صرالي موقفين في مصر و الأردن … في الدخلة تع الأهرامات كنت مع 5 جزائريين و شرينا التذاكر ب 20 جنيه مصري للشخص الواحد ، كي جينا ندخلو قالونا نشوفو جوازات سفر ، ( عندي طبيعة الباسبور نخليه في الفندق ) كنت رافد رخصة سياقة بريطانية قالي نتا بالنسبة ليا مواطن أجنبي ماشي جزائري و سعر الدخول للأهرامات مختلف عن بقية الأشخاص ، خلصت 160 جنيه باش دخلت والجزائريين لي كانو معايا كانو رافدين الباسبور ديالهم خلصو 20 جنيه فقط و في مطار عمان الأردن جيت راح ندخل بجواز سفر أجنبي قالي الفيزا 50 دينار ولا دولار و كي قتلو عندي جواز سفر جزائري قالي الجزائري يدخل للأردن بدون فيزا و ما يخلصش .. إذا عندك جواز سفر أجنبي تخلص 50 دينار ولا دولار و الجزائري يدخل للأردن بدون فيزا و بلا ما يخلص ، و في البتراء خلصت وقيل 1 ولا 10 دينار و الأجنبي يخلص 50 دينار .. الحاجة لي تعجبني في بعض الدول العربية هيا نتا جزائري ولا عربي عندك أسعار تفضيلية عن الأجانب و نشوفها حاجة مليحة 👏🏻
من فضلك
الأردن جبت فيزا كي وصلت ال مطار و لا من الأنترنت ؟
شكرا مسبقا.
أمر ايجابي
غير في تونس العكس يفضلو الاجنبي عليك في كلش فالاسعار والخدمات.
الأردن هذيك زمان ضرك تخلص كفك كي الاجنبي 50دينار البتراء
صراتلي في مصر فالدخلة تاع الأهرامات تخلص 20 جنيه بالنسبة للعرب و المصريين بصح دوك زادت بصح مزالها قيس 200 دينار بدراهمنا يعني مبلغ رمزي
و حتى بالنسبة للمتحف المصري نفس الشيئ تخلص 30 جنيه و الأجانب 150 جنيه
و هداك الوقت كنت طالب دكتوراه نخلص النص برك يعني جاتني 150 دينار بدراهمنا
صراحة مصر متعة
لا اخي المعاملة حسب الدخل الفردي
مش كيف واحد يخلص بالاورو و الباوند كيف لي يخلص بالدينار
حتى في ليبيا كي تقولهم جزائري مكانش لي يخلص عليك
البتراء قبل شهرين رجعوها كيفك كيف الاجنبي ، و ضكا راهي ب30 دينار للعرب (950 الف) و 55 دينار للاجانب
غي حنا لي كلشي خالص من عندنا فطور تحواس هدايا….. إلخ
مرة في اسوان شريت تذكرة العرب حبسني فالباب قالي بلونجلي بلي الروسيين لازم يخلصوا كثر رجعتلو بالعربية انا جزائرية! قالي اه اسمحيلي نتوما نورمالمو متخلصوش اصلا ومدرتش الصف مع الناس 😂