في موضوع مشاركة التجربة … جيجل تبقى عندي الأفضل في كراء المنازل لوجود الوفرة

في موضوع مشاركة التجربة …
جيجل تبقى عندي الأفضل في كراء المنازل لوجود الوفرة يعني عندك les choix..وشنو لازم قبل بفترة تخطط و تبحث متخليش لآخر لحظة و يحتمو عليك ..رحنا لها في بداية الصيف سيد كل عام نكريو عليه لكن وصيناه تقريبا شهر من قبل و كل مرة نعاودولو و نأكدو ( تعب و ضغط لكن محتمين خيرمن نوقعو في مفاجئات و تسماط التصييفة) الأسعار زادولها بشكل مبالغ بارتو حسب الشوفة ..لي ذكي راه يكسب ناس و يجيبولو ناس و لي حابس يخلعهم نيهربو ميرجعوش …لكن رغم كلشي كاين سهولة في جيجل..القالة حبينا نكريو ليلة للراحة قبل عبور الحدود لتونس واحد محب يكرينا ليلة فقط بكل جراة يقولك لازم سمانة و طلع غير بعض البيوت المخربة بلا مكيف و بسعر 5000 و طلع كشغل يحب يسرقك في وجهك ..الفنادق لي سعرها معقول كامل مشغولة ..اضطرينا نباتو ليلة في طبرقة…هناك لاحظت الفرق ..رغم علم السيدة بأننا مجرد عابرين وجهتنا فندق في الحمامات خرجت و مشات مسافة بعيدة باش تلاقينا ..كراء ب 50 د و اعطتنا من عندها غداء سردين و سلاطة و فلفل و عصير و زادتنا في العشاء مقرونة تونسية بالدجاج و عرضت علينا شرب الشاي في الليل ..و الصباح من نيتها كانت تحوس تفطرنا قهوة و حليب حتى اصرينا في الرفض و احرجتنا بكرمها و خرجت معانا وراتنا منين نشريو منين نديرو شونج تقريبا راحلها نصف يوم لاهية بينا رغم انشغالاتها..ناهيك على نظافتها و نصائحها و راسلتنا تطمن إذا وصلنا بخير و عرضت علينا الراحة مجانا لساعتين أو ثلاث عند العودة …العقليات تختلف حسب شخصية الإنسان مش حسب وين يسكن بصح لازم نصارحو ىواحنا كثر عندنا الاستغلال من وقت كوفيد من ظهرو تجار الازمات ولات عقلية عامة لي يشوف خوه محتاج سارفيس يزيد فيها و يضيق عليه خاصة إذا شافو محتم ..صح الناس كامل تحوس تربح لكن كونو اذكياء و خليو كلش في المعقول
… كي تربح بزاف في صائفة و لي بعدها كامل تبقى مصفر يديك انت كدا استفدت ايه 😅
Ps,علابالنا في الطبيعة و البنية التحتية دزاير خير بشي كثير
#1001_tourisme