#شكون_يخلص_déficit
📢منشور خفيف على امر متعلق بموضوع تاع كي يعطوك بالغلط دراهم زيادة #فالڤيشي…
💭علابالي درك معظم التعليقات يقولك : (يدولك ماشي يعطوك زيادة)
💭ولي قولك : (نورمال ياك تاع الدولة)
💭وكاين لي عطاولوا زيادة ورجعهم…الخ
📌هل تعلم انه بغض النظر على شكون يخلصهم، انك قمت بأخذ مال بغير وجه حق؟
📌حتى و نفرضوها الدولة تخلص؟ هل يحق لك تسرق هذوك الدراهم !؟
📌وزد على ذلك الخدام تاع الڤيشي راح #ينحوهملوا من الشهرية تاعوا…
✅درت هذا المنشور باش الناس تعرف انه الخطأ راه يخلص فيه الخدام و ماشي الدولة و حتى وكانت الدولة راه مال حرام.
ربي يهدينا ان شاء الله.
والسلام عليكم ورحمة الله.
AP Helper
#AP_HELPER
Posted in Tech
الله يهديهم
اخذ اموال الدولة يعني أخذ اموال 45 مليون جزائري
انا سرقني تع ل ڨيشي في 100 الف ، و دليل انو سارق بدا يدير في نش و يقولي نتا. كل مرة ديرها، و انا جامي شفتو في حياتي .
نا قلت نقدر نروح معاه بعيد مي مش على 100 الف ، لكن كي سقسيت عليه قلولي شاكيين بيه اكثر من مرة .
يعني سقسيني لوكان نفس الخدام يغلطلي ، هل سنقوم باسترجاع للاموال المنهوبة ؟
الحلال بين و الحرام بين برك الناس يحبوا يلعبوها معلابالهمش يقولك انا داولي من قبل و هوما ديما ينحولنا و كذا بصح من بعد راح تبلعط ربي سبحانه ؟
صراتلي مرة جبدت 5 ملايين ومدهملي نصفهم من فئة 100 ونصفهم من فئة 50
سحبتهم وكي رحت للدار عاودت حسبتهم هي نورمالمو نحسبهم عندو .
بصح بسبب ظروف دسيتهم في جيبي ورحت.
حسبتهم في دار نلقا 100 الف زيادة من فئة 50 .
رجعت لابوصت لقيتها سكرت
غدوة رجعت للسيد نحوس عليه ملقيتوش.
قالولي ميخدمش يوم ارواح غدوة.
رجعت ليه غدوتها.لقيتو حكيتلو زيادة قالي .راني خلصتها من جيبي . ورديتهالو .قريب يطير من فرحه كي رديتهالو لانو هديك 100 تعتبر اجرة يوم كامل .وراكم تعرفو احوال الناس .
بارك الله فيك اخي
هذي اولا هيا اخلاق المسلم الحقيقي
ومن باب الامانة والصدق
وداخلة في انك تاكل رزق حلال طيب
منشور روووووووووعة
دراهم زيادة يخلصهم لكيسي من جيبو
التعليقات 🤢🤮
تقول مناش مسلمين!!!
بالحديث على بريد الجزائر.
جماعة الي يعرف يجاوبني. عندي usdt في بينانص. المشكل ماعنديش الذهبية و منه مكانش بريدي موب. كاين الي راهم حاطين خيار ccp. هل العملية ممكنة ؟ يعني يبعثولي لccp مباشرة بدون الذهبية و واش لازم نعرف باش مايسرقونيش لان المبلغ معتبر
بارك الله فيك