#معلومة
السلام عليكم
منذ يومين كنت قد وصلت إلى مطار هواري بومدين- الجزائر العاصمة بعد رحلة دامت لساعتين….. المشكل اني وصلت متأخر يعني مع المغرب وقد حجزت بفندق قريب جدا من المطار وبالتحديد بالدار البيضاء و كما ترون أنني تنقلت رفقة شخصين آخرين مع تاكسي و اذا به يطلب ثمن التوصيلة (8 دقايق) مبلغ 1000دج تخيلوا معي انه بنفس هذا المبلغ استطيع السفر عبر نفس الوسيلة و هي تاكسي جماعي من قسنطينة إلى العاصمة.
إليكم الحكم و التعليق……!
Posted in Tourism
Ouii mais le 26/11/2022?Rana fi octobre🤔
كنت قادر دير يسير، ولا تتفاوض معاه قبل ماتتطلع
كازا بلانكا قدام مركز البريد برك ✅ كنت تروح تمشي خير ، عيب وعار 1 كلم ب 1000 دج لا حول ولا قوة إلا بالله …. الكل عصابة إلا من رحم ربي ،
و نتا داك للمستقبل بشهر واش تزيد تڨاطع ها ماشي ساهلة باه تسبقنا بشهر مول الطاكسي هذا شيكور حنا في أكتوبر هو داك لنوفمبر 😏و #شكرا
راهو مشا بيكم شهر صاحبي 1000 راه ساعدكم 😅
عادي جدا اخي كنت قادر متخلصوش و اذا حاب يشكي هو الخاصر اعطيلو 200 دينار قولو روح تروح
سراق
كاين ياسيير يعطيك السعر قبل ما تطلبو
1000 دج عرف يكتبها . ورقم الباب خربشها
لوكان ما خلصتوش وقتلو نروحو لأقرب مركز شرطة واش قالو نخلص..
استعمل يسير.
علاه مخدمتش بالyassir ولا heetch احسن وكلش واضح قبل ما تركب
يسير أصبح احسن وسيلة نقل خاصة في العاصمة
كنت قادر تسأله قبل الإستخدام و إذا ما عجبكش الحال ما تطلعش معاه و شوف وسيلة أخرى ، ولا شوف كلونديستان آخر يديك بسعر أقل و زيد كاين بزاف تطبيقات يخدنوا على مستوى ولاية الجزائر و يوصلوك بسعر أقل من هذا .
ببساطة المشكل منك خويا ، قبل ما تستخدم أي شيء أسأل على الثمن ، اما انك تطلع و نبعد تسأل سمحلي ولكن حتى ويقولك 2000 دينار عادي ما تقولو .
ولا كون طلعت اب يسير تستقاملك خير
يا زينو في رايك علاه ربي دار جهنامة!!؟؟
كون استخدمت تطبيق yassir وما جاوره افضل وارخس وزيد تقسموها في 3
استخدم تطبيق يسير المرة القادمة
علاش ما تستعملوش ياسير
السعر تعها محدد او تعرف السعر قبل ما تحجز او زيد ارخس من طاكسي بكثير او زيد من فوق هذا اضمن من طاكسي عندك اسم السائق نوع السيارة او زيد رقم اللوحة
اشكي بيه في مديرية النقل والامن هكذا يترباو
القصة فقط للدراما لدرجة ان تاريخ حدوثها مازال ما لحقش 26/11/22
ونتا علاه ماساومتوش
هادي معروفة عالميا طاكسيات في كل بلدان العالم سراقين خاصة لي يجيو قدام المطار يريشىوك
Pourquoi tu as pas pris taxi yassir
كاين القطار يمر عبر المطار يديك لاغا وثماك تدي ياسير ولا هيتش ولا الحافلة ولا لي بغيت 🙄
هذا الوصل لايحمل اي معلومة على صاحب الطاكسي او رقم الطاكسي و الختم هذذا نوع من الاحتيال
هذا سببه الحظر و تفضيل فقط بعض سيارات تاكسي على الاخرين ،،،يشكلون عصابة. و يسقفون الاسعار
كنت تستعمل تطبيق ياسير ولا هيتش
دير yasir و heetch عجبك السعر اللهم بارك معجبكش متعيطش خلاص و تشوف وسيلة أخرى خلاص أحسن من لي طاكسي
لو استخدمت ياسير راك رحت ب 20 او 30 الف
كنت تشوف يسير خير و خير و لكن قدر الله ما شاء فعل
هذا مهوش طاكسي معندوش رقم
هذا راهو ياكل فلحرام والسحت ، ربي مايباركلوش في رزقو وكاين مثله الكثير و الكثير ، للأسف لارقابة على بيها يديرو رايهم.
كان عليك الترجل من المحطة الدولية الى المحطة المحلية لتجد نوع آخر من الطاكسيات ..
هكا العقليه والي يحكم خوه ميطلڨوش هذا يسموه بالعربيه الجشع و ربي يسترنا
مزية ما ركزتيش مليح سينون تتشوكا أكثر خاطر راه حاطلك 10 ملاين
بالفاتورة و الكاشي هذوك روح اشكي بيه هذا نقل حضري ماشي شبه حضري
لو ركزت شوي تلقى محطة القطار من تم ومرة اخرى سقسي على السعر قبل ماتطلع
تركبو مبعد تجيو تشكيو كنت قادر دير تطبيق يسير يوصلك بربع الثمن لي خلصتو
من دار البيضاء الى دار البيضاء مشية تاع 15-30 دقيقة تقريباً يحسبهالك 400دج تخيل يرفدك من المطار و يديك للفندق، و إذا ركبت من تافورة و ضواحيها لدار البيضاء تفوت 1500دج بحجة مشكل الإزدحام 🥲
أنا نخدم سائق سيارة أجرة في العاصمة وهاذوك تاع المطار وخروبة مايخدموش كونتور تابعين لوزارة السباحة بصح ماشي بهاذ السومة هاذي سرقة ربي يهديهم وحنا ممنوع علينا نرفدوا من المطار وداخل محطة خروبة .
Yassir 👌
لوكان استعملت يسير
انا مرة داوني ب1800 الف من المطار لفندق المطار و من هذاك نهار حلفت نهز fraude و دك نهار جمعة هزيت yassir داونا حتى دويرة و بالباقاج 1100
حب يربح على راسك 😅
سبحان الله راهم يتهجمو على صاحب المنشور ويلومو فيه عوض يتكلمو على جشع هاذ ليطاكسيور الاستغلاليين الا ما رحم ربي منهم
يليق الواحد يشتكي بيهم وتكثر الهدرة عليهم ويفتحو موضوع عليهم لأنو ضك كل واحد فيهم يضرب الاس عار من راسو بدون مقياس ويتيري برك الا ما رحم ربي.
بزاف ناس تحكيلك على السرقة في البلاد ولكن هوما تلقاهم خادمينها كحلة ، يعني ماشي بيهم الفساد وانما بيهم كي مستفادوش من هاذ الفساد
الله المستعان
استغلال ظروف الناس
راه ساعدكم
كي تشوف بلي ميستعملش الكونتور معنتها هذا كلونديستان فرود و هنا يا متركبش معاه يا تسقسيه على السعر من الاول و الا كان عندك الوقت و الخاطر بلغ عليه و مدام كاين جوجل مابس في الهواتف من المستحسن تستخدمو و تروح على رجلك خصوصا كنتم جماعة يعني عادي تتعاونو في الرفيد تاع الباڨاج