علاش مانزرعوش الورد في بلادنا ووعلاش مكاش انواع شجر من غير النخيل نشوف بلي بزاف محتاجين الوان و اخضرار فالعاصمة شوفو مثلا ايطاليا زين تروح تلقى الورد و الألوان ولا هاذوك المنازل الملونة علاش مايديروش حملة باش يسقموا الواجهة نتاع العاصمة هاذوك الديار لي فالأحياء يعاودو يسبغوهم بالأبيض مايخلوهمش مزنجرين و بلايص تكون بالألوان حابة نفهم ياك ماشي صعيبة؟ شوفوا هاذاك الكيوسك نتاع ورد الجزائر شحال مد طابع جمالي 😍 ولا تانيك الطرقات هاذوك لي يجيو بالطوب القديم كيما فالصور
Posted in Tourism
دايما نخمم فيها ❤️💕 المدن نتاعنا مشوهة
هخخخخ اودي حنا قدام دارو مينظفش خص يا يخمم في مدينة كاملة
والله يا ختي في بسكرة تغرسي صبار يتحرق في صيف
Fallait mentionner le nom et les endroits de vos photos
تزرعهم يجي الكبش يرعى فيهم
كل مانشوف النخل قلبي يوجعني
هوما أصلا لي ينقو لحشيش والشجر يفسدو ماعندهم خبرة ماوالو
مرة واحد شد شجرة نحالها عمرها كامل
المنازل الملونة تليق بالجزر أكثر في رأيي
و زيد العاصمة اسمها البيضاء يعني كون يخليوها بيضاء خير
و عندك حق في حكاية النخيل مايمد حتى فائدة لا جمالية و لا ظل و لا حتى شيئ
غرسنا شوية كلاه قاع الكبش نهار عيد الكبير 😂
زعما يخلوهم كلش يخربوه ويكسروه
خاطر انت تزرع و لي يعدي ينحي يديها لدارو
كون جات هنا الشعب يطيرهم
خاصه ثقافه الورد ماعندناش للاسف
Nous sommes anti fleurs, anti hchich, anti verdure, pro chouk, pro Zoubia, pro khmej….
عندي حديقة قدام الدار غرست فيها افضل انواع الورود تعبت معاهم بزاف ومبعد جاو بنات رفدو كلش خاص غير الاشجار كون لقاو كيفاش ينحيوهم ما يخليوهمش
والمشكل ماشي مراهقات ولا ، لالا غير العجوز لختها صغيرة فيهم تكون 25 سنة لقيتهم يتصورو عندها قلت معليش ما نديرونجيهمش
دخلت وخرجت بعد زوج سوايع لقيتها صحراء ملتم نحيت كلش وغرستهم داخل عياوني والله لي يجوز ينحي وردة حتى كرهت منهم
ثقافة الشعب للاسف خالية من هاذ الامور النظافة وماينظفوش ولي يلقى وردة ينحيها
في حديقة الحامة برك كون تشوفي كيفاش الغاشي راه يفسد فيها ويعفس فالنبات ماتفوتش 3 سنين ينزع منها اللقب للاسف
إذا راكي تدوري في قلب العاصمة أكيد تكوني لاحظتي أن البنايات هادوك أغلبهم تم صباغتهم بالأبيض و هذا من 2017 و كاين بنايات أخرى راهي ترمم و ولاية الجزائر خصصت عملية خاصة لإعادة تهيئة الواجهة البحرية للجزئر العاصمة من جيهة لابيشري و العملية راهي متواصلة .
فيما يخص الورد كل واحد و تخمامو كاين لي ما عندو حاجة فالورد ، وهو حر في
البالكون تاعو يدير أو لا .
و هادي ماشي لازم تكون غير فالدزاير ممكن في أي ولاية أخرى من باقي الولايات ، مثلا نتي أبداي مادام جاتك هادي الفكرة و عجباتك و ممكن جيرانك بعدها يعاندوك
Flowers make life beautiful
الثقافة مكاش …حنا فبليدة قالك زعما نعاودو نردوها مدينة الورود ..غرسو شوية ورد فالمساحات الخضراء ..تصيب الذراري الصغار ينحي فيه يقولك نديه لماما ..هو صغير متلوموش المشكل باباه مقابلو او فرحان بيه ..الشعب تاع دزاير الاغلبية تاعو معدوش ثقافة المدن ..
فندق عنابة. الشهير. تخيل فقط يكون بالالوان. مدروسة يعطي اجمل صورة وسط الاخضرار احسن من لي راهم مخليينو ابيض.
المشكل مشي مين يغرسو الورد المشكل أنه ماكانش المتابعة في العناية بالورد لأنه ماكانش ثقافة نتاع ورد على بيها يغرسو النخل ولا شجر لي مايحتاجوش عنايه بزاف
بلادنا مليحة خاصها غير شوي اهتمام ترجع مشاء الله بصح الله غالب نعرفو ….
بابا كل ما نفوتو على بلاصة فيها نخل يقلي يعرفوا يغرسوا غير النخل كاين ولايات مثلا الجو تاعهم مش تاع نخل و هكاك يغرسو فيهم و الشعب بسلامتو تغرسي عند بابك الورد يطيروا بيه إن شاء الله يعودوا يديروا دراسات قبل ما يغرسوا مس هكاك برك
غير يهزوا لوسخ و لابوبال من طرق قالك ورد 😂
ثقافة منعدمة تماما لآسف
تروحي تزرعي حاجا في صباح لعشيا متلقيهاش 😑
Tout a fai d’accord
سقسي الي جربها يقولك التجربة نتاعو
غير يحبسو ما يرميوش الوسخ السع ويرحمها ربي عالورد
لأنو الناس لي راهي تقرر حابسة…كل منجوز على طريق نصيبهم يزرعو فالنخل يغيضني الحال….في عوض يغرس نبات ظلي..يجيب معاه الرطوبة للهوا وينقص الحر…ويزيد ينقص التلوث لالا يجيبلك نخلة ميتة مفيها حتى فائدة للبيئة المحيطة..كارهة للمياه ويغرس قدامها غازون يحب الما….وارواح نتا وافهم….
ولا يغرسلك ورد يحب الظل في بلاصة مالصباح والشمس مقابلتها من بعد يموت ..يزيدو يجيبو دفعة اخري ويعاودو نفس الشي وهي رايحة….
لوكان يحبو قادرين يرجعوها جنة في أشهر فقط…للأسف …
بسكو الجزائري عموما ما عندوش عقلية المكان العام سواء ساحة او حديقة او بناية ….الجزائري حتى واجهة بيته يعتبرها جزء من الخارج و بيته الداخل بافخم الديكورات و الرخام و برا يستخسر بيدون صبيغة في بيته لانه يعتقد انها ليس ملك ليه و هي جزء من “الخارج” …انسان كما هك كيفاش حبيتوه يغرس الورد و يحافظ عليه
هاذي ثقافة شعب ما شي غير الدولة لو كان كل واحد يغرس قدام داروا تتسقم
لاهين بي صرق ونهب المال العام
كاين صفحة اغرس شجرة الله يبارك راهم قايمين بيها
كل مرة يروحو لولاية ويغرسو مي لازم نعاونهم حنا
الجزائر الخضراء voila votre réponse
Ils font des pieds et des mains pour rendre l’Algérie un peu plus verte chaque jour.
Mais sans l’aide des citoyens pour prendre soin de l’arbre, leurs efforts est vain.
Si chaque personne 9odam darha taghress haja wtethala fiha touli l’Algérie multicolores.
L7okom ki dir des projets de floraison fles villes dirlek des fleurs li lazemelhom un entretien aumoins chaque 3 jours, par manque d’eau et d’entretien résultat: les fleurs fanes, meurt wye93od ghir la7chich
وعند الحديث عن الورود .. كاين عفسة بزاف عجبتني شفتها فالميترو فإستونيا .. كي تطلع للميترو كاين واحد يعطيك وردة تشدها فيدك داخل الميترو وكي توصل للوجهة تاعك وتنزل تمد هاديك الوردة لأي شخص يصعد فالميترو وهكدا تكمل .. واحد يمد لواحد وردة وداخل الميترو معبي ورد ❤🌺
التاتش لازم يكون عفوي تسما كي تكون قديمة ومغروسة قدامها شجرة جي هايلة على لي ديرها نت هههه 🌹
الوالي لي يجي اول قرار يديرو ينحي الشجر القديم و ويحط نخلة ميتة . المهم اعداء الطبيعة و الكهول لي عايشين في زنزانة في مخهم . زيرو ديكور زيرو تقدم في كل مجالات
متقلقيش روحك و حاولي تتأقلمي
انا اوسي كنت كيفك و بردت درك
ايطاليا بلاد الفن
و الجزائر بلاد الاحرار و الحكام السراق