#1001_سياحة
للأسف هذا حال الكثير من المساحات الخضراء في بلادنا..
يعني وين رانا رايحين بهاذ العقلية؟ ومن باعد نشكيو ونقولو قعدنا روطار!! التغيير يبدأ بأنفسنا وتصرفاتنا في حياتنا اليومية
بيناتنا تخيل تحب تفوت نهار مع عايلتك وجيت ولقيت بلاصة موسخة هكدا أول انطباع ليك انو العباد لي كانو فيها موسخين..
خرجت نحيت على خاطرك، كليت فوت نهار شباب بصحتك مي علاش ماتخليش بلاصتك نقية؟ علاش ماترفدش مخلفاتك؟ ياك ساهلة بزاف صاشي 20 دج وترجع نقية كيما كانت أو أحسن
Posted in Tourism, Uncategorized
ومبعد يجي يقولك الدولة ياودي نت راك موسخ
خدايم تبون هدو…. بففففففففف
لازم نتقبلو الواقع انو حنا شعب همجي ونسييو نترباو .
لا حول ولا قوة الا بالله
الله يهدي ما خلق
اضربو يعرف مضربو لا ينفع معاهم غير قزولة كاين قزولة تع ضرب و كاين قزولة تع جيب لوكان جميع مناطق تولي بكاميرات مراقبة كخطوة اولية تبدا في مراكز تجارية و حدائق و حضائر ترمي ورقة تلقى لعساس عند خرجة يستنا فيك ببروصي ثلاثي الابعاد تضربو ببروصي تع 3000 الف يزيد يعاودها 7000 الف و هي رايحة و يزيدو يعموها في طرقات و عواصم يتربى شعب ذراع عليه حنا تضربو فل جيب يولي يعرف روحو مليح مكانش حل مع هذو ناس غير هذا شي
نظرية هيا نغير أنفسنا ليست مفيدة و لن تكون مفيدة لأن تطبيقها مستحيل
الحل هو الردع و الردع ، إذا كان المكان عام يجب وضع عمال ينظفون المكان و في المقابل يطبق القانون على من رمى الأوساخ بدفع غرامة … هيا نصلح أنفسنا تصلح على نفسك و ربما صديقك أو ابنك ، ماتقدرش تطبقها على أربعين مليون
لازم القزولة بصاح نسيت الكعب يبداو يديرو فليفيديو شوفو دولة الحقارة تضرب فلشعب الزوالي
ماشي مربيين
و دولة لازم ترجع تضربهم لجيبهم هكذا بلاك يترباو
بصح وين راه لي يطبق القانون 😔😔
اهدر ولا اقعد 🤦♀️
شغل هوما ماعلابالهمش واصلا كل واحد تمثلو تربيتو ✌
غابة بوشاوي.
شحال من خطرة ندي اولادي للحديقة نلقا نسا مع اولادهم ياكلو و يروحو يخلو كلش هكداك .
درك هادي كيفاس رايحة تربي اولادها الله المستعان
الشعب والدولة يتحملوا المسؤولية
و مزال كاين عيباد هكا!! تحير والله
انا فنظري انسان بعقلو جامي يدير حاجة هكذا هذا فات تخلف هذا مرض
صح هادا هوا المشكل الكبير ف بلادنا وين تروح الزبل
عييت نلقاهم مبرر.يعني ماكلة هذه جابوها في يديهم باين كانت في كيس
.كليتو رجعوها للكيس تعها وروحو بيها حتى تلقاو سلة فضلات !!!
يا أخي المشكل تشترك فيه أطراف عديدة في هذا الأسبوع كنت بشاطئ الخليج الغربي ( la baie ouest ) بشطايبي سكيكدة أقسم لك أننا تناولنا غذاءنا على الطاولات المعدة للجلوس قبالة الشاطئ فلم نجد أين نرمي فضلاتنا فاضطررنا لأخذها معنا أمر آخر الطرق بكامل البلدية لا اراكم الله يجب عليك إختيار الحفرة الأقل ضررا و نطالب بترقية السياحة الداخلية ، فلا نكذب على أنفسنا .
أزمتنا
من أمن العقاب أساء الأدب.
الإصلاح نوعان: إصلاح أفقي وإصلاح عمودي، أما الأول فيعتمد على التوعية والتربية والتحسيس وهذا أحسبه يأخذ وقتا طويلا وجهدا مضنيا. أما الطريقة الثانية فتكون حزمة من العقوبات والغرامات التي يفرضها رأس الهرم ويسهر على تطبيقها بمنتهى الجدية إن أراد إصلاحا وهذا ما نفع مع غيرنا ولا أحسب أننا بدعٌ من الأمم.
الشعب الجزائري كي يخرج يحوس لازم الجاجة تحضر وبلا فريث ويزيد يخليهم منين كلاهم ههههه كارثة
ربي يهدينا ،حاجة سهلة م يعجز اللسان عن التعبير
اصبحت الاوساخ حاجة عادية وين تروح تلقي هدا المنظر
وين ما يروحو يزبلو، و هذا كلشي راجع التربية و الثقافة
عقلية فوضامونطال
خلاصة القول ماش مربيين
لازم اللي يشوفهم يصورهم ويحطهم يشوفو روحهم لازم يايتبهدلو يا يخلصو من جيبهم باه يحشمو…
وكي نقولو المشكل في الشعب تقولونا كيفاه 💁🏻♀️💁🏻♀️العرض قدامكم