صحا عيدكم
ناوية انشالله نروح انا و صاحباتي في الصيف للمغرب. حابين نزورو عدة مدن : كازا طنجة شفشاون فاس و مراكش. كنا حاطين اغادير تاني في لبرنامج مي احتمال كبير رايحين نحيوها شفنا فنادق 4 و 5 نجوم بزاااف غالين ( الليله الواحدة ابتداءا من 300 اورو en all inclusive) و المدينة في حد داتها تبان ميتة ماهيش bien animée كيما الحمامات مثلا.
سؤالي وش رايكم فيها ك مدينة ؟ مليحة فيها des activités et des animations ؟ و لا ميتة؟
و كوم رايحين على تونس في رايكم نعوضو اغادير بالحمامات ولا سوسة خير ؟
أي نصائح أخرى على المغرب بصفة عامة تفضلو في التعليقات و يعطيكم الصحة
#سياحة_وسفر
#سؤال
حجزتو تذكرة ممكن اعرف سعر كي تروحي علا تونس؟
المغرب في الصيف متروحيش برك لمراكش … سخونة طنجة و الرباط و الدار البيضاء حتى اغادير مليحة
المغرب 🇲🇦 خير من تونس مي شوية غالية برك لازم تعرف تصرف
كازا مليحة وكاين فندق فرح وقريب ليه فنادق رخاس و ملاح فيهم فطور صباح راهم عند محطة كازابور من مطار كازا بور تركبي ب 50 دراهم في قطار
طنجة و مراكش تهبلي فيهم سيرتو طنجة فري شابة
لمهم انطلاق تاعك ديريه من كازا هيا صح
المغرب شابة بزاف روحتلها مرتين اذا رحتو للطنجة في طريقكم دهمو العريش بلاصت الحوت و اذا وصلتو لطنجة روحو لبلاصة وسمها الفنيدق ولا يعيطولها كاستييخو مع الحدود مع اسبانيا تشوفي بعينك كيفاه يهربو السلعة فيها السلعة تاع اسبانيا دورجين و رخيصة و زيدي روحو للتيطوان ماشي بعيدة على طنجة شابة بزاف
كازا وطنجة ملاح
طلع تطبيقات تع القطار والحافلات تع المغرب وجوجل ماب هاذو يعاونوك بزاف فالتنقل لانو يعطيك طريق السير حتى للحافلات والقطار والمحطات الاقرب
سوسة احسن من الحمامات واحسن من اغادير
كازا انا رحت في ديسمبر ولقيتها سخونة باش ادير حسابك لانو المناخ كيف كيف
اغادير كمدينة زوينة يروحوا لها سياح بزاف
على قبل الشواطئ و رياضات surfing و غيرها كاين انشطة تماك و زيد جوها مليح حينت فيها 4 فصول في اليوم
نصيحة وحيدة لي نعطيك خاص تكوني دايرة برنامج لكل مدينة
حينت كاين مدن لي لازمهم مدة كثر من الاخرى
كازا تاني شابة عندهم مول شباب بزاف و الكورنيش روعة و مراكش تاني شابة شوية سخونة و معمرة حدائق تاني بلاصت الحوت و العصائر و ساحة الفنى فيها جميع الموبقات تقول راكي في الجاهلية ههههههه وكاين بلايص شابين فيها وحدة و سمها اوكيمدن بلاصت السكي و التليفيريك
انا منعرفهومش في زوج لكن في رايي بما انك جايزين على تونس استغلو الفرصة باش تزورو بلدين في نفس الرحلة 🤌
Hanan El احكيلهم على تيطوان
ننصحك بالمدن الشمالية لي يصلحو تطوان طنجة
مراكش روحي فالشتا خير اما الصيف تروحي لبوقطب خير
حتى اكادير مدينة سياحية خصوصا فالصيف، اكادير معروفة بالشواطئ و كاين سوق الاحد من اكبر الاسواق فافريقيا، كاين عرض الدلافين، حديقة التماسيح، قصبة اكادير افلا ….
من الأحسن إلا عندك الوقت ديري يومان ف الدار البيضاء و يومان ف فاس و يومان ف شفشاون أو أصيلة و أسبوع ف الشمال المدن تما قراب لبعضهم و غيعجبك الجو تما .
بالنسبة للأوطيل حاولو تريزيرڤيو أوطيل رخيس في بوكين أما أوطيل all inclusive صراحة ليست سياحة.
والحاجة الأخيرة و المهمة المغاربة يحبو الجزائريين من الشعب إلى الأمن و عيدكم مبروك
بالعكس اگادير مدينة سياحية أيضا و فيها مايدار خاصك غير تعرفي فين تمشي قبل ما توصلي قلبي على الاماكن الزوينة لي فالمدينة و ديري لائحة كتبي فيها اسماء هاد الاماكن ملي توصلي اول حاجة ديريها سيري المدينة القديمة زوينة و تراثية و من بعد زوري الاماكن السياحية
و هادشي ديريه حتى فالمدن الاخرى
و الصراحة باش تزوري البلد مزيان خاص يكون معاك واحد من البلد حيت كاين بزاف اماكن يستحقو الزيارة و السائح مغاديش يعرفهم بوحدو
المهم انا فكازا ملي تجي قوليها لي ندورك كازا على حقها و اذا جاية فالصيف فراه حتى انا غادية لأكادير و الصويرة اذا كان جيتي فنفس الوقت نتلاقاو فاكادير و نوريك فيها حتى هي الاماكن لي تستحق الزيارة
تروحو على وكالة سياحية او وحدكم
قوليلي تعيشي اي وقت ناويين تروحو. و ديرو اسكال ف تونس ؟. انا ف جويلية منتصف معولة. لقيت تذكرة من تونس الى مغرب حوال 270-280 euro aller retour. الفنادق مزلت مشفتش. لكن واحد يكون ف وسط مدينة فيه فطور صباح ثلاث نجوم يكفي هك معولة. تقدري تشوفي booking-agoda pour avoir une idée
انا دايرة ف راسي كازا مراكش و كاش مدينة ف شمال. التنقل بين المدن كاين القطار ثاني
نظن الرحلة من تونس تروح لكازا اقعدوا تم أيام لأنها مدينة جميلة وسياحية وفيها كازا port تروح بالقطار وين تحب…مراكش تهبل لكن وقت الصيف السخانة والسياح بزاف تصلح في الشتاء والفنادق رخيصة قريبة لساحة الفناء حوسي على الفنادق لي تكون ستيل ديار مغربية فيها افطار الصباح في السطح مناظر روعة ونصيحة اخطيك من all inclusive خاطر في المغرب تقدر تاكل برا اسعار مناسبة والأكل متنوع وبنين ماش كيما دول اخرى…آخرها طواجن رخاس والمحلات نظيفة
عوض اغادير ديرو الصويرة
Khaled Psy-Péd
كذلك معوله قريبا و حبيت برنامج مليح. ياريت العارفين ينصحونا ببرنامج شباب
مرحبا بكم فالحسيمة تهيا مدينة زوينة فيها احسن شواطئ
Louisa Wallside
اتهلاي فيهم 🤝
اولا كازا ممكن تلاقي اوتيلات سومتهم مليحة، تجي من المطار ل casa port في التران وتنزلي في أوتيل ايبيس ثمنه مليح ومن تم موجود ترام تمشي فيه لعين الدياب وقريب لك المدينة القديمة ومسجد الحسن الثاني و ساحة الأمم المتحدة والبرانس بتاكسي ب اورو يوصلك المعاريف فيه التوينز والبوتيكات و هادو على رجليك متحتاجيش تركبي يعني نهار او يومين تدوريها، حابة تشري جلالب وكنادر طلعي لدرب السلطان قيسارية الجلالب ومن الاوتيل قريب لك تاكسيات قدام أوتيل بسمة كبار يوصلوك .
من كازا لمراكش كاين القطار نزلي لساحة جامع الفنا كاين اوتيلات كيما رياض وسومة مناسبة ومن تم قريب لك كلشي على رجليك وسط المدينة استعملي غوغل مابس و تدوري تشوفي كلشي و المنارة روحيها بالتاكسي و جليز اذا حابة البوتيكات او المول واذا حابة الطبيعة طلعي اوريكا وستي فاطمة طاكسي يطلعكم وترجعو في العشية، من مراكش لفاس في تران، فاس يومين كافية والاوتيلات سومتهم مليحة ومن تم للشاون في الاطوكار نهار في الشاون ونهار في اقشور ومن تم لطنجة نزلي في أوتيل في القصبة واستمتعي، نصحك في طنجة بالبيس السياحي تنزلي وتدوري وترجعي تركبي والتيكي صالح يومين.
الاكل في كازا البرنس قريب لاوتيل فيه سناكات نقيين و اذا حابة تقلشي روحك مطعم السقالة مطعم شباب بصح غالي
مراكش بعدي من ماكلة ساحة جامع الفنا دخلي المدينة الداخل الثمن احسن والكاليتي احسن، طنجة الاكل غالي بصح في المدينة مطاعم زوينين، الشاون مطاعم راس الما واذا مشيتي في غير وقت العطل الاكل زوين والمدينة تعجبك.
التسوق كازا بعدي على البازار شري من الأسواق قدام الاوتيل باب مراكش فيه كلشي و متعطيش اول ثمن يطلبه، مراكش عليك بسوق طلع هبط، طنجة سوق الداخل وسوق دبرا اذا حابة ، الشاون غير سوفونير
ياك زعمة رانا قاطعين الهاتف الدبلوماسية معاهم ، كيفاش حابين تروحو عندهم؟
مغرب خير من تونس ببعيد بصح غالية شويا وعندك كازا مليحة بزاف مع طنجة ومراكش
راح تكون اسوء رحلة في حياتك من لخر.
رحت ف2019 المغرب بلاد شابة ناهيك على المشاكل السياسية تستاهل تزوريها خادمين بلادهم رحنا لكازا ماعجبتنيش بزاف كيما وهران بصح مراكش شفشاون و طنجة روعة و من الافضل تكري بيت appartement خير و سعر مليح و تكوني الاز و الاكل برا رخيص ماتسحقيش المشكلة فالفندق تقدي حتى تشري و طيبي عندهم الحوت غايا و رحلة موفقة