#هملة
الهملة تاعنا هذي المرة كانت تخييم في واد الصفصاف ارض الاجداد 🏕🏕 بلدية بني فودة #سطيف معى الاصدقاء Badro Badro Idris Kihal Kihal كي العادة💪❤️ . الهملة جات على غفلة بصح فاتت هايلة 😘
الحكاية كيفاه بدات
هيا كنت قاعد في رحمة ربي وكانت السخانة 🥵والساعة كانت 5:00 تاع لعشية هكذاك وتخبطلي في راسي على هملة 🤔😅
هيا عيطت للجماعة . بلا ما نكمل هدرة قالك نروحو الماشاريار مكانش💪😁😁😁
المهم قضيت واش نديرو للعشاء 🍇🍎🍆🍅🌶🥒🥬🧂🍗🧄
تفاهمنا نتلاقاو جوايه 7:00 بعد ما تلاقينا هزينا باقاجنا و ديمارينا وصلنا توال دار خونا #صهيب كي العادة يعطيه الصحة🤝 قارينا عندو وبدينا الروندوني تاعنا طالعين معى الواد🏞
هيا قبل ما نوصلو للواد تفكرت بلي نسيت الخبز تاع العشاء😬😬
حنى مزالنا نهدرو ويطل علينا خونا رياض Riad Lamel جابلنا قرصة كسرة من الطاجين سخونة تحرق 😅🫓🫓 ربي يحفظو
هيا كملنا طريقنا معى الواد 🚶♂️🚶♀️🚶مشينا وحد المشية تاع نص ساعة اذن علينا المغرب فالطريق . وصلنا صلينا وانسطلينا ليطونت و بدينا نوجدو فالعشاء 🍝🍳 تعشينا لمينا قرابجنا خلصنا معى صلاة العشاء صلينا صلاتنا و ومن بعد طيبنا فيها تاي🍷🍷 وقعدنا نشايخو قعدة ولا في الأحلام🥰 معى الصوت تاع الواد وصوت الجران 😅🐸 وضوء القمر 🌖 الخلوي خويا ياخويا❤🏕🏞
نسيت نقلكم كي كنت رايح نصلي حسيت بلي واحد راهو يراقب فينا👻👽 وكانت الضلمة خخخخ محبيتش نخلع لجماعة😁😁
ايا حنا نشايخو ادريس قالي راني نشوف فالضوء جيهة الشجر 🥸 . درنا نلقاو السيد قالنا سلام عليم وجا توالنا لقيناه عمي المختار عندو دار تاع بكري في وسط الجنان يجي يفوت العطلة فيها . قالنا ملي جيتو وانا نشوف فيكم😅 ( قلتلكم انا حسيت بلي رانا مراقبين😁)
هيا قعد معانا الشياخة معاه متتشبعش 🥰حكاية جيب حكاية حتى الوحدة تاع الليل بأه روح ايا كملنا السهرة حتى نعسنا دخلنا لليطونت رقدنا الصباح نضنا طيبنا فطورنا فطرنا ولمينا قشنا وعطيناها بعومة 🏊♂️فالقلتة تبردنا مليح وروحنا 🚎
نلتقي في الهملة الجاية ان شاء الله لي رايحا تكون هملة بدون وجهة💪
#حوس_بلادك_متحقرهاش🇩🇿🇩🇿
