#1001_توعية
قرعة ب 100دج
عبارة اسمعها كثيرا خاصة عن ولاية جيجل
جملة لم أعرف مصدرها او أصلها لكن اكيد انها عبارة اريد بها باطل …
شخصيا تنقلت الى ولاية جيجل عشرات المرات لم اشتري اي في حياتي قرعة ماء ب 100دج رغم ان من اللهجة يعرف الناس انني لست من سكان المنطقة
كما تنقلت لمختلف ولايات الوطن الساحلية ولم يقم احد ببيعي قارورة مياه بهاذا الثمن ..
لكن هناك نقطة محورية في هاذا الحديث من أين اشتريت قارورة المياه ؟؟؟
من المحلات المتواجدة على الشريط الساحلي للبحر ؟
من المطاعم او محلات بيع الاكل السريع المتواجدةاما البحر؟
ان اشترت من عند هؤلاء فلا تنتقد ولاية او سكان منطلقة لانه في كل الولايات الساحلية او حتى خارج الوطن الأماكن السياحية تباع فيها الأشياء بضعف الثمن لان التجارة هناك موسمية (ادخل قوقل واثقف شوية على التجارة الموسمية)
اي ان التاجر يكتري المحل بثمن مضاعف لمدة محددة فيجب عليه مضاعفة الثمن من اجل الربح وهاذا متعارف عليه
لذلك الناس لي متحبش تشري اشياء غالية من المناطق السياحية وهاذا حقها ادخل وسط المدينة أين يشتري سكان المنطقة
اذهب الى المحلات الكبيرة (السوبرات)راح تشري بنفس ثمن مكان اقامتك
اما ان تحكم وتهاجم منطقة بسب تصرف فردي معزول
تقريب كل إنسان صراتلو حادثة في ولاية ما وانا صراتاي عدة مرات لكن هاذا لايعني ان تلك المنطقة ناسها كامل ماشي ملاح
لذلك لا يجوز و غير مقبول الحكم على أي ولاية رانا نقراو تعليقات فيها سب و شتم بسبب هاذ التفاهات
لذلك يرجى من الناس احترام سكان كل ولاية لأننا في الخير كلنا في بلد واحد ولا تنسو ان المجموعة فيها حتى أناس من خارج الوطن قدموا صورة تليق بك اولا
#حوس_بلادك
#جيجل
بجاية كابريتور بالاك بصح جيجل موحال
رحت لجيجل وشخال من مرة
والله جامي شفت الشي الي يحكيو عليه
العكس الاسعار ثما نتاع الماكلة ولا المعاملة جاتني افضل من بزاف ولايات قريبة لجيجل
ايه ماتوصلش للسومة هادي يهدرو باه يهدرو برك
هذه كلا في لمطار
الحل ساهل تدي معاك دلاعة وبطاطا مقلية من البارح كي تفتح عليها تلقاها رجعت تقول شوينقوم ضربت فيه الشمس وقرعة 5ل مكونجليا هههه وكي تروح متنساش خلي لوسخ نتاعك ثم خاطر حرام تهزو وتديه معاك
ياو حنا مزالنا روطار 400سنة ضوئية في مجال السياحة لا الشعب مسقم ولا لي خدمو زعما في مجال السياحة مسقمين تحيا الهملة والخلوي ❤❤👍 حتان يفرج ربي
لي يقول قرعة ماء في جيجل ب 100دج نضمنلك بلي عمرو ما عفست رجلو في ولاية جيجل و لا يعرف أصلا الطريق لي تدي ليها.
خاوتي والله ما تسمعو هدرتهوم والله جيجل من ارخس الولايات الساحلية كاين ناس همهم الوحيد الملاهي و في جيجل مكانش الشيء هذا وزيد كاين ناس بزاف من مختلف الولايات يجو يحلو حوانت في جيجل ويغلو على الناس ربي يهديهوم اتحدى اي واحد يقابلني نديه يتغدا ويتعشا ويحوس ونشوفو وين تتباع قرعة ماء 100 دج
كاين لي يبيع لك قرعة ماء كونجلي بهذا السعر
جيجل من أفضل الولايات الساحلية و سكانها من أطيب الناس ،
هم يتعرضون لحملة ممنهجة لأنهم ببساطة يلتزمون بدينهم و النهي عن المنكر و لا يقبلون بتحويل شوارعهم إلى بيوت ليل و أنا أدعمهم كليا في ذلك .
جيجل تبقى أفضل و أول مقصد عائلي في الجزائر (طبعا أتحدث عن العائلات المحترمة المحافظة )
تلقاه يضل يسب في جيجل ..و نهار تقولو يماه اديني معاك لبجاية وين راك تروح ..يهرب بيها لجيجل مباشرة 😂😂
شريتها من زيامة منصورة ب ربعلاف
عبد الله محمد قالك مكاش منها اس
عندك الحق فيما تقول، لكان نقيسو على هاذ الكلام، العاصمة هي أسوأ وجهة
العام اللي رحت فيه لجيجل، كرينا فوسط المدينة، والحق يقال الاسعار في محلات المواد الغذائية مرتفعة، مانيش نهدر على محلات قريبة للشط. اناس المنطقة ظراف وقاع، بقيت غير هاد النقطة السلبية في تغيير الاسعار عند موسم الاصطياف.
الله غير لول العام اللي فات شريت محاجب 20 دج برك
و عندها 3 سنين في تاكسانة 2 بيتزا كاري ب 15 دج مازالي مشوكي 🤣 هنا بيتزا بلوس 50 دج
ماشي بعشرالاف بصح أي كاينة منها تاع الغلاء وين الغلاء هذا؟ على الشريط الساحلي وماشي كامل كاين لي نورمال بصح باش تقول راهي رخيسة والمعاملة ومعرف واش لالا أخي العزيز حنا كي نروحو للبحر أولا ماناش قاعدين نختلطو بكل سكان الولاية ولا السكان الأصليين باش نحكمو مي المعاملة والأسعار راهي تختلف الله أعلم لاختلاف الناس ولا ماهمش السكان الأصليين بصح أي كاينة منها حكاية الغلاء خصوصا على البرانيين وراني كل صيف تم وشفنا المليح والقبيح أنا لا أهاجم ولا أدافع بويسك اي في كل ولاية تلقى أنواع وأجناس
مرحبا بك Hamza Bouchachi
نقولو قصة الماء مكانش منها و قصة الباركينغ بعشرين الف و الباراصول بماية الف ثاني مكانش منها !
كي تكري عليهم دار و يجوك ضياف يقولك زيدلي الدراهم قولي هذي ثان مكاش منها
ملخر زوار جيجل هم العائلات و الأغلبية متلقاهمش يدورو فالفايسبوك هذا ، و لي يجي مرحبا و لي مايجيش مرحبتين ، و الأغلبية لي كاي هدرو على جيجل مزاروهاش
كلامك صواب خويي والله كاين ناس تستغل فترة الصيف و تبدا تطلق في سمومها و ناس جيجل مشي حديدة رآهم يسمعو ويقراو ويشوفو كلش و يخبيو في صدورهم ومع الوقت في اللا شعور يوليو يكرهو اي وافد من خارج الولاية ،وهذا ما يبحث عليه هاذ الفتانين لكن لن يصلو اليه بإذن الله بسبة هاته حملات الكراهية تاع مرخس و مراهقين حاكمين صفحات و لا تقاهم يدورو فالتعليقات و اغلبهم من فئات محددة كيما جماعة كابريثور و مراهقي الحفلات الماجنة و فئة الدربوكة و فئة الصوصيال التي ابلتنا بها الحكومة و اخرجت لنا جيلا إتكاليا يحب يدي فقط و لا يمنح اي مقابل ،الله يهديهم نية و طيبة شعب جيجل لا تعني انك تعفس عليه ودير رأيك ،ممكن يصدمك الوجه الآخر (معروفين بالدم السخون جدا)،كي تقصد جيجل راك منك و منا أشري كيما الناس كامل اقضي من المارشي و أشري من البقالة تع الحي وأشري باراصول كراسا و انصب في اي بلاصة فالشاطئ كيما كامل جواجلة وخلص باركينج كيما بارثو فالجزاير و عيش حياتك نورمال،انت تعتبر مصطاف او ضيف جزائري منك منا ولست سائح لا تنتظر ان تجد الارض مفروشة بالورود فلكل متاعبه و مشاكله في الحياة فالجزائر و جيجل ليست بلاد سياحية كيما دول العالم كامل عل طول السنة فهي موسمية فقط لهذا يكون احيانا سوء فهم و استغلال من فئة صغيرة جدا و لا توجد مدينة سياحية مثالية في الجزائر و اذا كاين قولهالي و جيجل هي اقل الأضرار ، ومن ناحية كراء المنازل متسناش انت دار بمليار يكريهالك بميتين مع أني شخصيا لو جا الامر بيدي نحاول نعمل تسقيف رمزي تساعد كل الفئات لكن الناس كل تشكي و تقلك الغلاء في كلش و كاين حتى لي يجهز المنزل تاعو ب خمسين مليون خصيصا من اجل كرائه وبالتالي لازم يعوض شوية خسائر مع فواتير و غيرها و الفنادق أغلى بكثير و بالتالي هي افضل الحلول و لا بات برا والله واحد ما قرب ليك بإذن الله
والله كربنا زوج خطرات في جيجل والله والله غير رخيسا ماكانش كامل منها واش راهم يهدرو والله عيب
Bien dit j’adore leur restaurants
متعارف عليه وين قريتها هاذي ؟؟
هدي حملة يضهرو البوادر تاعها في ماي من كل عام يشتهرو بيها سكان قسنطينة و ميلة (مانيش ندير فالجهوية لكنها حقيقة) يبدوا ينتقدو و يعايرو في جيجل سواء اماكن او سكان خاوتي انا ساكن في ولاية جيجل زرت كل الاماكن على الشريط الساحلي الجيجلي جامي شريت قرعة ماء ب 100دج درك ايلا انتا باعولك ب 100دج و كراولك دار ب 5000 الليلة الخطأ فيك انك قررت تتعامل مع عيباد هكدا ماشي في سكان ولاية جيجل و انا لاحضت انو المنتقدين هدو عبارة عن قهويين يحبو يشوفو لعرا و الشراب يتباع على الطوابل لهدا ماتعجبهمش جيجل…..جيجل تعجب انسان بالعائلة ،انسان محترم متفهم
نفس السيناريو يتعاود كل عام..
أيام قبل الصيف يبداو بعض الصفحات يتهجمو على ولاية جيجل و سكانها 😅 بدون سبب واضح .
سوريو مازال مافهمتش نورمالمو كاين 14 ولاية ساحلية في دزاير ، علاه الصفحات هاذو يحكو على جيجل برك.. ؟!
كنت أرى منشورات عن الموضوع لكن لم أقم بالتعليق لأن النقاش سيكون عقيما….
أنت تتكلم عن علم بما يحدث وهذا مايجب.. على كل حال آمل أن ينشر منشورك في الصفحات الكبرى
بارك الله فيك أخي
نزيد نقطة شواطئ جيجل كلها على الطريق الوطني بمعنا تمشي من الشاطئ حوالي 100 متر على الأقدام تلقى حانوت يبيعلك قرعة ماء ب 35 او 40 دج
حاب يجي لجيجل و يكري دار ب 1000 دج هو و العايلة تاعو المتكونة من 5 افراد و ياكل بثمن بخس و يفوت عطلة باطل معجبتكش روح اكري في لوثيل و شوف شحال تستقام لشخص واحد فقط و بالمناسبة البحر واحد مايحكمو عليك تحب اشري مكلتلك من مكان اقامتك و رواح بات برا لحبيت
الناس لى راهم يشتكو من parking علاش كي يروحو لalge ولى لعلمة يقْارى 2سوايع يخبطوهم ب100 حتى200 ويخلص وهو فرحان وتجيه نورماااال بصح كي يروح لجيجل يقْاري مالفجر للمغرب يبحر براحتو وكي يجي يخلص يقولك غالى وبزاف هدا من جهة
الناس لي راهم يروحو لجيجل وللبحر ياريت يخلوها نقية كيما صابوها خاصة الشواطئ شفتهم بعينى جاو ناس من ولايات مجاورة بلاما نسمى الولايات لمرا نحات لاكوش حشاكم لوليدها معمرة…. ودفنتها فالرمل وخلى الصاشيات تاع الزبل لي خلوهم وراحو وابراج الدلاع مغروسين فرمل… بلاما نهدرو على الخماج لي يرمو من طونوبيلاتهم فطريق وفالاحياء وكي يهدر ساكن الحى وميعجبوش لحال من لخماج والوسخ يردوه معقد لالا اسمحولى شكون لى يرضا يجو ناس من مناطق اخرى ويرمو الزبل وبايط pizza قدام دارو وفحومتو اظن ولا واحد…
وأكيد انا هنا مرانيش نعمم بصح كيما كاين جانب سلبي فجيجل كاين جوانب سلبية للسياح تانى مالة لواحد قبل مايعلق يشوف تصروفات لخرين باش يفهم ردة فعل الجواجلة
ملاحظة انا معاشرتهم مليح وساكنة عندهم سنوات جااااامي حسيت ولى شفت التميز عندهموونعرف جيجل فى كل الفصول وتعامل لجواجلة طول لعام متبدلش..
عندى سؤال علاش كل بداية موسم اصطياف يدرو حملة شرسة على جيجل وسكانها ولمشكلة لي يدير الحملة هوما من ولايات مجاورة وهوما لولين لي يجو لجيجل…
بلاك نيتهم يخسرو سياحة ولاية جيجل نقولكم من فضلكم خلو العائلات الجزائرية تحوس معندهمش وين يحوسو عائليا أغلبهم يحبو جيجل خلوهم براحتهم متشوهوش الولاية
ومن فضلكم متعلقوش على تعليقى لانى مراح نقاش حتى واحد شكرااااا
لي خرج لحكاية هذي هما جيرانا ورانا نعرفهم اصحاب لعدس و ما يتبع كل ما يلحق الصيف يبداو يضبحو علينا في لباج المهم راهم لقاو طريق لسكيكدة ربي يكون في عون السكيكدية
عقلية التعميم راهي في كلش مع هاذ الشعب ماشي غير جيجل برك
تمسخر بينا باش نشرب قرعة ما لازم نديبلاسي لسيبيرات و لا حانوت كبير . انا شخصيا كيما راك تقول من 2014 ما رحتش لجيجل فالوقت هداك كانت القرعة تاع الماء في كل بلاصة ب25 دج و انا شريتها ب50 دج يعني دوبل . و ربعة ساندويتش نص خبزة فيها فريت املات و زوج فرماج سلكت 1000 دج لي كانو فالوقت هذاك في سكيكدة تسلكهم 60 الف جيت نغاري طاكسي طلبلي 30الف حتى بدلت لبلاصة و هكاك و سلكت 15 الف باركينغ مزية عندي لباراسول و الكراسة تاعي و خلي و خلي و هادو كامل في 2014 من تم حلفت عليها . و ربي شاهد على واش قلت . جيجل مليحة و عندي حبابي جواجلة نعم الناس لكن اسمحلي السياحة فيها موحال زيروات كي نروحلها نروحلها على وجه الحباب لي فيها برك
💯👏👏👏 زرتها من أروع ولايات الوطن والأسعار فيها عادية كرينا في تاسوست المرشي قريب لينا ولحوانت وش تطلب تلقى بأسعار عادية كيما موالفين نشريو في عنابة والطارف طبعا جيهة البحر ولا المطاعم الفخمة غالية هذي حاجة معروفة
حياتي كامل 20 سنة نصيف ف جيجل كل ما نروح نزيد نتعلق بيها كثر و نڨول مانبدلهاش، واحد المرة هبطت نعمر الما كي جا لي يعمر عمرلي بلاش سبحان الله .. يعني ماعليش نڨولو صح شرا قرعة ما ب 100 دج ماعندك حتى حق انك تعمم هاذ الهدرة على ولاية فيها تقريب 65كم²، الله يهدي و خلاص، تحية لناس جيجل ولايتي الثانية ❤️❤️❤️
قرعة كوكا 1 ليتر ب 200 دج في محطة نقل المسافرين زيد قلي السفر موسمي
و الحكاية انهم شافو متريكيل 23 و كي سقسيت ظهرت كاينة حكاية قديمة بين عنابة و فيلاج موسى و البلاصة هديك يخدمو فاها من الفيلاج
جيجل اسوء منطقة للسياحة في الجزائر باستثناء الطبيعة الساحرة سرقة والغلاء والعسة وووووووو