#عمرة
السلام عليكم
عندي استفسار من فضلكم انا رايح عمره باذن الله في العشرة الاواخر تاع رمضان وحدي من خارج الوطن ماشي مع وكالة و لكن معظم الفنادق القريبه من الحرم حتى 3 كم تقريبا صبتها كومبلي و قالو لكان تروح و تحجز خير او تشوف واحد راهو في مكه يحجزلك لانو معظم الفنادق ماشي متواجده على الانترنت و لا يمكن التواصل معهم عن بعد
لي عندو فكره كيفاش ندير اذا نروح و كي نوصل نشوف او لي راهو في مكه نتواصل معاه يشرفلي و ربي يجازيكم خيرا
ان شاء الله تلقى حل مهم دعيلنا معاك😁
ماشالله الله يكملك 🤲🏻
اتصل بيه قبل وحاول تحجز قبل الوصول بيوم او اثنين تفاديا ل المشاكل
وربي يقبل منك متنساناش بدعوة خير ♥✌
شوف المنصات المعتمدة للعمرة في المملكة تلقى عندهم …
ابحث عليهم في جووجل و الا شوف هاذو
https://www.nusuk.sa/ar/partners
ادعيلنا معاك
نظن الفنادق القريبة من الحرم ماتكونش دايما معمرة بسبب غلائها مثل سويس اوتال…الخ هذا اذا راك حاب تحجز فيها يكفي انك تحجز من booking
واذا حاب فندق معليش يكون بعيد.. فقط تأكد من توفر النقل من وإلى الحرم طيلة ٢٤ ساعة.
اما بالنسبه للحجز… كاين وكالات سفر جزائرية عندهم مرشدين يخدمو معاهم فالسعودية تقدر توكل واحد فيهم ينتقل للفندق ويحجزلك.
اذا كنت رايح وحدك لازمك تسجل في منصة نسك لكي تحصل على تصريح العمرة لأن في بعض الأحيان يطالبوا بيه الشرطة عند أبواب الحرم و على ماأظن تقدر تلقى فيه الفنادق بالتوفيق.
شوف واحد بعيد ب ٢ كيلو او اكثر و يكون عندهم bus ٢٤ ساعة يديك حتى للحرم قاع ما تتعبش ، انا فضلته عاى واحد قريب
اذا لم تتمكن من الحجز في فنادق قريبة يوجد فنادق توفر النقل مثلا الفنادق التي في محبس الجن بالحافلة لا تتجاوز الخمس دقائق و تكون في ساحة الحرم
تعليقي خارج الموضوع ان شاء الله تلقى اللي يساعدك و انا نطلبك ادعيلي تما اذا تفكرت و تقبل الله منك