مساء الخير عليكم، حبيت نهدرلكم على الرحلة الأخيرة ديالي لاسطنبول، علابالي بزاف هدرو عليها في هاذي المجموعة بصح حبيت نمد نصائح للناس اللي رايحين يروحوا فالأيام المقبلة.
علابلنا بلي اسطنبول مدينة سياحية بإمتياز و التجول فيها و فشوارعها ما يتكرهش، كل يوم كاينا حاجة جديدة تشوفوها، بصح في السنوات الأخيرة كثر فيها الإحتيال على السياح و في أتفه الحاجات، بحكم أنو زرت اسطنبول عندي عدة سنوات بصح ماكانش الإحتيال و الغش لهاذي الدرجة… زعما أوروبا 🤭… المهم نحكيلكم نقطة بنقطة:
– الفندق خلصوه قبل ما تروحوا لأنو الفترة هاذي راهي أغلب الفنادق عامرة و إذا درتو حجز برك قادرين تروحو يقولولكم ماخلصتوش طارت پلاصتكم.
– إذا راكم حابين التغيير و تحسو روحكم صح خرجتوا مالبلاد، ما تحجزوش فندق في لاليلي و لا بايازيد لأنو منطقة تجارية و معمرة بالتجار الجزائريين والله شغل راكم في باب الواد 🤭 أنا نفضل الجهة الآسياوية أحسن.
– الصرف من الأفضل تصرفوا فالمساء لأنو يهبط الأورو.
– لازم شريحة انترنت والتنقل يكون عن طريق Istanbul cart, التنقل عندهم متطور بزاف 👍، يمكنكم فقط استعمال Google maps يغنيكم على باقي التطبيقات.
– بالنسبة للناس اللي تحب التسوق، ما تشرو حتى حاجة من السوق المصري أو le grand bazard, غير تخرجوا منهم كاين زنايق و كذلك سوق محمود باشا تلقاو فيه كلش.
– بالنسبة للمطاعم، اتأكدو مالفاتورة قبل الدفع لأنو قادرين يزيدولكم فالأسعار و لا يفرضوا عليكم تخلصوا 20% زيادة على واش كليتو، علاه؟ والله ما نعرف… المهم خيروا المطاعم اللي فيها آراء جيدة على TripAdvisor أو Google
– إذا رحتوا رحلة سابانجا أو بورصة مع الوكالات السورية أو الجزائرية، ما تشروا حتى حاجة من les stops اللي يوقفوكم عندهم، الأسعار تكوي و المرشدين يقولولكم هنا الجودة و السعر و يبلعطوكم حتى تلقاو رواحكم تشرو إمالا ما تشروش 🤭 وحتى الصور اللي يلتقطوها و يقولولكم numérique راهي ماتصلح ما تليق…
– إذا حبيتو تشرو البقلاوة ننصحكم ب Hafiz Mustapha أو حاجي بوزان ، البنة روعة و حتى إذا جبتوها معاكم رايحا تشدلكم و لكن غالية شوية بصح تستهل ، لأنو الباقي اللي يديرو البقلاوة رخيصة راهم يغشو فيها، يقوللك پيسطاش بصح لداخل تلقاها noix de coco, يعني الغش حتى فالبقلاوة 😏
المهم، أنا جوزت عشرة أيام روعة، بصح هاذا الجانب حبيت برك نهدر عليه خلاخاطر الواحد ما يكدبش، شغل كول دورة لازم تعس روحك و تحس وين تحط رجلك قادرين يلعبوهالك 😅 شغل إحساس ما حسيتوش فالبلدان الأخرى و السلام و عليكم 🤗
#اسطنبول #اسطنبول_تركيا #تركيا
كاين تاني بقلاوة السلطان بزاف بنينة
….
يعطيك الصحة
Amel LS
Voyage avec agence khir ou bien wahdek khir ?
و لازم دير في بالك مكانش حاجة باطل و كي يجو عندك سوارة باه يعاونوك غير ماتحلبهمش
Hafiz mustapha 😭😭 صح روعة ❤️
والله كلامك صحيح انا درحوني في صورة مع ببغاء بالكادر ب 400 ليرة و الله كي نتفكرها 😥😥😥
ميرسي ع معلومات ❤️
Awah change rak ghalet au contraire sbah ykoun mlih par expérience f lil daymen nchofo nakes
Baklawa mliha ten ta3 safa hayla
الزيادة في الأسعار في المطاعم على جال شوية نار يشعلوها في صينية و يحركوها قدامك 🤣🤣🤣🤣, امالا اذا شفت صاحب المطعم جابلك صينية نار غير أهرب ههه
بصحتك ختي لعقوبة لبلدان اخرى ان شاء الله
أنا حجزت في سلطان احمد مدة 15 يوم روعة كي نهبط لبيازيد نحس روحي في الجي سونتر هههه
وينها خير السفر مع وكالة ولا وحدك
زيد لازم الواحد يرد باله خصوصا في تقسيم، ادا جا عندك أي واحد و قالك ارواح معايا عندي سلعة داخل المحل غير ما تروحش معاه خاطرش قادر يسرقوك و أنا ناكد على تقسيم
Khaled Bouzidi
يعطيك الصحة
بالنسبة للبقلاوة كاين safa سعر مليح و جودة مليحة و الصرف من الأفضل صباح يكون طالع و يختلف من منطقة لمنطقة
عندك الحق اكثر بلد فيها محتالين شعب صهبش كارثة
Amani Brahimi
جيت سياحة و ساكنة فيها و جامي نصبوا علينا 😁
Tout a fait d’accord w had le sentiment hassitou ana f 2016 M Amine
ممكن تقولينا ميزانية تاع شخصين لمدة 10 ايام !؟
كاينة حتى بعض العراقيين والسوريين تكلموا على التحايل هذا
Ma9oltish chhal st9mtlk
منطقة الفاتح جميلة و مفتوحه و السكن فيها حلو .. حتى لاللي ايضا تضعك وسط كل شي.. محلات و مطاعم و مترو .. الاجمل في تركيا ان باقي المحافظات ايضا جميلة و بعضها حتى اجمل من اسطنبول
الفيزا شحال راهي ؟
Quel temps fait-il en octobre ?
jai pas compris le change ysa3dek ki ytih leuro ? wala yatla3
Sarf ykon sbah khir w dollars khir mn euro w fi les agences ta3 lkharjat t3jbni hop on hop off wbayna mkn laman fi hata wahd
Imè Ne Lm
100% كلام صحيح 👌🏼 نصيحة إستعمال هاذا التطبيق للتنقل بجميع المواصلات ✅
Xena Dza rahi tgoule !!!
فندق تخلصو قبل الذهاب ..مع وكالة سفر؟
كم السعر
احسن فترة للذهاب من حيث اسعار ومناخ ؟
Sabiha Sousou
Anfel Hamouda الصوار مع الحمام 🤣🤣🤣
لي فقلبوا حاجة ربي يحققهالو 🙏🏻
سوق محمود باشا أسعاره غالية نسبيا مقارنة باماكن اخرى، الاسعار في المتناول في شيرين إفلار و عدد لا متناهي من المحلات
ملاحظة فقط ، في السوق المغلق الفضة ليست غالية كما تبدو عليه ، توجد قطع و خواتم مثلا اجمل بكثير من المعتاد و الاسعار كما في الجزائر.
Djihane Hdjihane
تسمى هاذي ماشي سياحة إذا تمشي و تحسب لكلش السياحة لي تخليكش تكون a l’aise ماراهيش سياحة
Yaheya Oranais
20 % اللي يزيدوها تاع serveur
البقلاوة ما تشروش تاع القابسة . مخدوعة
و قاشحو قاشحو قاشحو. يلا قالك 100 ليرة قولو نديها 20. و تديها نورمال ههه
Which area is better to stay from these three: Taksim, Galata ans Cihangir?
شكرا على المعلومات
Inès Cherienne
انا كي نتفكر الريحة لي شريتها ف طريق درحوني فيها جايبة 6 قراع معايا وحدة متصلح يبدلو la boite 😂😂😂Nari Ma Ne😆
اسطنبول افضل وجهة سياحية ، كل شيى فيها 😍😍
Rehtlha 2 fois je sais pas pk ma dkhltch l9lbi nhs rohi ma bdeltch ga3 , pour moi li yroh le turque y’eviti istanbul
عجبني تصويرك ماشاء الله ❤️