من خلال تجربتي البسيطة اعتقد ان مدينة براغ هي اجمل مدينة زرتها في أوروبا ، مدينة لي تجمع بين التاريخ و المعاصرة ، مدينة فيها هدوء و جو غير عادي ، تحسها كلاسيكية و جوها يعطيك الإحساس بالراحة و السكينة ،فيها مباني ذات طابع تاريخي و تتميز بالثقافة و التراث الأوروبي العريق يقولولها المدينة الذهبية وهي صراحة تستهل هذا اللقب و كذلك تسمى قلب أوروبا و تأسست في القرن التاسع الميلادي
تكاليف المعيشة رخيصة في براغ كيما ڨاع دول أوروبا الشرقية مقارنة مع الجزء الغربي ولو أن التشيك تقع في منتصف القارة بين الجزء الشرقي و الغربي و هي عاصمة منطقة بوهيميا التاريخية Bohème ، عملتها الكرونة التشيكية، 1 يورو يساوي حوالي 25 كرونة
في التشيك بصفة عامة يتكلمو اللغة التشيكية ، وكاين مناطف يتكلمو اللغة السلوفاكية و كيما تعرفو التشيك و سلوفاكيا كانو دولة واحدة قبل أن ينفصلوا سلميا في 1993 بالإضافة إلى اللغة الألمانية في المناطق الغربية و لدى كبار السن ، لكن الإنجليزية تفي بالغرض هناك
كالعادة ، شريت تذكرة الطائرة قبل حوالي شهر من السفر ، 31000 دج ، وبعدها حجزت هوستل رائع في قلب المدينة ثلاث ليالي ب 9 أورو لليلة الواحدة اي 27 أورو ، كان پرومو عبر تطبيق بوكينغ مع خاصية ‘قينيس’ للزبائن الأوفياء للتطبيق
وصلت في صبيحة اليوم الأول ، في المطار اشتريت تذكرة نقل عمومي 72 ساعة ب310 كرونة أي 12 أورو تركب المترو و الترامواي و الحافلة و العبارة لعبور نهر فالتافا الذي يمر في قلب المدينة ، بعدما كنت صرفت شوية أورو داخل المطار
المطار بعيد بحوالي 20 كم ، و كل وسائل النقل متوفرة ماتحيرش ، الأفضل اقتصاديا هي الحافلة ، متوفرة كل خمس دقائق و تركبها بتذكرة النقل العمومي
بخصوص الأكل ماكاش مشكل ، الأكل الحلال موجود في المدينة ، و رخيص ، سندويتش شباب وحد 3 أورو و طبق كامل وحد 10 أورو عند اللبنانيين و الأتراك ، بالنسبة لي، تذوق الأطباق التقليدية حاجة مهمة بزاف في السفر ، لازم ناكل من طعام تلك المنطقة، نحرس برك على البحث عن الحلال ، ماتقدرش تزور التشيك بلا ماتاكل الغولاش ، وهو حساء لذيذ يحطوه في قدرة تاع خبز 😂 قطعة خبز كبيرة جاية كشغل قدرة يعمروها بلاسوب ، و كذلك هناك طبق سفيتشكوفا و هو قطعة لحم بڨري محمر مع لاصوص ، بالإضافة إلى السمازيني سير وهو طبق تاع فروماج پاني مع الفريت بصح ذوقه رائع ،وماتنساش الهالوشكي ، وكاين التاتاراك كذلك طبق شعبي بصح رايح في هذيك تاع يحطلك كمية مجهرية في طبسي كبير و انا خاطيني هذي لاكويزين لازم تعمر الطبسي😂 ، و لازم التحلية تكون تشيكية و ننصحك بتذوق سترادل تاع التفاح ، ولا أروع ، كاين كذلك ڨاطو اسمه الكنادليكي ، رايح في القنيدلات 😂
و الملاحظ في براغ هو أنك تلقى الأكل كامل مكتوب فيه شعال فيه ميزان ، مثلا تلقى سندويتش ولا سوب مكتوب قدام السعر تاعها بلي فيها 200غ و أغلب الأكلات تاعهم يستعملو فيها اللحم و ماياكلوش الحوت لأن بلدهم بلد حبيس ( مافيهش بحر ) و فطور الصباح يحبو ياكلو المالح كيما الألمان ماشي كيما حنا الحلو و القهوة
أهم معالم المدينة هي جسر تشارلز المبني في القرن الرابع عشر ، هو جسر رائع و معرض على الهواء الطلق بإطلالة خلابة على نهر فالتافا و تواجد تجار التذكارات و عازفي الموسيقى و خاصة غروب الشمس راح تشوف منظر جميل جدا ، و منه توصل لقلعة براغ الشهيرة اللي تشبه لقلعة هاري بوتر
وكاين أيضا الساعة الفلكية الموجودة في قصر البلدية و التي صنعت قبل أكثر من 6 قرون و هي أقدم ساعة فلكية في العالم لا تزال تعمل
ساحة وينسيلاس منطقة نشيطة و مفعمة بالحياة ، و تعج بالسياح وتقع في قلب المدينة ، بالإضافة إلى ساحة البلدة القديمة وهي تقع في المنتصف بين وينسيلاس و جسر تشارلز وفيها عدد من المباني التاريخية الرائعة
و من مميزات براغ السوق الأثري ، فيه أجواء فريدة من نوعها ، راح تمتع عينيك بالتحف و القطع الأثرية ، و أذنك بموسيقى الشارع الرائعة
و لعشاق الطبيعة منتزه پيترين سيعجبك بتنوعه النباتي و الجمالية و الراحة
و هناك أيضا حائط لينون وهو واحد من معالم المدينة السياحية وفيه لوحات فنية يرسمها العامة ، و ماتنساش تزور البيت الراقص وهو مبنى مصمم بطريقة غير عادية يبانلك راح يطيح ولا كاش واحد كرفسو 😂 و العديد من الأحياء الجميلة كيما الحي اليهودي يوسف أوف و شوارع وسط المدينة..
أربعة أيام بالنقل و الأكل و التنزه و دخول بعض المعالم وشراء بعض التذكارات ( ضرورية عند كل سفرية أقوم بها : ملصقات الثلاجة ، العملة ، و تذكار يرمز لذلك البلد ) كلفتني وحد 140 يورو ، زيدلها 27 أورو تاع المبيت راهي في170 أورو ، منها 100 أورو تاع الشونج ( 15000دج) يعني 29000دج
⛔ و مع تذكرة الطائرة المجموع كلفني 60000 دج ،يعني 6 ملاين .
Prague douce et formidable
قلنا الاجمالي شحال خلصت ؟
ها بصحتك 😍
Rohtelha f 2019 chaba bzf ♥️🇨🇿
وينتا رحت؟ و مين باش خلصت التذكرة 31000? شكرا
Ydokhlolha b visa Schengen hadi ??
أنا حاولت ودرت فيزا و عطاوني رفض ستة2017
تشيك تمد الفيزا ولالا؟
روعة ما شاء الله
Oh indeed 😍
Bssahtk.
شوقتني حقا
بصحتك
الله يبارك الناس اللي تعرف تعيش باقل تكاليف كانت رحلة و لا أروع بصحتك سي جلال 😍😍😍
و الله صح براق أجمل مدينة زرتها في أروبا بعد يودابست شارل بريج تقعد رايح جاي متعياش منو
Îmâd AbdEnôùr نجربوها واش رايك بصح نتا ادفع وحدك وانا وحدي يا خويا علبالي بيك منحس و يروفزونا في زوج 😂
Bãhå Ęddīnë Abdou Lks واش درنا قالك 6ملاين
4ايام هل تفكرون فيما افكر 😈
Imene Tasnim 6 ملاين
Mehdi Tizint عندو حق السيد بصح حسين اشيو ثاني😁
Habib SH وجد رووحك
Je confirme une belle ville😍
روعة 😍 قلت مافيهاش بحر و هدوك واش سدود ولا بحيرات ؟
Un rêve ❤
Henka Mohammed El-hadi 6ملاين
4ايام شرايك🙃
بصحتك روعة شوقتنا🍒
نسيت الصح فالحلويات تردلنيك رايح فالبنين
Magnifique ❤️
دول أوروبا الشرقية كالمجر و التشيك رائعة جدا شكرا على مشاركتنا الصور والتجربة ❤️
كم يوم قضيته يعني 6ملاين كفاك كلش ؟
Mim An وقيلا ندوروها تشيك وخلاص 😉😉😉
التصميم العمراني روووعة ❤❤
زرتها و عشقتها
Afif Ancer افتيلو اذا رخيسة
راحة وسكينة ؟
و زيد كاينة قلعة 🏰 اسمها vysehrad راطيتاها بلاصة بعيدة على التوريست و ملاحة ياسر. و غلطة نتمنى ميديروهاش وحدوخرين جامي تبدل الدراهم في المطار الrate طايح ياسر. كاين مكاتب تع تغيير العملة خصوصا في كابروفا ستريت قريب للساعة الفلكية. المهم بصحتك التحويية
بصحتك أخي والله درتلنا تحويسة وفكرة وعشت معاك الجولة الله يباارك 👍👌
Speed Bird هل توافقه الرأي بخصوص مدينة براغ؟
بصحتك عجبني وصفك للماكلة
مدينة رائعة حقا ولكن يجب الحذر في Pont Charles وقت الازدحام، اللصوص يلعبو 10
شكرا على مشاركتنا الرحلة، استمتعنا.
يا خويا حوسنا معاك اعطيك الصحة سرد رائع و الفيزا كيفاه؟
يا خويا بصحتك التحويسة وحبيت نسقسيك علي فيزا نتاعها ساهلة ولا صعيبة ؟
شكرا😍
Wow thawbll w mch ghlyaa Yser nch nzorha kach mara 🥺