#1001_سياحة
#1001_نقاشات
حبيت نطرح تساؤل هو يعتبر جزء من السياحة علاه كاين غياب كبير للمطاعم لي تمثل الهوية الجزائرية سواء شعبية او غيرها نلاحظو غياب تام للبصمة الجزائرية سواء من ديكور أو أواني أو معمار أو لوحات كلش غايب خاصة الأواني عندنا تنوع رهيب فخار نحاس محليين ماشاء الله و مكاش لي مستغلهم مع انهم يمثلوا الهوية الجزائرية مثل تبسي العشاوات لي بالنجمة و الهلال و السكرية النحاسية بالنجمة و الهلال أيضا الطواجن الصحون من الفخار المائدة التقليدية بالنحاس و بزاف تفاصيل انا كواحدة نحب نروج للسياحة الداخلية نحب نشوف بلايص يمثلوني كرهنا من مطاعم الطاكوس و البيتزا رانا حابين اماكن في المدن السياحية تمثل ثقافة الولاية لاكتشافها حتى كي تجيب اجنبي معاك تحشم وين تديه والله كاين هذا مطعم خدم على هاذي النطقة و هاهم ماشاء الله لاقاو اقبال و اعجاب الفرد الجزائري قبل السائح كرهنا الستيل الغربي صاي واحد مابقى يستهويه
ايييه روووعة الله يبارك ان شاء الله تزدهر الثقافة تاعنا
والله صح
يهبل 😍😍😍
عندك الحق
انا وحدة من الناس أفتخر بتراثنا لدرجة وين كي مشينا لتركيا باه نستقروا فيها طلعنا معانا السني القسنطيني الحر لي وين نمشوا ندوه معانا 🤗
و ماشيين بعاداتنا و تقاليدنا لي مكانش ما اجمل منها…برك شعبنا و خاصة جماعة المطاعم و الفنادق مش مقيمين هاد الشي او محتاقرينوا 🇩🇿🇩🇿🇩🇿
للاسف كيما قلتي كاين غياب تام الجزائر تزخر بتراث عظيم لا يعد ولا يحصى بصح مؤخرا لاحظت بعض المطاعم رجعت للاصل و رجعو لكل ماهو تقليدي الامر يحتاج ترويج للفكرة حتى تطبق على ارض الواقع انا شخصيا يستهويني مطعم او مكان فيه البصمة و الهوية الجزائرية اذا ممكن ناخذ الصور 😍
عندك حق وراني معاك
كيما في المغرب وتركيا
كلامك في الصميم، نسكت خير!
الحمد لله ماشي غير أنا يقولولي أنت ستيل قديم وأنا نشتي الأكل في القصعة و استعمال الطواجن حتى الأكل والحلويات نحب حاجة تقليدية 🙄🙄🙄
♥️♥️♥️
نرمالمو ناخذو العبرة من تونس برك اي حاجة يخليو لمستهم وبصمتهم وهويتهم حاضرة في كلش اي حاجة يقلك تونسية حتى فالخضرة أضعف الإيمان يقلك بطاطا تونسية سلاطة مشوية تونسية (حميس) المهم اي طبق اي حاجة تقليدية لباس.. الخ يحطو لمستهم وتاريخهم معاها
بالنسبة للسياحة من الأجانب هي تقريبا ميتة، يعني لو تجمع كل السياح لي يدخلو البلد في سنة ما تجيش في نصف عدد سياح منطقة واحدة في بلدان متفتحة سياحيا. أما السياحة الداخلية فمنها أنواع، لي ماشيين بميزانية ما يفكروش أصلا يشرو امور تقليدية بحكم انها غالية، ولي يمشو لمدن بسياحة ثقافية يخافو من المطاعم لي كل مرة تخرج بتسممات او انعدام النظافة، وبين لي ياخذ معاه اكله ولي يكره اكل الدار وغياب الطلب الاجنبي من الصعب تلقى حاجة تقليدية، او تلقاها تحت مسميات اخرى اكل شرقي سوري هندي ايطالي ياباني خاصة مع رفض تقديم الفيزا للجزائريين ومستوى اقتصادي هابط وحبهم لما هو اجنبي. والقلة القليلة لي تحوس تقليدي بالسيف تلقاه، اتذكر رحلتي لتلمسان ورغبتي في تذوق طاجين البرقوق وانعدام اي محل تقليدي في وسط المدينة، لي تسقسي يقولك روح لإمامة او تلقا تقليدي تاع تلمسان في مطعم سماوه مطعم مراكش
امنيتي ياارب 💖
انا عندي سني نحاس تاع بكري هو تاع جدي و عندي سنيات تاع ذرك بصح نفضل سني النحاس الاصلي فيه مشكل واحد ثقيل بزاف 😅. طبسي لعشاوات و المحبس حاطتهم ديكور ماعرفتش وش ندير فيهم 😅
أعتقد لأن اللمسة الجزائرية غالية