صديقي إنجليزي موالف يسافر كيما أنا قالي شيكو نروحو للسعودية !! قلت وقيل حبينا راح يدخل للإسلام ! قالي نروحو لجدة ولا الرياض نشوفو كاش ماتش ولا نحضروا كاش حفلة !! قتلو بالاك كاش نهار !! صراحة أنا السعودية دايرها مكة و المدينة ، العمرة و الحج فقط .. رحت زوج مرات للسعودية و جامي رحت لجدة ( من غير المطار ) ما يعطينيش قلبي نروح تماك باش نشوف ماتش ولا نحضر حفلة تع شاكيرا ولا مادونا و بالاك حتى نتوما تشوفو السعودية تع عمرة و حج و فقط …. شغل أنا ما نديرش الموبيقات و ما نسهرش في لندن و باريس و نيو يورك نروح نسهر و نشطح في جدة وين بعيدة على الحرم و بيت ربي ب 70 كم !! ما كانتش هذاك وخلاص و إن شاء الله تقعد مكة و المدينة كيما راهي و ما توليش كيما جدة و الرياض 🤷🏻♂️
Posted in Tourism
العجب ثم بارح تفرجت فيديو في تيكتوك تاع وحد الشيخ مسكين دار خطبة قالهم الأرض هذي حرام ديرو فيها حفلات غنائية و…. وقفوه و اعتاقلوه
الله المستعان
بارك الله فيك🤗
السعودية يُنظر لها أنها هي الإسلام مع أنو فيها مكة والمدينة مدن مقدسة فقط الباقي أرض عادي كأي أرض
السعودية امضت عقدا مع الماسونية و اس.ر.ائ.ي.ل كيما دارت الإمارات و الاردن، بلادهم راح تكون مزدهرة اقتصاديا رغم قربهم من مناطق حساسة جيوسياسيا، ولهاذا تلقاهم يشروا في لاعبين كرة القدم و يجيبوا مغنيين باش يكملوا الهدف تاعهم.
اللهم ردا إليك ردا جميلا
I know this is off topic,but i wanna know if in your company it is ok to share your support to palestine ?
فيها اكبر الموبيقات هي و الامارات من غير مكة و المدينة الباقي مايصلحش فيها
السعودية مافيهاش مكه والمدينه فقط بغض النظر على لي قلته سهرات الخ.هذي تبقى كل واحد و افكاره ومبادئه اما الرياض وجده وغيرها من المدن تستحق الزياره فيها اماكن جميلة سياحية يعني السعوديه مش فقط عباده تقدر تحوس وتكتشف حوايج بزاف حتى مكه والمدينه وناس دير فيهم دعاوي الشر تلقاهم في نص الكعبه وقاعدين يسحرو ولا يديرو في طقوس غريبه.الدين مش مربوط بمكان وين ماكنت تعبد ربي. “وَلِلَّهِ الْمَشْرِقُ وَالْمَغْرِبُ ۚ فَأَيْنَمَا تُوَلُّوا فَثَمَّ وَجْهُ اللَّهِ ۚ إِنَّ اللَّهَ وَاسِعٌ عَلِيمٌ”