#1001_شحال_سقامتلي مصر اولا خاوتي هذي تحويسة على طريقة الدقس يعني تاع قيس الز

#1001_شحال_سقامتلي مصر
🥇اولا خاوتي هذي تحويسة على طريقة الدقس يعني تاع قيس الزيت قيس الملح الي يحوس الفخامة و المنتجعات راو غالط فالعنوان يعني رحت هكا خير مانريح فالحومة مقابل الناس برك ههه😂
🥈ثانيا كيما ستفدت من المجموعة هادي بزاف قبل مانروح صورتلكم كل الاسعار و الطرق باش تقتاصدو في كل شيئ هههه
🥉ثالثا هذه كانت اول رحلة ليا خارج الجزائر و سبحان الله جازت روعة بدون اخطاء و تلاقيت غير معا ولاد الحلال

بسم الله نبداو.
#مصر_الجزء_الأول
✅العطلة قربة والميزانية قليلة والباسبور فارغ خممت وين نروح حوست هنايا لقيت بلي مصر من ارخص البلدان.
حوست التذكرة لقيتها. ب خمسملاين تقريبا الفيزا سهلة ايا الله يربح
درت طلب فيزا سقامتلي 10500دج في السفارة دخول واحد ست اشهر وجدت في ثلاث اسابيع
شريت تذكرة وحدي من التطبيق و خلصتها في العاصمة. اودان. ب 51000دج

في جويلية قلعت

✅اليوم الأول من الفرحة تاع السفر الاول الرقاد مجانيش كنت فالمطار الخمسة تاع الصبح يعني ربع سوايع قبل الاقلاع هههه
كي وصلت لتم محبيتش نحكم طاكسي كي تخرجو من المطار علا يدكم اليمين. تمشي حوالي مائتي متر تلقا محطة حافلات قلو حطنس في وسط المدينة ميدان التحرير تركب ب 5 جنيه فقط ( طاكسي اوبر حوالي خمسين جنيه )
ركبت كي وصل كنت بلا فندق و عيان تلاقيت معا واحد الدزيري فالطارة كنت علا اتصال بيه قالي حا يكري دار قلتلو خلاص الله يربح اقسم علا زوج جاتني 170جنيه لليوم
كريت يومين
شريت شريحة. 30go ب 290جنيه
✅اليوم الثاني بضع تنقلات لتما فالفاهرة و الستراحة من التعب و شريت بعض الاشياء ليا فقط و عشاء تقليدي تاعهم
✅اليوم الثالث كان يوم جمعة غتمت الفرصة و حكت طاكسي ب 18 جنيه وصلني لمسجد الازهر الشريف و تلاقيت معا الامام مرفق في الصور شوفو و زرت مسجد الحسين للأسف معمر بالطقوس و الش/يعة لتم يعني مش مكان عبادة تجولت في سوق خان الخليلي و شارع المعز و كليت الاكل تاعهم سندويشات قريدس جمبري يقولولو هوما 🍤 ب عشرين جنيه للواحد
✅اليوم الرابع انتقلت لهوستل ب 120جنيه فقط في قلب القاهرة شارع طلعت حرب كنت لقيتو فالانترنت.
زرت قصر عابدين ب 20جنيه للدخول زائد 5جنيهات باش يخلوك تصور 😒😒
كي خرج منو كنت متشوق باش نشوف نهر النيل حكمت تطبيق وسمو didi كي تفتح فيه حساب جديد يمدولك تخفيض 100% يعني ربحت حوالي 30جنيه جاتني باطل هههه
من هناك حكمنا طاكسي ب 45جنيه باش نشوف الاهرمات للمرة الاولى في حياتي من بعيد 😍😍 وصلنا بصح مدخلناش ريحنا فالقهوة الي مقابلاتو برك لانو كانت لعشية. بصح اجمل تجربة بتم ف السطح تاعو
العودة كانت بالحافلة ثم المترو ب 15جنيه فقط
✅اليوم الرابع نضت بكري باش نروح نزو الاهرامات ولكن سقسيت و رحت وحدي فالمترو الى الجيزة ثم الحافلة ثم تمشي شوية لتم ب 10جنيه فقط
ثذاكر الدخول للساحة و ثم الهرم الي تخيرو شقامولي ب ب 160جنيه تخفيض للعرب وريلوًجواز السفر فقط
وًكنت معا صديق الماني لتما هو شرا تذكرة دخول مقبرة تحت الارض ب نسيت شحال ههه كي شافني دزيري هذاك الي يجوزهم و كنت ماشريتهاش لانها بعيدة باش تولي تشري خلاني ندخل باطل و زاد شرحلي وش كاين باطل ههه
وليت لعشية شوية تعشيت مشاوي تاعهم و رحت للمشى نهر النيل صراحة بلاصة شابة
للاسف مخلانيش ندخل كنا ويكاند واقيل مخصص للعائلات فقط
الوغ درت خدعة وراهالي واحد مصري قالي البس نواضر تاع شمس و اهدر معاه بالفرنسية تخلعو ههه انا خاذيني فرونسي قلتلو bonsoir esq par ici lenttré ههه علابالي راني غالط مي هو كي مافهمنيش قالي خش خش يعني ادخل هههه
🤣
عملت جولة في نهر النيل بالقوارب الشعبية سعر 50جنيه
حوالي نصف ساعة
زرت المتحف المصري سعر الدخول نسيت للأسفميحوالي 50جنيه بلاك
نسيت باش نقلكم كانت هاذي اخر ليلة في القاهرة الوجهة الاسكندرية شريت تذكرة قطار ب 55جنيه درجة ثانية هيا الثانية والاولى كيفكيف اسم برك مبدل ههه
اذا عجبكم التفصيل الممل هكذا قولولي و اذا تحبو نقص شوية فالكتيبة قولولي تاني وش رايكم و مرحبا باي اسئلة