شفت واحد الفيديو ا العنوان ديالو يحكي على السفر و كيفية حجز الفنادق بأسعار منخفضة أيا دخلت نشوف حتى صبتو يدور في واحد المحل هنا في بريطانيا و يدير مقارنة تع أسعار المواد الغدائية و البانان و العدس في بريطانيا و الجزائر … يعني و حق ربي غير شيئ مؤسف راك عايش في بلد أوروبي و عندك إقامة و لا باسبور أجنبي تغتنم الفرصة هذيك و تروح تحوس و تزور بلدان أخرى ماشي تدور في الأسواق و تقارن في السلع كي طيابات الحمام … هذو الناس كيما هذوك لي يقولو عليهم المؤثرين في الجزائر طغاو في وسائل التواصل الاجتماعي ما يمثلوش الجالية الجزائرية 👏🏻👏🏻
Posted in Tourism
طبعا
الكثير من الجزائريين يقارنون الاسعار بين دول تختلف قيمة عملاتها ف يسقطون في مقارنات خاطئة
يورولهم الاسعار و يديرو مقارنات و لكن واحد فيهم ما يوريلهم كيفاش يدفع دوصصي و يجيب فيزا و الاجراءات الحصول على اقامة …. البلبزير تاعهم يبانو خشان و البريفي راك فاهم
اقصفهم صاحبي معك حق
هادو نقدروا نطلقوا عليهم اسم طلابين وسائل التواصل ما يهمش لا صورة الجزائر ولا الجزائريين المهم زيادة التفاعل و خلاص
لي يطلع الى اوروبا يحكم ميكروفون يدير فيديو مع الحراقة . او فيديو واش دير بي 100 اورو في بلد اوروبي . نفس الموضوع و نفس المحتوى يحوسو كامل على نسبة المشاهدة .
هوما و لي يخرجو للشارع و يصورو الناس قولي العععععدس و قولي الررررعد و يضحكو و يزيدو معاها اغنية ليزالجيريان راسا و لي خلط فينا باصا 🤢🤢
أي واحد في الخارج يدير مقارنات ويعير بلادو ويبدى يستهزأ بالمعيشة في دزاير قسما بالله كعبة مقطرة
المشكل والله ماراهو هنا المشكل الكبير comparaisons
تاعهم ڤاع غالطين
علبالو لي فيديو هاذو ينتشروا كالنار في الهشيم ..
شوف واش تقدر تجيبلك 10 بوندات في ليدل 🤣
كيما واحد فكندا يظل يخرط و يقارن، يبدا اسمو ب اس و خلاص لام 😅
يديرلك واحد المقارنات
شقة في ضواحي مونبوليي مع فيلا في حيدرة
العدس في الترك شحال يدير
السلق وحشيش شربة شحال يدير في هنڨاريا