#1001_سياحة
زرت مدينة سكيكدة عجبتني بزاف ماشي الطابع الجمالي للمدينة لي عجبني لكن ناسها و سكانها حقا شعب رائع وولاد فاميلية ، اول مرة منذ مدة نزور مدينة سياحية مفيهاش المقطعين على شط البحر مفيهاش لي يقولو كلام فاحش ومكاش غاشي يديرو حركات اكروباتية و ذراري يقعد يرغمك باش تشري عليه لي بيني… و زيد بناتهم لابسين لباس محتشم فالبحر او في وسط المدينة.
و برغم اني منعرف والو فلمدينة و كنت نسقسي و كنت بدون سيارة يعني نتنقل فطاكسيات بلكورسات الا انو مكان حتى طاكسي حب يبزنس فيا ولا يرايي عليا بالعكس عرفوني بالمدينة و مين شافوني براني تهلاو فيا فسومة ودلوني على مرافق و فنادق حتى انو واحد فيهم عطاني نيميروه قلي اذا ملقيتش طرونسبور فليل ولا طحت في مشكل عيطلي ، حتى انو المطاعم على شاطئ البحر يبيعو بأسعار معقولة ، وراني كليت طاكوس عند واحد على شاطئ البحر ب 40 الف و سالني اذا عجبك قتلو بانلي فيه فريب بزاف ايا حسبولي 30 الف و قلي سمحلنا…
على غرار هذا لاحظت بلي وسط المدينة يشبه الى حد بعيد مدينة باب الواد، بصح الغريب فالامر بين كل حانوت و حانوت نلقا حانوت تع باتيسري 😄 و الصراحة باتيسري تاعهم هايلة ورخيسة..
اما انا كنت بايت في مرقد نظيف و آمن بسعر 80 الف قريب من شاطئ العربي بن مهيدي… على كلٍ هي سكيكدة حاجا و مدينة القل حاجا اخرى تحس روحك في شواطئ البهاما… + لقيت سيرك عمار في مدينة وسمها فلفول منعرف اذا مدينة ولا حي…
لذلك انصح العائلات ذوي دخل المحدود لي حابين يفوتو فاكونس شباب يروحو يزوروها انا بمبلغ 7000 دينار قعدت ثلاث ايام مع لعلم مبلغ 2900 دينار راحتلي غير طرونسبور من عين الدفلى لسكيكدة ذهاب و اياب و رحلة استغرقت حوالي 9 ساعات 🥲
و بلا منحسبو سعر التنقلات داخل الولاية
بالحديث عن الشواطئ يحط لبيس فلاڨار روتيار جايا فسونتر فيل تمشي خمس مية ميترا على يدك اليمنى تلقا الكثير من الشواطئ الجميلة و راهي مفيهاش اكتضاض كبير و كاين شاطئ تركب بخمسلاف لبلاصة وسمها فلفل تلقا شاطئ وسمو العربي بن مهيدي بحذاه مدرسة عسكرية
مرحبا بيك خو
بصحتك
مشكور. ولايتنا من ناحية المقومات الطبيعية السياحية ( الشواطئ الغابية العدراء ، الشلالات … الخ) ماشاء الله وتعتبر من بين افضل الوجهات وطنيا خصوصا الجهة الغربية للولاية ( القل، واد بيبي تمالوس، القبيبة، تمنارت ، وادي الزهور ، شلال آفنسو ، ڨرابلو وزقور – كركرة…الخ) وكذا الجهة الشرقية ( ڨرباز، صوفيا ، كاب فاطمة …) . لكن للأسف مهمشة فيما يخص المركبات السياحية وعدم شق الطرق لبعض الشواطئ المعزولة. باستثناء مناطق جان دارك والعربي بن مهيدي وسط التي بها فنادق وقريتين سياحيتين .
المرقد هذاك قعدنا فيه العام لي فات مع انو صغير ومش حاجة كبيرة الا انه في القمة في التعامل تاعهم حتى انو حبستلنا الطوموبيل جانا صاحب المرقد عاوننا وقالنا غدوة نروح معاكم تخدموها وهكاك كان الحال ربي يوفقهم
Mm ana ajbtni bzzzf
ضربت فيها اربع أيام متوقعتهاش بتلك الجمال و البساطة و الناس يرحبوا ومضيافين ماشاء الله وزيد كي يشوفك براني ميحسبلكش قرعة ما ب 6 آلاف رحنا لبيت شباب بتنا فيه معاملة ونظافة واللسان الحلو وفالنهار اللخر مبغاش يخلص علينا الله يكثر خيروا
الواحد وقع في غرام الولاية
ولايتي الجميلة كم اشتاق لها مع الاسف هي مهمشة كثيرا
سكيكدة زينة ياسر و الاجمل فيها ناسها ما شاء الله انا عندي دار جدي ثما كي نهبط ندور من المعاملة و الهدرة تاعهم معاك يحسوك مكش براني شغل تعرفهم من مدة كبيرة و كيما قلت نتا باتيسري عندهم و البيتزا لازمة كل صباح و عشوة تلقاهم كامل هازين باطات المدة لخرة خصها شوي نضافة برك و اعادة تهيئة الطرق المسؤولين هونوها بزاف
فلفلة مش فلفول 😂
كانت ليا زيارة قبل 4 سنوات لمدينة القل في سكيكدة
ماشاء الله ناس مضيافين ريحت 4 ايام فالبحر واحد ما هدر ولا قصد بلعكس كانو ولاد فاميلية ماشاء الله
حتى بنسبة للأسعار تشري كيما تشري فالمدينة ديالك
شوقتنا لزيارتها قريبا سيرتو كي هدرت على طيبة ناسها و اخلاقهم بصحتك
مانيش عارف ….انا الوحيد اللي زرت سكيكدة وقل ماعجبونيش في زوج
Skikda yamat chabine jeweznahom Mohamed Belamine Nasrou Djaffar Ayoub Sky hhhh
فلفلة مش فلفول فلفل 😂
صراحة عايشة فيها و كارهة منها ولاية تع لي حاب يبحر برك ماكاينش بلايص تع ترفيه ولا
😍حويتشة
Abdelbasset Mahmoud واش رايك
فلفلة و ليس فلفول هههه او les platanes ، سكيكدة هذا السنة موسم اصطياف آمن لدرجة كبيرة ، وايضا وين تروح كاين لمليح و الدوني، بصحتك خويا
سكيكدة الله يبارك شعب ومدينة
نفس الملاحظة 👌🏻
الحمد الله ماعندناش القهويين،واللي يقلك يخلص الباركينغ بالسيف