علاه معظم الشعب الجزائري مزال داير فراسو بلي السينما الجزائرية تعرص افلام الاجنبية غير بالدبجلة الفرنسية؟
شفت منشور تع واحد يسقسي على عرض فلم Oppenheimer اغلب الردود ناس مزالهم عايشين ف 2010 دايرين فبالهم بلي كلش بالفرنسية
قاعات السينما فالجزائر راهي تعرض كامل الافلام الجديدة باللغة الانجليزية مع ترجمات مختلفة اذا نتا جامي دخلت ل سينما ف حياتك متجيش تفتي على الغاشي وشكرا
Posted in Movies
في وهران كاين؟
صح ونتا علاش زايد فيها يعني 😏
Cinegold f oran dir deux fois brk b version original ba9i VF
حسب ما شفت برمجت العروض معظمها باللغة الفرنسية و قليل العروض تكون باللغة الاصلية ، و إذا دارو عرض باللغة الاصلية يحطو ترجمة كتابة بالفرنسية vostfr
ونتا علاش راك تاكل في روحك، داك النيف على قاعة السينما؟
اذا راجل قابل بوجهك 🤌 متجيش تفتي من ورا ليكرو !!
كون زعما رحت جمعت البرامج هذو لي شفتهم نتا و نشرتهم و هدرت أحسن من أنو تهدر فالفراغ، راني ديجا دخلت شفت البرامج هذوك ولا واحد دايرهم باللغة الأصلية
شغل مشكل كبير هذا مشكلة القرن
Chegule b la voix ta3e Hena wuled Alg Wache bike Wache bike
كاين ترجمة عربية ؟
عندك الحق خو، ياك الجزائرين دايمن تلقى لي ما فاهم والو هو لي يهدر، وأصلا سينيما شايفها في لي فيلم برك ( كاين مشاهد تاع سينيما في الأفلام كيما the shawshank redemption)
حنا لا عندنا لا سينما لا والو بورتون عنابة كانو فاها 4 ولا 5 درك كل حبسو
علاه عندنا سينيمات ههههههههه
راك تهدر باطل والله خليهم في هواهم ، نتا استمتع و بصحتك
اسملحنا كي مازالنا كواvا و مانروحوش للسينما باش نعرفوا معلومة كيما هكا ، كي تعيش نتا ف 2023 تكفينا حنا كمشاهدين
المشكل مش فيك المشكل ف الادمن الي سمح بمنشور كيما هذا
علاش راك حاط دخول سينيما انجاز عظيم ولا حاط روحك من طبقة برجوازية علاش حنا عندنا قاعات سينما أصلا!!
ويبيعو الفشار ؟
عندنا قاعات السنما !!؟؟
Win ydirouh te9der t9olelna wlaa win nechriiw les tickets ?
اصبر اصبر عندنا قاعات سينما منك بصاح
ادا كاين قولنا
لي نعرفهم تاع ابن خلدون
و تاع ديدوش مراد
يديروه باللغة الأصلية مرة وحدة في السمانة و يديرولو ترجمة فرنسية 🤷
مادرنا والو
كالما الحاج ، اسمحلنا كي جامي دخلنا السينيما و جبتلنا معلومة جديدة و رجعتنا ل2023 كنا حاصلين ف2010 .
انا جامي دخلت نتفرج في السنيما
بصح كي طلقو الفيلم تاع one piece red شفت وحد التسريب لقيتهم مدايرينلهم الترجمة بالفرونسي
ياشكوبي اسكو هذو الناس لي يخدمو في السينما عباد كيفنا عندهم جنسية جزائرية و يهدرو عربية كيفنا ولا واش ؟
امالا انا مزالني ف2005 ودايرة بلي معدناش قاعات سينيما اصلا😂
وشبيك اخد الأمر بصفة شخصية
علاه عنا قاعات سينما ؟؟ 😃
الجزائر القارة ( كما يحب ان يسميها بعض المتخيلين)
فيها خمس قاعات سنما واربع تعرض بلغة غير لغة العمل الإصلية
انا ساكنة في آليزي ولا تندوف وينها السينما دي نروحلها بلاما نمشي نهار ؟
عايش فالعالم الموازي
منشور يحسب الجزائر رجعت الولايات المتحدة الامريكية وحنا لا خبر ….
على اساس بلادنا معمرة دور السينما 🙄 حتى زعما يجيبو الخبر الصحيح. كثر خير التيليغرام. لي ساعة و يصدقوا علينا فيلم
راك قست بزاف غاشي 🤣🤣🤣
يعرضو اوبنهايمر في قسنطينة بالإنجليزية؟
اسمحلنا يل الانونيم كي مزالنا عايشين في الكهوف…حنا مزالنا نصيدو بالتيربولاة و نطيبو على الفحم
القوة الاقليمية هي بذاتها راهي ( سليما) بلا دراهم و بلهجتنا
حنا ماعندناش قاعة سينما ..و جامي دخلت لسينما قلقناك في حاجة 🙄🤌🏻
ولا عندنا في جزائر صالات سينما !!!! وايضا بالانكليزية !!!!!!!!
صح يديرو الافلام الجدد غير تخرج بصح كل ما نروح نلقى دايرين الفيلم مدبلج بالفرنسية غير الافلام الجزائرية يخلوها بالجزائرية
علاه يديروه بالفرنسية اصلا ؟؟؟ بلاد شكوبي
انا لعيباد لي رام حايرين بلي عندنا سينما وين كانو عايشين مافهمتش 😂
واحد قلهم لتحت اسكو يبيعو الفشار عند الدخلة 😂😂😂
في سكيكدة مكاه سينيما خلاه وقيل
W machi 3ib ki wehd jamais rah l cinéma psq machi ness kol seknin fi alger wla Oran
وين رح يعرضوه من فضلك لمكان وتوقيت
و هذا موضوع إديرو عليه الناس منشور !!؟؟
معليش نتا راك فحل وتعرف للسينما وهدي حاجة تشرف
شغل الناس راها حايرة في السينما ونتا جبتها