#1001_help
السلام عليكم يا وجوه الخير 😊
سؤالي كي العادة راح يكون Comic للمتنمرين 👌🏽
من فظلكم جاني شغل ملزوم لولاية تيزي وزو أو تحديدا Tizi_ville…لأول مرة في حياتي راح نمشيلها…أو وحدي…
#السؤال_الأول 👇🏽
هل train من بومرداس ville لتيزي متوفر كل يوم أو كل وقت ؟ يعني نقدر نروح او نرجع بلا خوف تاع ما يكونش ؟
#السؤال_الثاني 👇🏽
هل الطاكسيات عند باب la gare متوفرين ؟
#السؤال_الثالث 👇🏽
خبروني اذا كاين بلايص ملاح في Tizi ville…
معالم أثرية أو دينية…متحف…مركز تجاري…jardin شباب…
اي بلاصة مليحة نزورها في طريقي اذا كملت شغلي بكري…
الشكر موصول للجميع….
القطار كاين يوميا و تقريبا كل ساعتين كاين قطار
الطاكسي متوفر بصح ننصحك كي تنزل في محطة كف النعجة تروح بالتيليفيريك 30دج تحطك وسط مدينة تيزي وزو ولا كاين حافلات توصل للمدينة 20دج فقط
فيما يخص المدينة كباقي المدن الأخرى مكاش حاجة خاصة أو مختلفة محلات و مطاعم
كي توصلي لاغار روحي لتيليفيريك اسرع الحافلات كي توصلي فوقت الذروة ممكن يجيب بيك ساعة فالطريق لانو طريق وحدة كبيرة دخل من تيزي و تخرج منها و فيها ازدحام
السياحة شفت مؤخرا فتح بارك كي المستشفى تع سوناطوريوم جاي قريب لافيل كاين حافلات جايين فوق ا السبيطار تع المدينة يوصلو لتماك ربع ساعة تكوني تماك
مرحتش ليه شخصيا و معنديش معلومات عليه حوسي علييه فالفايسبوك و زيدي سقسي من غير هاذا المدينة مفيهاش معالم سياحية و لا حاجة تع تحواس تيزي وزو فيها الطبيعة شابة و لي يحب يحوس لازم يخرج على برا
رايحة تكتاشفي مدينة جميلة لكن اريافها احسن من حيث الاستكشاف والمتعة
راح تشوفي طبيعة جامي شفتيها فحياتك
اقضي شغلك و روح مكان والو وسط المدينة عبارة عن طريق فيها دخلة و خرجة ، لازم تطلع للقرى باه تقدر تحوس
راكي بحالي يا ختي انا تاني مانعرفش نديبلاصي في طرونسبور 🥺🥺
ربي يوفقك ان شاء الله ❤