عن تجربة و لاحظتها في بزاف ناس تسافر
مع الشركات الجوية الأجنبية و غيرها يشروا التذاكر مهما كان الثمن و حتى و يكون روطار أو مشكل ما يتفاعلش كيما يتفاعل مع أسعار و خدمات air Algérie
بمعنى آخر يبقى دائما المنتوج الوطني محل إنتقاد و تذمر في كل الأحوال
Posted in Tourism
خخخ او المشكل تلقاه ملقهوة تع حومتو ميخرجش هكك شغول ناس والفت تشكي
باينة ننتقد الشركة اللي نركب معاها بزاف
المشكل ماراهوش air algerie المشكل الدولة متفتحش المنافسة و تفرض عليك شركة اسعارها مرتفعة
ابسط مثال علاش السعودية مفتحوش معاها طيران ؟
مثال فولينغ شركة قرعة معروفة بخدماتها الكارثية و آر ألجيري خرمنها بزاف في كلش
تذكرة الجزائر اسبانيا مع فولينغ 10 ملاين
آر ألجيري 5 ملاين
بصح جامي سمعت واحد قال فولينغ دير روطار و تذمر أو اشتكى منها يركب و يسكت
طبعًا ، لأن الزبون تعوّد على رداءة الخدمات، وتبقى نوعية الخدمات الرفيعة مع الشركات الوطنية سوى استثناء للقاعدة العامة !
هذي ملاحظة في جميع المجالات وهذا مثال واحد فقط ،يعني المشكل هنا ليس مشكل منتوج محلي بالعكس المشكل فالشعب المحلي
عن نفسي كانت تجربة لي مع الجزائرية بإتجاه قطر ذهاب و إياب ، أحسن الخدمات ما شاء الله
جامي خممت نركب مع طيران الجزائري و مراحش نركب ب إذن الله
مقارنة غير صحيحة تماما… الخطوط الجوية الجزائرية كانت كارثة ومجرزة في حق المسافرين ودون اي اعتذار او حتى تعويض او شيء من هذا القبيل.
الخطوط الأخرى إذا فيه تاخر يكون فعلا لظروف خارجة عن النطاق.
ولو انو للامانة الخطوط الجوية الجزائرية تحسنت في الآونة الاخيرة.
كل المجالاتت مام فاللبسة تحطلو تاع المغرب وتاع دزاير ايعيبلك فالسلعة تاع دزاير مع العلم مخدومة فيني على تاع المغرب
الشعب عندو عقدة مع الالبضاعة الجزائرية
F janvier hada rkebt m3a air algerie vueling et air France
Air algerie pas de retard makla les pâtes avec poulet
Vueling retard ta3 20 minutes pas de bouf
Air France vol aller sbah 2 sablé + café vol retour la nuit sandwich tomate fromage + boisson
Donc je bin had les trois air algerie c les meilleurs
السنوات الاخيرة أسعار Air Algerie كانت تعتبر من أغلى الطيران في العالم بمقارنة التمن /المسافة و ما نحكوش على الخدمات و التأخير اليومي .في وقت كورونا كان فيه الطيران فارغ و الشعب محروم من اقتناء التذاكر… حسبنا الله و نعم الوكيل فيهم.
ان شاء الله دزاير مايزيدو يشوفو دراهمي
خاوتنا كتوضيح فقط
مانيش ندافع على Air algérie علابالي فيها روطار و مشاكل
راني نحكي على واحد النوع من المسافرين المنافقين لي يقبلوا كل أنواع الرخس و الذل من شركات طيران أخرى و يجي يتفشش على Air Algerie
وجبة العشاء مع الخطوط الجوية الجزائرية من الجزائر الى قطر ما شاء الله بنينة ونقية
فطور الصباح بذات الرحلة ، احسن الرحلات لي تكون فيها أحسن الخدمات . – التوقيت مضبوط ، خدمة الأكل ما شاء الله ، –
اخر مرة زدت خمس ملاين فرق غير باش مانمدلهمش دراهمي باسكو مايستاهلوش.
اولا لانهم مايستاهلوش وثانيا لانهم مايستاهلوش هههه
وايماجيني بعد شهرين او ثلث اشهر ثاني رايح نشري بيي مع شركة اجنبية ووالله باذن الله مايشوفو دراهمي
سافرت مع tp تاع البرتغال حق ربي غير برويطة. ولا ماكلة لا هم يحزنون الماء يبيعو فيه بالكأس
اخي نحب بلادي و نحب نطلع اقتصاد الوطن ديالنا ولكن مع احترماتي ليك تذكرة مثلا لدبي حاليا راهي تتراوح 93000 مع اماراتية و مع الخطوط الجوية الجزائرية 10 ملاين و المشكل مراهش هنا نركب في كورسي معفون تقياو فيه لا نظافة لا معاملة طيارة راشية علاش هده المنكر في air algerie الله غالب نحجز مع اماراتية معاملة فالقمة مقعد مريح خدمات ممتازة كل شي تمام نهار يسقمو رواهم توعنا منبعد ساهل
الشركات الاجنبية اللي سافرت معاهم كامل في المستوى ، ولا ننتاقدوهم باه ننتاقدو برك ؟؟ و اير الجيري الله غالب هذاك ما حلبت 🤷♂️
هيا لكان خطوط جوية الجزائرية تنقص السعر اكيد خطوط الاخرى تهبط السعر
حنا ك جالية زعمة رانا حاسين كي نقاطعو خطوط الجزائرية يصدو لينا و ينقصولنا الاسعار 😂😂 ان شاء الله يسمعو بينا برك
و تجربتي مع British airways كانت شوي شوي و قتلني الجوووع عطاولنا وحدة شيبس و قرعة ماء اصغر من صغيرة 😂
من هذي الناحية (تع ماكلة )تحيا air Algérie 🇩🇿
سمحلي بصح air algerie أسوأ شركة طيران في العالم و بجدارة ، غير ماتشقاش تحسن الصورة
لان المنتوج المحلي ليس هناك ما هو مكلف بقدره.مع رداءة و قلة احترام في المعاملة
شغل حاجا تع الدار ديما لازم يريبوها
Tchof les commentaires nas tgol rayha l restaurant tiyarat khorda pas de confort service khorda barkawna m les sentiment
مادابينا المنتوج الوطني يتطور ويتحسن لكن يرحم باباك كتنوض الصباح تلقى ميساج كيما هذا واش دير .الغاء بدون تقديم اي مبرر علجالها درت روطار 5 ايام اوفاللخر رحت على تونس .
المنتوج الوطني، على شاكلة أحوال الوطن، تحب ولا تكره، الخطوط الجزائرية فيها سلبيات اكثر من الايجابيات، النقطة الايجابية الوحيدة هي الوجبات، اما الباقي كله سلبيات و اكثر سلبية فيها غلاء التذاكر الذي لا يرقى مع مستوى الخدمات المقدمة، السعر لي تخلصو في خط باريس-الجزائر، قيس ماتروح بيه من باريس لمونتريال على الخطوط الكندية المصنفة احسن من الخطوط تاعنا، خدمات و بشاشة و اهم شي احترام الوقت… شخصيا نفضل ماناكلش و نروح لبلادي بأسعار معقولة، ماشي يحشلي الركايب و يحطلي مثوم.
تحبوا تغطوا الشمس بالغربال.. الخطوط الجوية زريبة فوق السماء، صوصيال طاغي.
مفهمتش كيفاه راك تقارن شركة كيما قطرية و امارتية في احتراف و طريقة التعامل مع الزبائن تاعها و تقولي كيما الجزائرية السعر طالع للسماء تشناف اخطيك
نتا و ماجر غي كيفكيف كي بدل محرز ب بوخنشوش
واش جاب لجاب و زيد سوما ماشي كيف كيف
Ok
Vive air Algérie 🇩🇿 parce que fel COVID c la seule compagnie li kanet trouh jibak win makont yalokan tkouno 10 de même en plein guerre machi mlih li yankor l3achra fi kolach 😉😉😉😉😉
ركبت مع القطرية قطر الجزائر الطيارة مافيهاش usb و wifi عمر راسك
Je pose ça ici .
Fah Em
احكيلهم شوية 😂
Smhli bsh aur algérie meme ki tkoun nta lcalme gaa f denya yjahlouk mshi intikad wla mais kayen des vols alah yhfed w sayi tweli tahlef matzid trkb maahom w kyn des vols mashaa alah
اسوء شركة طيران سافرت فيها هي المحتمة air Algérie قلة احترافية عمالها تروح تريزارفي تقول راهم دايرين فيك بليزير بالتشناف… + النظافة منعدمة داخل الطائرة + في احدى المرات اشم رائحة السجائر طاقمها يدخن داخل الطائرة + قائمة الطعام الاسوء بين نظرائها + الترفيه داخل الطائرة منعدم +اشهار منعدم للأسف الشركة الاسوء يالنسبة لي ولا انصح بها اذا كانت عندي خيارات اخرى اختار الاخرى ماعدى air Algérie
راك تكومپاري صوالح آن كومپاربل
راك منيتك !!!؟ اخمج طيران هو تاعنا هاذي لا نقاش فيها
طيارة تقول bus
علابيها بقينا التوالا ……
اسعار خيالية
تروح تشري تذكرة تلقا روحك في ادارة ترجع لعام 1980
لا تعويض عن ساعات و ساعات تاخر
طقم الطيارة من شر ما خلق حاشا البعض
او زيد تدافعو عليهم باش يزيدكم ربي ذل على ذل
محال ،،خدمات رديئة جداا