#1001_challenge
#صورة_وحكاية
ألتقطت هذه الصور أثناء سفري إلى مدينة canne الفرنسية. وأنا أجول شوارع المدينة استوقفتني واجهة هذا المحل وقد شد انتباهي أحد الفساتين الفخمة المعروضة. أعجبني جداااا لدرجة أني أطلت النظر إليه و لم أتردد في الدخول بنية شرائه مع أن زوجي ابتسم مستهزئا و لم يكن له أدنى شك أنه أمر شبه مستحيل😄 بحكم أنه كان يعمل قبل أعوام بالمنطقة وعلى دراية بأن كل المحلات الموجودة بالقرب من قصر مهرجان canne كان يقصدها مشاهير هوليود! ، طلبت سعر الفستان بحماسة فأجابني صاحب المحل بكل لطف ولباقة أن سعره يقارب 75مليون (بتقدير العملة الجزائرية) 😁…………. فما كان لي إلا أن تنهدت، شكرته وخرجت متأسفة جداااا لأني لم ولن يكون بمقدوري الحصول عليه. رجعت إلى الواجهة أبحلق فيه مجددا وأنا أبتسم متحسرة وكأني أرفض المغادرة دونه… . اغتنم زوجي الفرصة والتقط لي هذه الصورة(حذفت الجزء خاصتي) وفاجأني بها فيما بعد وقال”” أقصى شيء قدرت نديرو باش ما يبقاش في قلبك صورتك معاه كل مرة اضربي طلة عليه حتى تكرهي منو””😂❤️
راكي باينة من زجاج …عادي روحي لدزاير تخيطهولك خياطة وديرىلك 😅😅cristale
م قلتيلوش نضرب دورة و نجي😂!!
قوليله نضرب دورة ونرجع
بالمناسبة راكي باينة في الزجاج
مبعد تقوليلو أصلا معجبنيش 😂😂😂
فكرتيني في كان زرتها عام 2018 من اجمل المدن اللي زرتهم انا تاني دخلت عند غوتشي ونسوم في صاك ومقتنعة بروحي وانا وراجلي ميتين ضحك هههه
ههههههه ما ألطفك ربي يرزقك وتجيبي الي احسن منه كمان❤️
ههه عندو الصح 75 مليون فببلد تشري بيها الجملة هه
كاين الناس العايشين و كاين الناس الحيين…الحمد على الصحة 😊😅
ياختي روحي لمدينة جديدة في وهرن تلقيه 1500 و كاين ما خير منه 75 مليون نسافر بيها لتونس و المغرب و يبقالي الصرف 😂
كاين ثلاث فساتين كما راهم منخسرش فيهم مية الف يا ختي فوطو خيرمن والو ههه
بيناتنا حتى لو كان عندك باش تشريه يعني تشريه عادي ميعتبرش اسراف ! وش الحاجة مميزة فيه لي تخليك تشريه بهاذ السومة عندي نسبه ٩٠% نقلك هو فستان عادي فقط الغلاء تاعو بسبب الماركة لا غير
هي فكرة تاع زوجك رائعة و ذوقك اخترمه بصح واحد مايدي لعقل و يخليك غير تخزري فيه و خمسمياتالف بزاف عليه 😏🤦🏼
شوفي يا اختي
الفوطو خير منهم في ثلاثة مع بعض
رب يحفظكم لبعض نتي و زوجك
وينه فيهم اللي يعجبك خاطر انا واحد ما عجبني 😅المهم التحواس و الاستمتاع برفقة شخص يحبك و يحرص على جبر خاطرك ❤
ههه صراتلي نفس الحكاية في ديدوش مراد، قالتلي 16 مليون قعدت نخزر ف la robe اومبعد رحت
ماعجبونيش درابل
ييي يهبلوا بصح غالييين بزاف
ان شاء الله تشريه كي ليوم ومديريش على التعليقات لي تمثل اصحابها
سؤال خارج الموضوع :”هذو الناس لي كل مرة في بلاصة اوربية و فخامة وكلش ،وين هي حياتهم العملية،واش يخدمي،منين مصدر رزقهم.،انا عييت نلايم دراهم و نحوس تحويسة مليحة في بلادي مش حتى في بلاد الناس”
صراحة عجبني (قريت في التعليقات بلي الأول على اليمين) انا تاني شد انتباهي 😍 ماعليهش المرة الجاية يعجبك واحد سعره مناسب و تتصوي وانتي لابسته مش معاه 😂
بصحتك التصويرة مالا 😁
هديك راهي جبة نايلي تلقايهم في سوق دبي ب سبعمياتلف برك 😆
صح مدينة كان غالية بزاف تشرب قهوي بي 200 الف دينار جزائري بعد هذيك لبلاص نتاع الفستفال
😂😂😂😂😂عجبتني انا تان 😂😂
يا ختي كنت نستنى يقلك انتي الزبونة الف و…..و اليوم ربحتيه معانا هههههههههههههههه
بالصح تاع الصح شباب
اشري قماش و خيطي كيفو برك ساهلة ماهلة 😏
يا بنتي الماركات العالمية خدعة اخترعها الاغنياء و صدقها الفقراء اخطيك منهم
مهوش حاجة كبيرة قد 75مليون مبلغ مبالغ فيه عندهم …بصحتك تحويسة ختي
Cest La croissette hado hadok so3idiyin li chadin les hôtel f sif homa li yachro had prix c’est fait pr eux d’ailleurs chofi ghir les voitures li garohom devant les hôtel radolk khbar 75 c’est rien pr eux
ان شاء الله فى يوم تقدرى تشتريه وهيكون احلى عليكى 😊
شايفاتو هاداك لقماش ادي كشما خياطه تخيطولك متخليهش في خاطرك المهم صورك المودال
من كتاب الزوج الذكي الصفحة ١٤ بعنوان الا معندكش فالجيب خدم راسك 🙈😁