#1001_سياحة
هذي ولاية #عين_الدفلى
أهم مميزاتها السياحية هي المناظر الطبيعية التي تنقسم بين المرتفعات التي تكتسي بثلوج كل سنة و السدود الممتلئة .
والمناطق الأثرية التاريخية مثل مدينة مليانة و العامرة…
توجد بعض الحدائق و الغابات المنظمة والمستغلة من طرف البلدية… على غرار هذا هناك مساحات شاسعة يستحب التسكع فيها و زيارتها و امضاء أوقات عائلية جميلة + كاين بزاف عيون يسيل منها ماء عذب غالبا سكان لتم لي يسكنو فالمرتفعات ميشروش لما كاشتي …
ونضمنلكم حاجة انو عين الدفلى 0 عمليات سرقة ، 0 عمليات إعتداء على الزوار … تڨاري وين حبيت مكاش لي يتبلاك … حڨرة مكاش .. تخسار الهدرة ولا تطياح قدام النسا مكاش … مكاش لي يخلطو فلبنات… اذا تتقدرت عليك طيح اومبان كامل ناس فما يعاونوك كاين حتى لي يبيتك عندو … تاكل و تشرب حاجا متخصك … عن نفسي كنت كل جمعة نطلع لفوق لتاشتا مع صحابي كنا صغار لي يسكنو على برا تطبطب عليهم تقولو اعطيني نشرب لما ولا خصتني حاجا يخرجلك قرعة لبن و كسرة تع طاجين ولا تمر … يعني يشاركوك ماكلتهم… الحاجا لي ميحبوهاش في هذي الولاية هي اللباس الفاضح و الغير مستور…
ماشاء الله كنت حاسبها ولاية منكوبة مافيها ولاشيء …الله يبارك وربي يحفظ ناسها