#1001_سياحة
حبيت نعرف علاش ماعندناش فنادق و خدمات هكدا!! حتى الفنادق لي عندنا تلقا الأسعار تاعهم بزااف غالية ! مثلا الفنادق هكدا في الجزر تاع اليونان تلقاها بين 180 اورو حتى 300 اورو لليلة ، رغم اليونان ماشي بلاد غنية
Mykonos Greece 🇬🇷
Posted in Uncategorized
علاش 6 ملاين لليلة جاتك رخيسة ولا كيفاش
روح شوف كيفاف اسيروا و هاك الوقت تفهم. السياحة صناعة و تكنولوجيا و تكوين عال المستوى و احترافية و عقلية مجتمع و المحافظة على التراث بكل انواعه و صيانته و إشهار و سياسة. و انت واش عندك من هذا كله؟
300€ par nuit rkhisa ? 🙃
من 4 ملاين حتى 6 ملاين؟؟؟ الحالة راهي باطل الله يبارك.
راك غالط الجزر فاليونان الفنادق الفخمة من 1000€ كيما Mykonos موحال كاين نتاع 180 كيما راك تقول وزيد بزيادة كي يعود الشعب نظيف ومايفسدش وعندو ثقافة السياحة
اليونان بلاد سياحي عام كامل عندهم les touristes وفالحق بلادنا تهبل بصح اليونان خير عندهم بلايص خيال شغل راك tu compares l’incomparable
وحاجة اخرى احنا بلادنا ماهيش مفتوحة للسياحة المواطن البسيط يقدر يفوت ليلة ب 20مليون ؟؟ مايقدرش ياحليل
قلبي يوجع والله بلادنا المناظر الطبيعية تاع ربي سبحانو كاينة بصح لا خدمات لا نظافة وزيد الاسعار مرتفعة
في جزيرة بالي ب مليون تكري فيلا مشي غير شومبرة في اوتال ….
شفت الاسعار في bali من خمسين ل 100 اورو عندك فيلا وبيسين وكلش بصح التذكرة من 1000 اورو وطلع … يا خسارة .
حنا في مجال هذا نزلنا ناقصين بزاف و مام فنادق خدمات تعهم ماشي مليحة و تشناف من فوق لا حسن معاملة لا والو و سعر طالع في سماء و شروط باه تفتح فندق تعجيزية ماشي اي واحد يمدولو رخصة راهم حاكمينها غير هوما عليها مكانش منافسة و هوما لي يتحكمو في سعر كيما يحبو
tourisme 9raya hbibi 7na mazelna b3ad
لازم تفتح الد ولة الاستثمار للخواص
الجزائر تملك فنادق اعمال ليست فنادق ترفهية
الفنادق علاش يديرلك 50 اورو الليلة و هو لقا لي يخلص 200 فاوتال ماتقدرش تسميه ممبا اوتال و فرحان بروحو 🤌🤌
شفت ناس تلوم فيا في التعليقات على لبلاد
انا راني شعبي كيفي كيفكم بروبوزيت حاجة و تسائلت هذا مكان
Zina beach rahi 7millions la nuit ( 350eu) 🤣🤣🤣 wlh mhaaabel
180اورو حتى غالية .اسعار الفنادق تتىاوح بين 50الى 100اورو يعني فنادق جيدة جدا
تهدر على سانتوريني ماشي يونان كامل. كاين مدن اخرى. وانا قبل شهرين او ثلاثة شفت اوتال ف سانتوريني ب ثلاثين اورو لليلة.
بلادنا تنقس فيها المنافسة علابيها كل حاجة غالية و النوعية زيرو
علاش 180 € لليلة جاتك رخيصة؟؟
180 …. 300 راهي غالية أخي
كاين حتى مزرعة و قرى سياحية بصح مغليينها بزاف بزاف يعني مواطن لي دخل تاعو عادي ميقدرش يدور بيهم تقدر تقول غير لي مسؤولين ولا اثرياء ورجال الأعمال لي يقدر. يدورو تم سياحة داخلية تاعنا موجهة الطبقة البرجوازية فقط
ما عندنا والو مع أسعار خيالية مالا كون عندنا كيفاه!!
الجواب بسيط جدا لأنهم هما يقودوا فيهم العلماء و حنا يقودوا فينا الأميين
لانو فنادق عندنا 0 شمبرة +دوش +مطعم او كافتيريا السعر تلقاه شاعل بدون فائدة يعني تخسر دراهم عمكان والو وزيد حتى الاستقبال المتوقع مكانش تلقاه الشمة وتشناف
الجواب : ماهمش حابين
300 أورو رآها دراهم صديقي مش 3000 دج
شهرية تخلصها في ليلة… لالا عندك الحق تروح تحج و خلاص
في المنام او متصدقش
180 أورو في جزر ميكونوس يمدلك كاش كوانة تبات فيها
ثانيا المواطن الجزائري البسيط يجيبها في نهار
صافا الأسعار راهي في متناول الجميع 😉
هي استثمارات لشركات لي عندها سلسلة فنادق حول العالم بتكوين للموظفين وخبرة سنوات وتلقى تسهيلات كبيرة نعتلي مستثمر اجنبي يريسكي ويدخل للجزائر
لي هي ثلث ملاين و ستمية لست ملاين لليلة😉
انا داير سطاج في هوتال في جزيرة رودس🇬🇷في هوتال ثلاث نجوم. سقسيت ذراري بقاو سمانة ب 270 أورو للواحد بصح في دزاير اسعار لازم يديرو مراجعة عليها لأنو مرهمش يشجعو في السياحة المحلية الأجنبي ربنا تجيه اسعار نورمال لكن واحد دزيري جيه غالية بحكم الاجر تاعنا هابط
الاسعار مرتفعة لاننا لسنا بلد سياحي ملخر …
لوكان يدخلونا الناس بزاف الاسعار تنقص ونولي تنافشية
اليونان بلد سياحي بامتياز و فيه بلايص مستحيل تلقاها في دزاير ، لا بني ياف ولا بني بلعيد و السياح عندهم في كل وقت ماش كيما في دزاير الصيف برك
تلقاه باني اوتال ويحسدك في شمبرة ولا خدمة يوفرهالك بدراهمك
كون يوفرلك حاجة هاك قادر يقلك لازم تخلص بالبيتكوين
تاعنا يحبو يربحو في نهارها
Boughi Barça ly Ozi
سياسة وزارة السياحة وغياب المنافسة
الله يرحم نهارات الحمام كان يبيت باطل
يعني نتا حصرت الفنادق بين 180 و 300 اورو؟ يا أخي قول ارخس فندق الليلة فيه ب 300 لانو الفنادق الاخرى تفوت 1000 اورو لليلة
الل
ها شا عندنا .
600 اورو رخيسة بزاف