ما نقولش مصادفة خاطرش دوكا عرفنا كيفاش الفايسبوك يخدم بالذكاء الإصطناعي و الخوارزميات
المهم بعدما كنا نحكوا انا و مجموعة أصدقاء على الوجبات في الطائرة
4 منشورات متتالية طلعتلي على الوجبات في الطائرة كي دخلت للمجموعة!
و رأيي كيما قلت للجماعة صحابي ما تهمش الوجبة قد ما يهم الإسم و الخدمات الأخرى ( الوقت و الباڤاج خاصة )
مثلا آر ألجيري تقدم وجبات جيدة بصح إسمها تحرق من سوء الخدمات و الروطار و الباڤاج و الحسايف هه
التركية أو القطرية حتى و ماتقدمش وجبة و أسعارها غالية تبقى عندها الرهبة من الإسم تاعها
و بالمختصر المفيد مول العرس طحان 😂
#نقاشات
Ibtissam Youcef
Ana hsabli 9lbtouha 1001 food 😂
الوجبة داخلة في سعر التذكرة… يقولك ماشي لازم تاكل.. ايه نقبل ماناكلش مي متحسبليش الأكل ومتمدهوليش… شركة الخطوط الجوية الجزائرية تسيرها فاشل من جميع النواحي عوض انها تسيطر على أفريقيا كلها بخدمات أسطول رانا الحمد لله دولة قارة… ولينا نحوسو ندافعو عليها وعلى وجباتها؟.. منذ متى تقاس اصلا الخطوط الجوية بالأكل؟…
3labiha 9r3a ma ma3ndhomch 9otlo jbli nchrb 9ali dok nji rah mwlach
جامي شفت الناس تنتقد الوقت ولا الباڨاج ولا الأسعار كامل ينتقدو الأكل برك
نفس هدو المنشورات كامل فاتو عليا اليوم
أنا ديما نركب مع خطوط الجوية الجزائرية بستنثاء تنقلات لي بلدان متخدمهمش هي
في حياتي محدثلي مشكل
كنت نتقلق مي درك ولات تعجبني . تنقص عليا الوقت وانا نحوس عليهم. ايها الفايسبوك زيد حطلي اشهارات على الساعات 😂😂😂احتياط اذا ماسمعنيش نزيد نقولو
نفس المنشورات شفتهم اليوم
صرالي نفس الشي بعد مع صديقتي
حكينا على موضوع الوجبات تاع اير الجيري، طلعولي المنشورات يجريو هاهاها
انا ما حكيت عليهم ما والو بصح شفت المنشورات هادو كامل!
سافرت مع التركية و الخطوط الجزائرية
التركية الماكلة كانت مقارون مرتين و مرة خضر مع ارز ما عجبني والو .. اقلعت متأخرة من الجزائر قعدنا ساعة ندورو في سماء اسطنبول باش حطت الطيارة
الخطوط الجوية الجزائرية سافرت معاها عدة مرات مكاش تأخرات المرة الاخيرة في شهر سبتمبر اقلعت متأخرة ربع ساعة لحقنا للدزاير قبل الوقت المحدد
الاكل كان لاباس بيه (درجة بزنس )
الباڨاج مراه يسلك لا فالبابور لا فالطيارة
1001kerchi