مليار و نص حصيلة اولية ل 48 ضحية نصب و احتيال من طرف هاديك الطفلة لي تدعي انها صاحبة وكالة تراتمون فيزا لكندا 🇨🇦
كاين ناس دفعت ما بين 30-70 مليون زعما ديرلك ليديمارش دراسة ولا سياحة + شهرين كراء
هاد 48 شخص راهم فالحزائر حاليا و قدمو شكوى للنيابة العامة.
بقاو لي فكندا لازم يتحركو و يديرو شكوى للشرطة و وزارة الهجرة
نصب و احتيال، تزوير شهادات القبول، ممارسة مهنة بطريقة غير قانونية … الخ
هاد الأمور راح يتابعوها قضائيا و توصل للطرد الفوري من التراب الكندي QUITTE#.
الطفلة هادي راهي ترد دراهم لناس لي راهي بدات تزيرها باش برك تكالمي الحالة مي عدد الناس لي نصبت عليهم كبير بزاف و غير معلوم
و عليه جميع واحد تعرض للنصب يتصل بالصفحة راح نربطوه مباشرة مع لي راهم شادين القضية داخل ولا خارج الوطن.
بارطاج ماكسيموم
Posted in Tourism
و ان شاء الله الناس تهز العبرة و ما يمدوش دراهم لاي كان
هادي هي
حتى الناس وصلو لدرجة غباء مقرفة، خطوات بسيطة جدا و سهلة منيش عارف علاه يخسرو داهم كبار على ديمارش ساهلين اي واحد يقدر يديرهم وحدو، نشفا خطرة لقيت واحد يحلل فالناس يورولو كش اجونس ديرلو ديمارش فيزا دراسة، بعثتلو قتلو نعاونك لوجه الله ونوريلك بلا ما طيش دراهمك فلاجونس، قالي لالا شكرا خويا نحوس ندير مع اجونس، قتلو اوكي، بعدها بأشهر عاود بعثلي قالي داولي دراهمي وسرقوني، قتلو تستاهل و بلوكيتو، بزاف حاسبين لاجونس عندها المعريفة مع عون الهجرة 😆