#1001_help
السلام عليكم
جماعة نسقسيكم إذا كاين طريقة باه نحجب بعض القنوات في اليوتيوب ..
عندي خويا صغير لقيناه متيليشارجي فري فاير في تيليفون تاع ماما و يلعب .. كي فقنالو نحاتهولو
ولالو كيشغل هوس يرقد بيه ينوض بيه حتى في المنام و يشوف فري فاير هذا
دوك كي مالقاش وين يلعب ولا يشوفو في اليوتيوب في TV ماشي حاجة لي نقدرو نحوهالو .. ولا يتبع كامل ليشان تاع هذوك لي يعلموهم كيفاه يلعب ..حتى قرايتو هملها.
كاش حل ؟
Posted in Tech
حبسو لنترنت .ماكاش مصيبة اكثر من لي لحقتولها .لازم كي يهز التليفون ما يلقاش كونكسيو يولي وحدو يرميه .خطرة زوج يبكي يكسرلكم روسكم شوي و مبعد خلاص .
شوفولو رياضة يتلها بيها ونقصولو بالتدريج وعوضوهالو بحاجة وحدخرا
علاه ماتشرولوش بلاي أو اكس بوكس يتعلم من العاب القصة الانجليزيه و بعض الاشياء كتاريخ و الجغرافيا و ميثدولوجي و ينمي الرصيد الثقافي بما أنه يحب الالعاب
معا وقت يكرها وحدو
الرب الكريم شعب مشي مثقف الفكر تاع طفل ينمو بالالعاب و الخيال مشي مبعد يولي يديرلك شمة قولي كون غير خليتو يلعب
Kamel rahom haka ytb3o gamers khouya le mm âge l9inah tele3 pubg khelinah ne7a sekhfa apres nehinaha m tlfn mama w khawty lkbar tel3o les jeux w welaw yl3bo m3ah en ligne .. hajat f l’âge te3o .. mais f télévision ytebe3 gamers rassek yweli yewje3 mais tbnlii khir m les chaînes tv
Normal, maychefekch goulah te9ra ghaya nkhalik tel3ab ghaya dir hadik ghaya nkhalik tetfarej ghaya tmecha m3ah bel mou9abil machi bez3af w tegle3lah koulchi derba wahda haka yesralah un beug
Brahim Tahrii مكناش حتى نرقدو
والله مشكل الجيل هذا راهم قاع كيف كيف قادر يجوز نهار كامل وهو يتفرج ولا يلعب بالتلفون
ماتنحولوش كلش ضربة وحدة ، بدليلو اللعبة ديريلو وحداخرى نتاع puzzle ولا شطرنج ولا عفسة لي يتعلم منها لغة او رسم شوفي وشهي هوايتو و عاونوهويطورها خااااصة رسم و لا اشغال ىاه وحدو من بعد يكره و ينقصلو الادمان و قوليلو التيليفون مايقدرش يحمل لعبة ثقيلة كيما فري فاير ابداوها بالشوية . اما اليوتيوب ماكاين حتى حل من غير الرقابة ثم الرقابة ثم الرقابة . والله المستعان جييل صعييييب .
بصح علاه ديرو لطفل هكا حتى يتعقد تستعملو معاه سلطة غير ف هفايس لي سحبهم يولي يتمرد سكارة