ماشي كاع المراقد ملاح .
السلام عليكم ؛
ليوم نحكوا علي لندن رحت هذ الويكاند ، الحاجة الأولى لي خلعتني هيا انو اصبحت غالية شويا مقارنة بالماضي .
تروح تتفرج ماتش في ستاد كيما أمارات ستاديوم تتمتع ب 150€ مع الكينرز.
الماكلة اصبحت شويا غالية في بعض الاماكن كيم comden . فريت بشويا لحم 17€ . و لكن تلقا ب 6 حتي 7€ في اماكن اخري .
المواصلات تستخدم revolut card مليحة تسلكك تخلص غير واش ركبت .
المرقد لي رحتلوا و سمو Auberge st Christophe زعما رخيص و جاي في وسط لمدينة قدام لندن بريج ، لتحت كاين مخمرة و علبة ليلة راكو علابالكم ؛ دخلت ديجا أكرمكم الله ريحة زيد مع دخلة واحد دار علام تاع هذوك لي مايتسماوش؛ المهم جا المطرح هذاك شويا بعد ، دخل الشخص و هو يهدر واحد وجا من جيهتي قلتلوا Hi , و بدا شغلت يحوس عليا و يقولي what what , المهم و بدا يتمتم بكلام غريب و انا مخصنيش مشاكل رانا كبار و جينا نحو علي خاطرنا ، المهم هبط قلتهم بدلولي شامبرا علي خطر شخص عنيف لاشتا نخلص محبوش رغم انو شتكاو من قبل علي شخص هذا قلتلك المضيفة يدير تيكتوك و قالولي تقدر تخرج و منرجعولكش دراهم ، قلت محال نريح مع هذ البشر كاش ماندير ، المهم خرجت و رحت كريت في مرقد آخر ناس مأدبين ، الحمد لله جوزت يومين و لا مشكل .
خسرت 60€ يعني قدر الله و لكن كنت قادر نكري غرفة وحدي و مكان حتي واحد يكسرلي راسي.
المهم قلتكم هذ لحكاية باش نقولكم خطراة تزيد شويا دراهم و ترقد هاني خير .
بالتوفيق للجميع
الخطرة الجاية أرواح نعرضك عندي خو في داري معزز مكرم و بصحتك أرسنال
اغلى ملعب هو ملعب الامارات
زيد حطلنا الاسم برك باش ناس دير حسابها
الاخ منين شريت تذكرة المباراة
اذا تقدر ترسلي الموقع، مشكور مسبقا خويا 🙏
كيفاش فتحت revolut ?
مش لندن لي ولات غالية ومش الاورو لي طلع الدينار لي رايح غير في النازل مع الاسف دراهمنا موالتش عندهم قيمة حتى في الدول العربية
Yakho safe stay f Holland Park rkhis chwia
بصحتك خونا
لو كان درت راي شباب خو جيت لملعب 20 اوت شفت افضل نادي تقدر تشوفو ، تذكرة المباراة 200 دج ، افضل محاجب في العالم في بلكور 200 دج تاكل حتى تدوخ ، متعة في الملعب ، الالتراس بدون توقف ، المبيت عند العجوز في الدار ، ثلاث نقاط في الجيب مع متعة كروية ، ما شكيتش تلقى رحلة افضل من هاذي ههه
Saint Christopher, il y a à Paris également. Il était super, j’ai passé 4 jours là-bas.
En tous les cas, ça dépend sur qui tu tombes dans la chambre 🤷🏻♀️