#1001_سياحة
هكذا تقضي “عطلة عائلية” رائعة في ولاية جيجل 👌
🔴 تكري شقة تقع وسط المدينة 🌃 مجهزة و تحتوي على كل مستلزمات الحياة اليومية (داخل الشقة) مكيف هوائي .. تلفاز و غيرها …. 🖥 ,تختلف الاسعار بالنسبة لعدد الغرف و جمال الشقة و بعدها عن البحر – الاسعار ابتداء من 2.500 دج الى 5.000 دج – ابعد شقة عن البحر (في المدينة) تستلزم مسير حوالي 5 / 10 دقائق بالسيارة (كاين شقق تهبط على رجليك) اما بالنسبة للأحياء فتعرف بالأمن و الهدوء و حست استقبال السكان.
🔴 اليوم الاول :
الصباح : سباحة في شاطئ “لاكريك” او “اولاد بونار” او “المنار الكبير” (5دقائق توصلهم)
تولي للمنزل تتغدى ، قيلولة ، تستقهوى ، 18h30روح لحديقة الالعاب “غابة پارك” تشوف مناظر جد جد خلابة مع غروب الشمس / الاطفال عندهم وين يلعبو / كاين وين تشري حوايج سوفونير 15د بالسيارة ، 100دج باركينڨ و الدخلة 100دج للواحد .
🔴 اليوم الثاني :
الصباح بكرلها شوية الاتجاه الى واد الكهوف العجيبة (40 دقيقة بالسيارة) ، اتوغل فيه حوالي 300متر وين تلقى ڨلتى شابة .. حط الماتريال ، شواية ، بيكنيك ، قيلولة ، كي تخرج زور الكهوف العجيبة 50دج الدخلة/للواحد ، تولي للدار تدويشة ، عشاء شباب ، و روح للكورنيش تع مدينة جيجل للواجهة البحرية بومارشي ، لاكرام ، لي كراب ، شاي … اتعشى و اتمشى …
🔴 اليوم الثالث :
نوض بعقلك – طيب الغداء بعقلك اقلي شوية فريت شوية فلفل و قلع لحديقة الحيونات دير فيها زيارة .. تعدي نص نهارك تم .. جوايه الثلاثة بعد الزوال اهبط على رجليك للبحر ( الهبطة مقابلة حديقة الحيونات ماتتعبش خلاص تدخل عيان مكنش السهرة على خاطر غدوة منذاك عندك نهار طويل جدا
🔴 اليوم الرابع :
الانطلاق باكرا 7h الى شواطئ بني بلعيد المعزولة 1سا بالسيارة ، تكري قارب 2000دج (ذهاب/إياب) يقطعك لشاطىء الرميلة ، اذا لقيتوا الغاشي أنصحكم بالعطاف 2 زيدلوا 2000دج و ريح فليتساع ، 19h يجي يديك ، 20h30 راك فالدار اتعشى وارقد 😴
🔴 اليوم الخامس : تحويسة ل غابة تازة قعدة مع الواد ادي معاك شوية سردين دير شواية دير فيها غداء الله الله كي تكمل نقي الحالة نوض طونوبيل و روح لاكورنيش بين بجاية و جيجل دير فيها قعدة حتى غروب الشمس و ارجع و اتمتع ب المناظر
– على كل حال ماشي لازم تفوتها سواسوا كيما هكذا كل واحد وين يحب لكن تبانلي ماشي غير بحر / بحر / بحر و مزال كاين بلايص ساحرة كيما تيمزڨيدة .. الشلالات .. الغابات .. تقعد شهر ماتخلصهمش
بارك الله فيك.
هشہأمہ دبر لينا بلاصة ب ديميل 😁
يسما السياحة من 7h تاع الصباح حتان 20h تاع الليل
عندك حق مام نا عجبتني تحويسة في جيجل عندك وين تروح و طبيعة خلابة سيرتو زيامة أما الأسعار مش دايما في المتناول و لازم سيارة باش تفوتها مليحة صح..
اهم المناطق لي رام يجيو ليهم حاليا و يخيمو فيهم ما دكرتهم ا الاخ …
حنا يجو لازم يبات مع البحر الليلة بربعين ألف، وياكل ويشرب ورجليه يعومو فالماء بخمسين الف ويكري فلوكة باش يدخل لابحر بعشرينلف….
ولا الجواجلة ميتعاشروش ويبيعو غالي
Oussama Addou 9ra ghaya
تمزقيدة فالصيف غير مكلاه تشقﻲ روحك 🙂
Sül Tãn hhhhhh fa9o bina
بلادنا شابة وهوما محروقين على الترك
هاديك عشر دقايق غير انساها حنا كي نعودو رايحين غير لبومارشي نضربو ربع ساعة من الدار و ساعتين في الفوبور 😅
جيجل العذراء 😇💖💕💕
Missoum Abd El Hamid Abdeslam Aouchiche
روح لبني بلعيد مكان الحس والاسعار ماشي غالية وقدام البحر والناس هايلين
بارك الله فيك لانو ناس بزاف عندهم نظرة عيانة على جيجل ربما تفيدهم هذا المعلومة
Téma Ben
كاش برنامج لعنابة و اماكن تكون محترمة .شكرا
Fayçal Rzk Ali Abdeldjallil Boumediene awedi tunis tunis tunis
Yīl Dĩz
كيفاش رحنا 🙄
Hmed ZH تزيد تقولي نروحو لامستردام و الله ما نتفاهمو،بلادك شابة و ما قوتليش