صحا فطوركم وسحوركم 🌹
ادمن فوتلي المنشور هذا لغرض التوعية لان الظاهرة هادي في تفاقم وعيات الناس تهدر عليها.
المهم تفكرت الموضوع هذا لي ديجا حكيت فيه العديد من المرات تواصلت معايا أخت تعرضت للنصب عبر الانترنت ربي يعوضها ان شاء الله المهم على اساس رح تشري تيليفون على واحد يبيع تيليفونات فالانستغرام وللاسف بعد ما فارساتله بلوكاها.
نقطتين رح نحكي عليهم.
اول حاجة دايما نقولها ونعاودها عرفوا معامن تتعاملوا حتى كي تشوف عدد متابعين عالي وكاين تفاعل فالصفحة ولا الحساب هذاك اتأكد اذا راهم حقيقيين ولا وهميين سقسي عليه مليح اذا لقيت حاط ناس بلي تعاملوا معاه اتأكد منهم اقل شي خمسة منهم بلي صح تعاملوا معاه + حاجة كي تتعامل مع واحد عندو متجر وسلعة تاعه متوفرة عنده كي يقولك دفع مسبق بلوكيه وفوت لانو من حقو يطلب اكثر شي دفع مسبق 200الف بغسك هو تاني يخاف على روحه يخسر كاين عباد الله يهديهم يدير كوموند ويبلع عليك تيليفون ويبقى البائع فالخسارة غي مع روتور تاع ليكوموند وكيما قلت هادي في حالة كان عندو سلعة تاعه اما اذا كان يتعامل فمنتجات فالخارج او يبيع عملات رقمية اتأكد من الناس لي تعاملوا معاه متتعاملوش مع لي جا.
ثاني نقطة الناس لي راهي تبيع المتابعين سواء فالانستغرام ولا فالفيس ربي يهديكم هذا وش نقول لانو انا عن نفسي نشوفكم مشاركين معاهم ميهمنيش اذا كانت خدمتك ولا لا بصح لوكان ماشي نتوما وفرتوا العفسة هادي النصابين هادو ميكتروش اغلب النصابين يشروا المتابعين من عندكم ويشروا لايكات وتعليقات من عندكم يعني بطريقة غير مباشرة راكم مشاركين معاهم نتوما صح راك تسترزق من هاد الخدمة بصح هوما راهم يستغلوها للنصب والاحتيال لخاطر بزاف ناس ميعرفوش العفايس هادو وكي يشوفوا الريتش عنده طالع يروح على راسه.
المهم الناس هادو لي راهم يسرقوا سؤال برڪ عند ربي وين غادي تهربوا؟ وكي تتلاقى بالعبد لي سرقتوا شا غادي تقوله؟؟
ربي يهدينا اجمعين وحذاري ✅
#1001info
