#1001_help
السلام عليكم يا معشر الهملات و التحواس 😅
رايح أول مرة نسي نفوت عطلة الصيف فالشرق الجزائري و خيرت ولاية جيجل (غير هك تفكرتها).
اذا تقدرو تعاونوني ببرنامج عائلي لسمانة وحدة.
🔴 المبيت رايح يكون بقرب مركز التكوين المهني أو المعهد ،و السيارة متوفرة.
يا ريت يكون يوم واحد فقط على شط البحر (من المستحسن يكون محترم أو بعيد على الغاشي) و الباقي يكون مرافق او متحف أو غابات و بحيرات (بحكم جيجل معروف عليها البلايص تع الهملات) و جازاكم الله خيرا 💚.
لي يحب يقترح ولاية وحدخرة انا أسمع !
Posted in Forum
دير يوم زور فيه الكهوف العجيبة ومام حديقة الحيوانات العوانة ويوم اخر دير فيه قعدة تاع شواء في الحظيرة الوطنية تازة تقدر دير يوم لشاطئ بن بلعيد
واشمن مركز تكوين مهني؟ تاع وسط المدينة ولا تاع تاسوست؟ ولا الطاهير (انا تقريبا 6 سنوات في الصغر فوت الصيف في المركز التكوين المهني في تاسوست).
جيجل بشكل عام فيها:
1. التجول في وسط المدينة و على الكورنيش.
2. الكهوف العجيبة و الغابة المقابلة لها.
3. حديقة الحيوانات.
4. الطريق الاجتنابي المطل على السد الجديد فيه اماكن رائعة للجلوس.
5. الشواطئ في العوانة و ماجاورها.
وعليكم السلام،
في سكيكدة ثاني كاين كما حبيتي شواطىء خاصة بالعائلات (القل وكثرة شواطئها) وفيها مناظر طبيعية مليحة كما واد بيبي، عين دولة وشاطىء تلزة ايضا يقصدوه العائلات بكثرة وكاين بعد منازل للكراء يكون امام البحر
ومرافق هك ثان متوفرين.
عطلة سعيدة..!
شاطئ الكهوف العجيبة محترم بالصح فيه غاشي الا حبيت وقت يكون فارغ العشية أو الصباح بكري … واد دار الواد ..واد الزيامة … الكهوف العجيبة … شاطئ بني بلعيد … حديقة الحيوانات… جبل سلمى … الغابة تاع الكهوف العجيبة … العوانة شاطئ الصخرة … الجبال تاع جيجل كامل شابين ….
البرنامج لازم النوضة بعد الفجر باش تهملو لأنو جيجل كبيرة باش تزورها كامل لازم تبكر ..كل يوم دير زيارة منطقة معينة
Nacer Boudib Beni Belaid et Fayssal Bouziane hadou zouj les hommes contactihoum
سكيكدة تهبل 🌸💜💜