في الجزائر عندهم مفهوم السياحة كي تروح لنيو يورك ولا لندن ولا باريس ولا أمستردام … أنا المدن هذو مانيش نشوفهم كيما نتا تشوفهم بعيد ولازم رونديفو ولازم فيزا ولا دراهم و لازم خدمة … نوض غدوة نحكم طيارة راني في المدن هذو بصح أنا كسائح نحب نزور بلدان وحدوخرين نحب نروح حتى مراكش باش ناكل الطنجية في ساحة الفنا ولا نروح للأردن لوسط البلد ندير لاشان باش ناكل الكنافة ديالهم .. كل واحد يحب يزور ولا يكتشف الحاجة لي ما عندوش .. كاين أنجليزي كي يجي الجزائر تعجبو و كاين لي يروح لكاش دولة أوروبة ما تعجبوش …. السياحة أذواق 🤷🏻♂️
Posted in Tourism
أنا شخصيا نحب بلدان مثل سويسرا ايرلندا تشيك سلوفاكيا نحب مدن تاريخة و كل واحد كيفاه
إلا المغرب يا شيكو 😂 انا سبحان الله بلدان الجيران ما عنديش حتي رغبة في زيارتهم هههه تونس و له المغرب كاين شويا ليبيا و الباقي شويا شويا ههههه
انا ما نحبش ندير لاشان لا في مراكش لا في الاردن لا في نيويورك… لكن صدقت السياحة اذواق… انا واحد نحب الوجهات الطبيعية لي فيها الطبيعة الزاخرة.. والاذواق لا مشاحة ولا انتقاد فيهم
ديرلنا منشور السياحة لي بريطانيا من غير لندن والاماكن المعروفين
انا مثلا نحب الاكل التقليدي تع البلدان لي نزورها و اكل الشوارع و ندور فالاحياء الشعبية
انا نحب لبلايص لي فيهم ثقافات مختلفة و سيرتو الأماكن الريفية و الطبيعية و نتعرف على عادات و تقاليد نكره المدينة و الفوضى