#1001_help
السلام عليكم
انا مقبل على عمرة في شهر فيفري بحول الله و لدي بعض الاستفسارات :
1- فيما يخص شراء الأورو حيث لاحظنا مؤخرا ارتفاع سعره في السوق السوداء لاسباب معلومة .. و السؤال هل يمكنني شراء الريال بالدينار الجزائري هناك في السعودية و هل هو أفضل ام اشتري الأورو من هنا بالرغم من ارتفاع سعره ؟
2- كم أخذ معي نقود بغية التسلع و التنقل و الاكل و غيرها .. و هل شبكة الويفي مجانية ؟
3- بالنسبة لمن سبق له و اعتمر بماذا تنصحني و ما هي الأخطاء التي وقعت فيها حتى اتفاداها ؟
و بارك الله فيكم جميعا
فيما يخص سؤالك الأول:
خذ معك الأورو مهما كان سعره مرتفع إلا أنه أحسن لك من الدينار الجزائري هناك.
فيما يخص سؤالك الثاني:
كل إنسان ومستوى دخله فمن من الله عليه بالمال وميسور الأمر فيأخذ ما شاء، أما من كان أنسان بسيط على قد حاله فيأخذ قدر ما يسد به رمقه .
أما حكاية التسوق والهدايا فنظرا للفارق في العملة بيننا وبين المملكة، فكل شيء تجده غالي جدا مقارنة بسعره هنا عندنا.
أما سؤالك الثالث والأهم:
إلتزم بيت الله الحرام وأكثر من الطواف لأنها عبادة عظيمة ولا يمكنك فعلها إلا حول الكعبة الشريفة،ولا تضيع وقتك في التجول والتسوق، فوالله عندما تعود لأرض الوطن ستندم أشد الندم عن كل دقيقة ضيعتها بعيدا عن الحرم المكي او المدني الشريفين.
وفقك الله أخي وسدد خطاك
الفيزا طلبتها عن طريق وكالة ولا كيفاه و بكم السعر من فضلك؟؟
إشري الدولار
في الجزائر رخيس على الأورو وفي السعودية ثابت.
من الاحسن تتعامل بالدولار تربح بزاف فيه
فيما يخص الاكل حتى ولو تدي الدراهم لي يكفيو مارحش تعجب الماكلة طيب في الاوتيل خير
و الشراء عندنا نوعية و سعر احسن منهم
ونصيحة لي نمدهالك … استغل وقتك كلو فالمسجد و العبادة افضل ليك
اشري الاورو
حاليا راه 100 اورو = 398 ريال
و 100 دينار = 13 ريال
ما تكثرش صوالح لي تديهم معاك الجو حار تم خاصة في مكة
ادي الماكلة معاك منا بسكو غالية تم ياسر
الويفي اغلب الفنادق فيها
ادي معاك 300 اورو على الاقل
ولأي معلومات اخرى ومفصلة مرحبا بيك
ربي يتقبل ان شاء الله
1) 100 اورو تجيبلك 400 و حاجة ريال
انا جربت صرفت 2000 دينار تاعنا جابت 28 ريال سما صرف للاورو خير و من الاورو للريال
2) الويفي مجاني فلوتال كاين 24 ساعة مايحبسش انا من رايي ماتحتاجش شريحة خاطر غاليين موبايلي ب 58 ريال
3) تدي 400 اورو تكفي و توفي كي عدت وحدك
4) ادي معاك قرع تاع الماء فارغين صغار باه تجيب فيهم ما زمزم مع البيدون لي تشريه فالمطار خاطر هداك القضيان ماعندو حتى معنى الصح كامل فالماء و سكوتشيهم و حطهم تحت القش فالفاليزا لانو كون تصايروهم فالمطار ماتدي حتى قطرة تاع ماء زايدة
5) ادي حوايج تاع فطور و قهوة اي حاجة ماتفسدش تقدر تديها
6) ادا قدرت تدي ماكلة متلا تمر ولا ڨاطو ولا حوايج خفاف صدقهم فالمسجد ولا الطريق لانو عندنا أرخس
7) الأسعار فالمدينة أغلى من مكة بصح لازم تسمط معاهم تبقا تنيڨوسي حتى يخليهالك بالسعر لي تحب عن تجربة
8) من الأحسن تروح قبل وقت الصلاة بنص ساعة ديما و ادخل صلي فالصحن وكي تكون قادر دير طواف تحب في كل وقت طوف و ماضيع حتى وقت صلاة خاطر الصلاة راهي ب 100 الف صلاة و ربي يسهلك أخي و يرزقنا العودة ليها عاجلا يا رب
الدولار ولا الاورو احسن من الدينار
التسوق لا انصحك به بتاتا نظرا للغلاء
بالنسبة للويفي حاول و تجنب تبعد على العالم و ادعي ربي ما يكونش لانو كل فندق و جودة الويفي تماك
كثر من الدعاء و الطواف و قراءة القران و تحدى نفسك انك تختم كل يومين او ثلاثة ان امكن
بالنسبة للمدينة فيه وكالات ما يحجزولكش زيارة الروضة طلع تطبيق نسك و خليك ديما متابع و خير الوقت لي يساعدك واحجز و روح
كثر بزاف ماء زمزم و حط في الفاليزات و في المطار يعطوك واحد تقدر ترسلو في الشحن خلي حتى الناس تقرب تكمل من دفع الحقائب و روح عندهم اطلب منهم اذا تقدر تزيد ترسل واحد ولا زوج في الشحن
اورو احسن بكثير ..الدينار هابط ثمة ..بزاف …..اما كمية النقود 400اورو تكفيك بزيادة …ااحمد لله مافي اخطاء ..تقبل الله واغتنم فرصة الصلاة والذكر واخر همك هو النوم والفندق اي لحظة اغتنمها ..الوي٥ي الفندق يعطيك كود ..لتطمئن اهلك اما باه تكونكتي لا اظن انه عندك وقت …
ديرولي جام خوتي باش نولي لي منشور
الدخول لصحن الكعبة مسموح للنساء فقط، الرجال لازم يكونو محرمين
الشريحة و النت تشريهم وحدك ما يمدوش في المطار
روح بكري كي يتعمر المسجد يغلقوا سريعا و تصلي في الساحات الخارجية
الدخول الصحن صارم جدا يطلبوا في تصاريح عمرة و يرجعوا في الرجال حتى المحرمين لي من دون تصريح
باب الملك فهد اخف شدة في تنفيذ القوانين
الدخول الروضة بتصريح ممنوع دون تصريح للنساء و الرجال
التصاريح كلها تجيبها من تطبيق نُسك