#نصيحة .. عندي يومين كلمني صديق جزائري ، قالي فيه شاب مغربي جاء جديد للغربة و راهو في المستشفى .. الشاب هدا جامي شفتو ولا تلاقيت بيه ولا نعرفو ، أنا من طبيعتي كي يكون واحد مسلم جزائري ولا مغربي و لا أي عربي نعرفو ولا ما نعرفوش في المستشفى نروح ندير واجب الزيارة ، هذي غربة على الأقل اذا لا قدر الله كاش ما يصرالي نصيب لي يوقف معايا ، المهم رحت مع بعض صحابي المغاربة و شفنا الولد هذا ، مسكين في عمرو 18 سنة و عندو يا ربي شهرين غربة ، راح يعوم في الواد و غطس قاس روحو في القاع ، دخل للمستشفى في حالة غيبوبة لمدة 17 يوم و الآن راهو مشلول كلي ما يقدر يتحرك ما يقدر ياكل و إن شا ء الله مع الوقت قادر يبرى ..و كي كنت في المستشفى سمعت بلي كاين شخص جزائري كبير في السن راه مريض و يرقد في المستشفى ، درت واجب الزيارة و حكيت معاه و الله ما تقدروش تتصورو الفرحة ديالو كي جاء جزائري يزورو ، الشخص هذا جاء من الجزائر سياحة و صرالو حادث … وعلاش حكيت هذي الحكاية لاحظت بزاف جزائريين كي يسافرو لأوروبا سياحة ما يديروش تأمين عن السفر و هذا خطأ كبير لا قدر الله و لا صرالكم حادث خارج الوطن على الأقل تقدرو تدخلو للمستشفيات و تعالجو بتكفل تام … مبلغ تأمين بالاك أقل من 10.000 دج قادر يفيدك بزاف في علاجك 👏🏻
ربي يكثر من امثالك خويا شيكو ويسعدك لعزيز ديما تاع مواقف
بارك الله فيك، يعطيك الصحة
كيفاه ديرو خو ؟
تشامبي السياحة أحبك في الله ❤
ربي يبارك فيك
كيفاش ما يديروش تأمين؟ اصلا ما يعطوكش الفيزا بلا Travel Insurance، التالي يدير يا ربي 30£ و يشد لك عام، الا اذا كانت حاجة كبيرة و لا عملية و لا، المهم انت درت بأصلك ربي يجازيك
كيفاش قاس روحه فالقااع !؟
زيد معلومة أنو التأمين لايجوز لكي يكون المنشور موضوعي من كل الجوانب
انا جاااامي جامي درتو. صح. موضوع اول مرة يطرح. كاين هنا واحد جزيري. حراڨ. مسكين مرحلة اخيرة تاع الكونسار. ربي يشفيه ان شاء الله.. ادعيولو. دعاء الغريب مستجاب.
ربي يشفيهم ويجعلها في ميزان حسناتك
علاش يمدولك فيزا بلا تأمين؟
بارك الله فيك🙏
الله لا يغبنك
واش من دولة راهم فيها؟ واش إسم المستشفى؟ ربي يجازيك
بارك الله فيك اخي الفاضل والله عندي سفر و قاعد نخمم نديرها ولا لا سبحان الله
الله يشفيهم وربي يجازيك الخير
في ميزان حسناتك
ربي يشافيهم
ربي يشافيهم
وانت ربي يبارك فيك و في لي رباوك 💙
ربي يشافيهم و يجازيك ان شاء الله
التأمين شرعا حرام اذا مكانتش الدولة تفرض عليك التأمين ماديروش خير
نقطة أخرى التأمين ديرو فالبلاد لي رايح ليها، التأمين الجزائري معندوش فائدة
Chico Bayou احب منشوراتك و المخيرة نتاع جامعة اوكسفورد اللي الجزايرين كامل قراو فيها
U r an inspiring man , rabi ybarak fik 🤲
تم
بالصح في المملكة تتعالج بِغضّ النظر على وضعيتك القانونية … حراق سائح مُقيم
التأمين مطلوب في ملف التأشيرة وقبل ماتخرج بدل تاريخ التأمين وربي يشافيهم ان شاء الله
اريد تذكير الناس بأن الغطس في البحر خطير جدا ، كسر فقرات الرقبة يسبب الشلل ، و إذا كان هناك قطع تام للنخاع الشوكي ، العملية حتي في فرنسا غير مفيدة
عجبني فالقصة الجزء تاع لا قدر الله كاش ما يصرالي نلقى لي يعاوني …
و بالفعل ربي رايح يسخرلك عبادو فوقت متكونش متوقعو اصلا 👏🏻
المرض وحدو غربة فمابالك في بلاد الناس غربة على غربة ربي يشفي الجميع و يفرج على الجميع
ربي يجازيك خير
الله يبارك نعم التربية ربي يجازيك ، عيادة المريض و الحديث معاه تعطيه راحة نفسية خاصة لما يكون مريض معندوش ناس تزوره ، اما التأمين على السفر حاجة لازمة و و الله غالب كاين ناس تحب تحوس بلا ماتصرف و تهمل الأمور الضرورية
على سلامتك قريب عامين مشفتكش 🤣 ربي يجازيك كل خير خويا
وي عندك لحق
ربي يجازيك خويا 🙏🙏
والتأمين وين يكون
في ميزان حسناتك حاجة مليحة بارك الله فيك 😊
علاقة الشعب العربي أقوى فالخارج لأنهم يتواصلون مباشرة و دون اعلام خبيث عكس اللي عقولهم متحجرة و جامي شافوا الدنيا
ربي يشفيهم و يعافيهم و يجازيكم كل خير ان شاء الله