، وشنو برك كاين شوية أخطاء وصوالح نزيدهملك اذا تسمحلي:
كرابي ماهيش جزيرة هي مدينة جنوبية تتميز بتواجد كبير للمسلمين وفيها جزر صغار قراب ليها
فوكيت اسمها هو بوكيت وهي جزيرة
شركة أوبر استحوذت عليها شركة ڨراب في كامل جنوب شرق آسيا يعني كاين تطبيق ڨراب فقط، وبالنسبة للعاصمة بانكوك كاين تطبيق line man أيضا، وحتى أنا مادرتش فيها ريحت في الحدود تاعها برك
لكراء الفنادق أو الحافلات أو الطائرات أو حتى القطارات استعملو تطبيق Traveloka اللي يعطيك امكانية الحجز والتسديد عبر السوبرماركت seven eleven وطبعا تسقاملك رخيصة على كي تكري من الفندق ديراكت، يعطيك بار كود تروح للسوبرماركت تفوتو كيما قرعة الماء وتخلص عادي
وأخيرا أجمل مدينة في تايلاند كاملة وناس تاوعنا بزاف مايعرفوهاش هي مدينة Chiang Mai في أقصى الشمال بعيدة ب11 ساعة باص من بانكوك هاذي للناس اللي ماتحبش البحر كيما أنا وتحب الطبيعة والمدن القديمة والجبال
ربي يحفظك الراجل الزين
ماشاء الله عليكم بصحتكم وانشاء الله نزوروها
فعلا شرحك جميل بارك الله فيك على الافادة أخي
حال جات من الاورو 15المليون
بالنسبة لبانكوك الزوجة كانت على حق .انا قعدت فيها ثلاث ايام وندمت عليهم .وكان زدت فوتهم في بوكت احسن.فوضى وحرارة مرتفعة بالمقارنة مع بوكت وباقي الجزر
ما شاء الله بصحتك، مي 7ملاين و 600 للواحد تسما زوج ب قرابة 16 مليون غير البيي و ريد الباقي قرابة 6ملاين يعني الكل ما يقارب 22 مليون ، ووإذا ني غالط صححلي أخي ، شحل ستقامتلك ب الأوروا!! و شكرا
Magnifique. Bravo et merci pour le partage..
شخصيا يعجبني الاخينا هذا ربي يحفظك ماشاء الله تعرفلها لكن فقط نقولك على الاهرامات عندك الزهر اللي مزرتهمش والله تقدر تقول أسوأ منطقة في مصر جايين في صحراء بغض النظر عن الحرارة المرتفعة والمافيا الللي يلزمو عليك تكري عليهم كاليش المهم شرم الشيخ افضل بآلاف السنين من القاهرة واهراماتها
بصح سعر التذكرة غالي ليها شحال ستقامتلك مع الزوجة؟
و الله غير شفت لي فوطو برك نسيت قاع همي و انتوما بالبراكة عليكم و الله يبارك لكم و عقبالنا أن شاء الله 😍
يعطيك الصحه اخي ماشالله دايما اقوم بحفظ منشوراتك للعوده لها لاحقا و ربي يسعدكم و تزورو كامل العالم ❤❤
ماشاء الله ربي يدومها و يرزقنا ان شاء الله ❤
بصحتكوم 😄
بصحتكم تالمون تعرف تشرح حسينا كي شغل رحنا معاكم ، شكرا على الإفادة.
بصحتك خو شكرا على المعلومة
بصحتكم و ربي ينزل المودة و الرحمة بينكما…..#question. 16 millions par personne !??
مشكور الاخ