#1001_help
السلام عليكم
كاين حاجة ما فهمتهاش في قضية بيع الحسابات ، تلقى واحد يبيع صفحة تاع فيسبوك والا قناة يوتوب والا انستا فيه عدد معين من المتابعين بالالاف اوربما حتى بالملايين ، لكن هذوا المتابعين راهم على أساس محتوى موجه ، ديك لاباج والا القناة كي يشريها واحد اكيد راح يتبدل المحتوى تاعها تسما هذوك المتابعين راح يلغوا المتابعة وماتبقاش المشاهدات كيما من قبل ، يعني واش الفايدة ؟ .
Posted in Tech
☑️ الجهل و صايي 😌 انا سرقولي لاباج تاعي تع مؤسسة محتوى تعليمي/تكويني
و السيد قلبها صفحة اخبار … ماعلابالوش بلي بلغت كامل الاعضاء باش يسينيالوها .. يعني تروح خصارة برك
لا انا لا هو
هههههه مكاين حتى فايدة علاه مزالتها كاين تفكرت خدايم بكري تهكير وماتهكير وصفحات مزورة وفيسيزك قديم ومجموعة هكر زعما هههه وكنا نتقابضو ياو حتى نسا وفيها مخلطة دعوة خلاص قروبات حالة هذاك يقولو ادعسك ولوخر ثاني يقولو اضغطك ههههه ياربي ليامات والله هايلين ها انا كنت مصمم تاعهم هههه نصمملهم خلفيات وفوطو بروفيل ههههه نحيب فوطو نروح نديرلها شعاع ازرق هذاك فعينين ونكتبلو بزخرفة ذهبية هههه باربي واش فوتنا هههه
الاحصائيات تقول انهم ميلغوش المتابعة . الا في حالات قليلة جدا يكون المحتوى غير جذاب
نسبة الغباء كبيرة عليها يشريو و عينيهم مغمضين🤷
تشري صفحة فيها متابعين لنفس محتواك
هوما في الغالب يشروهم باه يحقوا متطلبات عمل نتاعهم اين الخلل لم افهم ؟
انا لو عندي منتج مثلا ماكياج ، اكيدراح نتوجه لصفحة اللي يكون اغلب متابعيها نساء ونبقى في نفس المحتوى تقريبا ندور و نروج لمنتجاتي ، الغبي فقط لي يشتري صفحة او قناة و يبدللها المحتوى
علاه ماسك شرا تويتر
عندي فضول نعرف شحال يبيعوهم🙄
واحد ماراه يلغي المتابعة الا اذا صاحب الصفحة بدا يخلط كاين بزاف صفحات تغير المحتوى وتغير الاسم ومازالت عند مولاها ماهيش مبيوعة
شراء صفحة او حساب خارج مجالك فكرة سيئة في المحتوى كلش يعتمد على الفئة المستهدفة
أصلا شعب تاعنا يتبدل مع المحتوى لجديد. ريح لي يجي يديه
أتفق تماما 💯 وحتى الشخص لي يجي يبيع لازم يسقسي المشتري ما هو محتواك ، المشتري لازم يعرف يختار الصفحات لي يديها مثلا: كتابة محتوى تسويقي يتوافق معه ، هنا تبقى الشريحة المستهدفة نفسها ومتلغيش المتابعة ، مع تبقى تتفاعل + معدل وصول المنشورات لا يتأثر بالسلب .