#1001_HELP
بعد مرور سنة على حادثة سرقة هاتف لدرجة نسينا حتى بلاغ لي قدمناه للشرطة وين مؤخرا وصلنا إشعار من محكمة لحضور جلسة و الوقوف أمام القاضي
حنا حسبنا الحق راح بصح في ورقة لي لحقتنا من عدالة حطولنا اسماء الناس لي مشى على يدها تلفون و الموظف تاع عدالة قالي عندكم حق الحضور و إذا مكانش معناه سمحتم في حقكم…
سؤالي شكون فاتت عليهم تجربة هذي؟ واش راح يصرا في حالة هذي و زعما يكون فيها تعويض؟
الحق والد و والدة خايفين و طلبو من الاخت تاعي تتنازل و ما تروحش للمحكمة و يمكن هذو ناس عصابات موالفين سرقة و مشاكل و تهديد.
Posted in Tech
بهك تخمام وعقلية كثرت السرقات والسارق ولا يصيب راحتو يسرق ويعاود 🤷♂️🤷♂️🤷♂️🤷♂️
سرقولي تلفون مرة و بعد مدة عام استدعاوني فبوست بوليس و قالولي بصمي على ورق بلي الفاعل مجهول و غلقوا القضية
السارق هو اكبر جايح ماتخافش منه بالعكس كي تشوفه في المحكمة يبدا يحاول ويبكي روح واطلب التعويضات واذا كان عندك حظ تسترجع الهاتف اذا ضبطوه عند شخص لي شراه
الخاوة
مكانش واحد يكتيفيلي 3 ايام من اتصالات الجزائر
روحي اوقفي وشوفي ادا صبتيه هداك هو لي سرقك دوموندي التعويض وادا صبتيه خاطيه شراه بنيتو على السارق فالدلالة و ميعرفش السارق و ماقدروش يوصلو ليه اشهدي بلي ماشي هو و سمحي في حقك
باش تهني ضميرك
انا سرقولي فيسبا تاع 40 مليون و لي سرقها اعترف عند القاضي و قال انا ديتها و قاللهم راهي في واحد الكوري و فالأخير حكمولو غرامةتع 40 مليون و عامين حبس
و انا خرجت نزمر
لا فيسبا لا 40 مليون
لالا اختي روحي عادي اذا كانو عصابة كبيرة كيما راكي تقولي مايسرقوش الهواتف هادو جماعة لي يسرقو الهواتف تلقاهم كامل صحاب الكاشيات برك و يعمرو راسهم يعني ماراح يقضيلك والو لانه يخاف يقرب ليك يزيدو يديرولو قضية سبق الاصرار و الترصد و هذا ظرف مشدد و ماشي في صالحه و القانون يحميك ماتخميش خليه يحك الحبس باش يزيد يفشل و يكسروه فالحيس
لوكان يولي عندي مال الدنيا والله ما نسمحلهم لي بكاوني و نروح و نطالب بالتعويض ان شاء الله برك أنا تاني يلقاولي تلفوني يا لوكان ندير محامي و نخليه يدي أقصى عقوبة ممكنة
لا تسامح في حقك ..والمحكمة تكفل حقك في حمايتك من التهديدات التي تتعرض لها من طرف هؤلاء العصابة
غاضني غير البوليسي والخدامين لي جراو مدة عام ولا عامين ومع تالي يصيبو سارق مريح في القهوة معاهم🌚🌚🤦♀️🤦♀️
اطلب تعويض مادي و معنوي ..
يرجعلك ثيليفون نورمال و زيد اطلب تعويض شي 10 ملاين و من بعد القاضي يحددها على الاغلب 5 ولا 4 .. و اذا مرجعش اطلب حق الثيليفون.. وحق التعويض المعنوي معندك علاه تخاف متطلبش اقل باسكو يحكملك بيها اطلب كثر باش هو كي يهبط تربح فلافار
و متخاف ما والو ذري صغيرة باش يترباو ماناش في غابة
انا سرقولي تلفوني وحكمناه في كاميرات بصح للاسف الاب تاعي قالي تنازلي مهم لقيتي تلفونك تسما تنازلت وخلاص
مكاين علاه تخاف راك ضحية
Ãÿmăñ Lartist
لي يسمح في حقو في مثل هذه الحالات يعتبر حمار أو جبان ملخر
روح وطلب تعويض ياراجل، ولكتبها ربي سبحانو تلحق متخاف حتى من بشر
هههه عصابة تخونلك تلفون ، هذا واحد خونه و تلفون نتباع 3 خطرات ولا 4 ، يلا مازالت عاقلة مليح على سيد لي خونها تروح توقف فالبارة و يلا مراهيش عاقلة غير مكان لاه قادر تباصي واحد من هادوك لي شراوه في باطل
مراح يقضولك والو
انتي صاحب حق وضحية ومحمية بقوة القانون تدخلي وتحكي ااحداث الواقعة وتقولي واش هي طلباتك هذا مكان
نعطيهالك من التالي ناس لي راهم فالقضية هذي واحد فيهم هو السراق و الباقي ضحايا السوق و شراء الهواتف المستعملة و اغلب القضايا المماثلة يكونوا الضحايا فالمحكمة و السارق ذو خبرة ما يتحكمش
نصحية من عند اخ روحي للمحكمة و لي شرا من السوق اسمحلهم
واحد ما يسمح في حقو لانه لوكان انت تسمح ولاخر يسمح ولاخر يسمح هكذا راح نشجعو ااسارق يزيد يسرق ويتمادى اكثر واكثر وتكثر السرقة في لبلاد لاننا حنا شجعناهم على سرقة لانه كل واحد يسمح
ما تسمحش في حقك
وي اسمحو في حقكم باش السراقين يعجبهم الحال ويزيدو يسرقو وشكون شاف يولو يقت.لو تاني مادام مكانش لي يطالب بحقو، روحو وطالبو بحق الهاتف وفوقو تعويض ضرر مادي ومعنوي، مكانش عصابة قادرة على شقاها تخطف تليفونات من يدين البنات هادو خدايم تع افراد
يودي جيب حقك و بركاو من جياحة و تبهليل
الساكت عن حقه، شيطان أخرس
لا عصابات لاوالو. تروح باش تشوف وشكون فيهم لي سرقها. يدخل للحبس وهي تدي تلفونها ولا يخلص حق تلفون. عادي جدا
روحو واطلبو تعويض كبير كيما تحبو نتوما خليوهم يترباو
علا بيها السراقين تفرعنوا كل واحد ايخاف
وكلي محامي يروح في بلاصتك
Ntouma homa sbab ser9a bsbabkom rah ysra hak
روح و ماترحمش و ما تسمحش
لا لا تروح تلڨاهم أصلا هوما لي شاريينو السراق مايخدمش بيه يحصل ناس حاطيين فالموضوع هو همو الدراهم إذا جبدوه معاهم مكانش السماح تطلب حقها والقانون ياخذ مجراه وقل لن يصيبنا إلا ماكتبه الله لنا راه كلش مقدر والحافظ هو ربي سبحانه المهم ما تسمحوش في حقكم وتخليو السراقين هاذو يطغاو راهم ماخلاو والو
مافهمتش حاجة
نتوما رايحين للمحكمة كضحية علاش راكم خايفين !
روحو باش يترباو لي يسرقو التيليفونات و لي يشريو تيليفونات مسروقين
واش من عصابات كي تسمع هكذا تقول آل تشاپو و جماعتو و هو غير كاش قهوي يوزن نص رطل يخطف التيليفونات باش يشري ليريكا و الكيف
كون معيطولكش تقول الدولة متخدمش خدمتها
وكي عيطولكم متروحوش
تعيى تفهم مع شعب تاعنا.
لاكان تعرف السارق يعني شافي على وجهو روح للمحكمة واذا متعرفوش غير مكلاه بيسك راح يباصيو ناس خلاف راحو فالرجلين