#شحال_تكلفة_الاردن السعر راح يختلف حسب الولاية لي تبداو بها العقبة او عمان و من

#شحال_تكلفة_الاردن 🇯🇴🇯🇴🇯🇴
السعر راح يختلف حسب الولاية لي تبداو بها العقبة او عمان و من مخيم و فندق.. هوستل اكل..
👈 بنسبة تذكرة طيران من فرنسا يبدأ السعر 40 اورو حتى 100 اورو( انا شريتو قبل اربع اشهر او اكثر )و يوجد تذاكر اكثر هادي باينة
👈 بسنبة للفيزا لما وصلنا قالي الجزائريين مايخلصوش و حسب ما اظن عرب من بلدان اخرى كيفكيف مايخلصوش
👈 الفنادق و المبيت : تلقاو كل الأسعار مثل انا حجزت هوستل the cabin في قلب البلد و 5 ليالي في بيت من موقع airbnb كاين 70.. لشخصين لخمس ليالي.. 80.. 100 اورو يعني كل الأسعار
👈 بسنبة للأكل : ماش غالي خلاص تقدرو تكلو ب 2 اورو كيما تقدرو تاكلو ب 5.. 10.. كاين مطاعم سعرها عادي ماش رخيس و ماش غالي بصح فيهم ظرائب
👈 بنسبة التنقل : هادي لي جاتني لغاليا خلاص و ستقام بزاف الا رحتو وحدكم ننصحكم تروحو في مجموعة 3/4 هاكدا تقسمو الأسعار.. في عمان لازم تهزو تاكسي كبيرة بزاااف مستحيل تتنقلو لكل الأماكن على رجليكم فيهم أماكن لي تقدر لكن الاغلبية لازم تاكسي السعر ما بين 1 دينار إلى 3 دينار
👈 لازم وين تروحو تنقصو الأسعار 😂 يدوبلو و يزيدو من عندهم.. كاين تطبيق كريم التاكسي و uber
👈بنسبة زيارة البتراء و وادي رم الصحراء تقدرو تروحو مع وكالة الأسعار تبدأ من 30 دينار حتى 100 دينار أردني يختلف السعر على الفندق و المخيم لي تخيروه في وادي رم هاد الرحلات مثلث الذهبي يديكم البتراء ثلاث ساعات من بعدها توصلو الصحراء تباتو فيها داخل فيها العشاء و الصباح الفطور من بعد يدوكم العقبة تلقاو فيها تحوسو حتى اليل يوصلكم عمان انا ماعجبنيش بزاااف لان البتراء من المستحيلات تزورها كامل في 3/4 ساعات و لما توصلو الصحراء مايكونش وقت كبير تستمتع بيها و تروحو تحوسوها.. انا رحت وحدي حجزت المخيم وحدي و الباصات الخ.. تروحو وحدكم تسقاملك حوالي 80 دينار و أكثر لان الحافلة ذهاب و إياب 50دينار مع Jett شركتهم في السابع و العبدلي
👈 بطاقة سيم : شريت زاين لمدة شهر مالقيتش اقل.. بسعر 15 دينار
👈 صرف النقود : في العاصمة احسن من المطار 100 اورو 75 دينار عند العلاونة و ابو شيخة
👈 احنا بقينا في العاصمة و منها رحنا زرنا الأماكن مثل البحر الميت.. المغطس.. مادبا .. جرش.. سلط.. البتراء مبتناش فيها لكن زرناها خطرتين اليوم الأول وصلنا ليها 10:30 حتى 16:30 من بعد رحنا الصحراء بتنا ليلتين من بعد رجعنا البتراء كان عندنا الوقت زدنا زرناها لان الحافلة من وادي رم إلى عمان مكانش يحطكم في البتراء 11 صباح من بعد 17 مساء فيه حافلة إلى عمان و دخول البتراء بجواز عربي 1 دينار عكس الأجانب 50 دينار
في منشور اخر نشرحلكم اكثر على البتراء و وادي رام
#معلومات #1001_help