منشور للمنفعة العامة لكل مواطن جزائري يحوس يعرف البنوك الأجنبية المسموحة للجزائريين لي يقدر يحل فيها حسابات بنكية بعنوان جزائري باش مايصرالو حتى مشكل. مادابينا لي يعرف أي بنك آخر أو مؤسسة مالية أخرى ماشي مذكورة هنا يخبرنا عليها باش دايما نلقاو حلول مالية للجزائريين، بشرط تكون تدعم العنوان الجزائري ماشي الأوروبي.
راني جمعتلكم في هذه الصورة كل البنوك (أو المؤسسات المالية) لي قدرت نعرفها ولي أي شخص جزائري يقدر يفتح فيها حسابات بعنوانه الحقيقي، بلاما يصرالو أي مشكل، فقط لازم يفهم واش يطلبو منو ويقرا شوية القوانين الهامة تاعهم باش يعرف يفتح الحساب ويتعامل به.
راح نقسمها إلى بنوك تفعل البايبال الجزائري وبنوك لا تفعل البايبال الجزائري (لاستقبال أموال بايبال)
– البنوك/المؤسسات لي تفعل البايبال الجزائري:
1- بايونيير Payoneer (تفعيل بايبال بالحساب البنكي الأمريكي)
2- غراي Grey (تفعيل بايبال بالحساب البنكي الأمريكي)
3- فولت باي Vault Pay (تفعيل بايبال بالحساب البنكي الأمريكي + بالبطاقة فيما أظن)
4- مايفين MyFin (تفعيل بايبال بالبطاقة)
5- ريدوتباي Redotpay (تفعيل بايبال بالبطاقة)
6- بنكيرا Bankera (تفعيل بايبال بالبطاقة)
7- سبكتروكوين Sperctocoin (تفعيل بايبال بالبطاقة)
– البنوك/المؤسسات لي ماتفعلش البايبال الجزائري:
1- بايسيرا Paysera
2- مونيكو Moneco
3- دوكاسكوبي Dukascopy (Swiss Bank)
ملاحظات:
– لي مهتم يسجل في أي بنك من هذو يروح يحوس وحدو في اليوتوب أو المواقع تاعها، يعني يتعلم يحوس على المعلومة بنفسو، وإذا مالقاش يسأل كاش واحد يعرف.
– من فضلكم ماتسقسونيش على وايز لأنها رجعت ممنوعة على الجزائريين، نساوها.
كاش واحد فيكم يعرف بنك أجنبي آخر يدعم الوثائق الجزائرية والعنوان الجزائري باش نفيدو خاوتنا؟ وشكرًا
سيتم حظر الجزائر. من بنك ل آخر 🤌
بايسيرا تستقبل وترسل الأموال فقط
بارك الله فيك اخي
وايز بدون بطاقة بعنوان جزائري
Moneco تفعل بايبال
واش رايك فبطاقة Redotpay بصفة عامة ؟
نصيحة من عندي لا تستعملو بانكرا السبب سوف سألونك حتى على 5 يورو من جاتك و يحجزوهم حتى تقدم الإثبات كل مرة علماء أنني فتحت الحساب بأوراقي الحقيقة جواز السفر العنوان و شهادة كشف الراتب من المؤسسة التي أعمل فيها
و مع ذلك تم حجز 5 يورو و طلب مني مصدرها
Redotpay بعنوان امريكي
بوركت
Grey يعطيك حساب امريكي ب ach routing، و ما تقدرش تطلب بطاقة لانه الجزائر مش مدعومة، و بالتالي باش تحول دراهمك تحصل، الخيارات تاع البنوك اللي تقدر تبعث فيها دراهمك محدودة جدا، و يزيد يفرض عليك تبعث بالعملة تاع بلد هاد البنك باش يربحه معاك فعمولة التحويل اللي هي غالية ، ننصحكم تزيدو حوسو عليه اكثر ممكن يساعدكم