عندي سنوات متفرجتش مسلسل جزائري او نشوف فقط غير مقاطع او حلقات
لكن هذا كي قريت قصتو وشفت بزاف ناس شكروه قررت نشوفه كاملا وراني فالحلقة9
وصراحة هذا هو الانتاج اللي يقدرو يصدروه بلا منحشمو بيه عمل تجاري بامتياز .. عندو مقومات النجاح، وصُناعه يحسسوك انهم عندهم لمسة في مقومات هاته الصناعة.
كل أبعاد العمل المتقن متوفرة: اخراج، تصوير، حوارات، اضاءة، نمط الشخصيات، تمثيل، مواقع التصوير، وحتى اللباس…
طبعا العمل يعتمد على قصة من خيال الكاتب وبريستيج العالم الدرامي لكنو منساوش يوضفو معطيات من الواقع الاجتماعي فتقريبا لكل شخصية حكاية ومشاكلها وعلاقاتها، والحبكة لا تقتصر فقط على الجريـ مة اللي وقعت ولا على خلفياتها فقط .
لهذا العمل يحوي عدة ابعاد سردية اهمها طبعا من قتـ ل ملاك؟
هذا لي قلك هذي قصة تع فيلم مش مسلسل، مع العلم ان هناك افلام تم صناعة نسخ درامية منهم فالقصة يمكن اختلازالها او اثرائها على حسب المراد منها وتوجهها.
طبعا منيش نقول عمل خرافي او عالمي ولكنو نقلة نوعية ويبين انو قادرين يخدمو كثر ويمدو ماهو احسن
اكيد خصوصا بالنسبة للنوع و القصة فهي جديدة كليا بالنسبة للدراما الجزائرية
طريقة السرد، لقطات و زوايا التصوير مدروسة و ليست عشوائية و حتى الدلالات و الرموز فيه باه نحاولو نفهمو القصة عجبتني بزاااف
Aziz Lahouel
مستحيل نقتنع بمسلسل جزائري مهما كان حال خاصة تاع سنوات الاخيرة
لوكان تاع زمان بلاك
المسلسل فيه موسيقى تصويرية مليحة و ربط مليح للأحداث بين الواقع و الفلاش باك و تان كاستينغ مليح شفنا أكرم جغيم أثبت بلي يقدر يتقمص شحال من دور و هو underrated ، لي لعبت دور هند تان لعبت مليح …. شفنا تان تناسق بين ممثلي الغرب و الشرق ماشي كيما موالفين نشوفو كل واحد فالعائلة بلهجة حت تكره ، يعاب شوية الإطالة فالأحداث
تحفة فنية و انا ندعم مسلسل بانتاج كيما هذا و يزيدو يطورو و نولو نتفرجو مسلسلات على طول العام برافووو 🔥
المفيد وشكون قتلها 🤔
راك تعيي ف روحك برك خويا المسلسل تحفة لا غبار عليه بصح دوك يجوك جماعة الديفيرينتي اللي موالفين بامريكا و كوريا و تركيا يقولك دون المستوى ولا دوك يجوك أئمة يدورو ف غروبات افلام و مسلسلات يقولك تفسدو ف المجتمع و لا دوك يجوك جماعة عندهم انفصام ف الشخصية يقولك مايمثلش الواقع تاعنا و لا هاذوك اللي يقولولك السيناريو مقتبس او مسروق مع انو جميع الدول تقتبس و تسرق من عند بعضاهم
البارح حطيت منشورة على المسلسل الكوميدي البطحة و شكرت العمل طاحو عليا بالغمالة تاعهم فالتعليقات عييت نفهمهم بلي هذا عمل كوميدي لا اكثر