#1001_help
السلام عليكم خاوتي تعيشوا جاوبوني على شوية اسئلة لي عندي راني نبرمج رحلة سياحية إلى تركيا في مارس مدة 10 ايام لشخصين (رايحين وحدنا بدون وكالة) ،
اولا قولولي اذا الجو يكون مليح في منتصف مارس ؟
الحجز الفندقي راح نديرو من booking اقترحوا عليا فنادق مليحة بسعر جيد في بايازيد يكون قريب لكلش..
اقترحوا عليا مدينة أخرى سياحية نقعد فيها يومين ولا ثلاثة من غير اسطنبول ..
اقترحوا عليا الاماكن التي تستحق الزيارة و البازارات لي نلقى فيها ملابس نسائية مليحة
ماهي التطبيقات لي نسحقها فالتنقل ؟
و اذا عندكم نصائح اتهلاو فيا بلا مانوصيكم خاوتي 😅 ربي يحفظكم
كابادوكيا أفضل الأشياء الموجودة في العالم
بايازيد فاها هرج كبير تكرهي حياتك فاها شوفي لاليلي احسن كالم و ملاحة اسطنبول معمرة بحوانت تاع قش نساء و الاماكن راهي كل لاسقة في بعض و المدينة لي تروحيلها كابادوكيا و طرابزون ملاحة كاين بوصا تاني تقدري ديري فاها نهار و تروحي
بالنسبة لاسطنبول تقدر تريح فيها 6/5 ايام و تروح لطرابزون و لا كابادوكيا، كابادوكيا مشهورة بالمناطيد بصح غالية رهج على حساب الموسم، وبالنسبة لطرابزون اك تلڨى بزاف وكالات يخدموها بأسعار تتراوح بين 80/60 دولار فيها 4 أيام و 3 ليالي داخل فيها نقل و فندق و فطور صباح و رحلات داخل طرابزون ،
بالنسبة للنقل تلحڨ المطار اشري بطاقة اسطنبول و عمرها بواش راح تصرف، بالنسبة للحجز كاين تطبيق Booking ولا agooda أفضل من ناحية السعر انت دير مقارنة بيناتهم و شوف و شغل خاصية فلتر و ديرسعر لي حبيت انت، تلقى حتى ب 20/30 اورو لليلة لشخصين، و كاين موقع آخر تركي مختص في فنادق تركيا اسمو OTELZ
Rafik Bougui
عليك وعلى قوقل ويوتوب تلقى كل المعلومات تاع الناس لي سافرت من قبل اجمعها ودير برنامج يناسبك وماتنساش تعرف كيفية التنقل من مكان لمكان هذي تنقص عليك وقت كبير . وحاجة مهمة كي تحجز الفندق لازم تتعرف على خريطة اسطنبول بالنسبة للموقع لي راك ساكن فيه .
طالما رايح في مارس الحال بارد
تقدر تروح كابادوكيا بصح الحاجة الوحيدة لي تصلح فيها هو المنطاد و غالي (220اورو للشخص)
تقدر دير نهار لصبنجا و معشوقية تحويسة مليحة بزاف تروح صباح تروح فليل
و تقدر تاني طرابزون جنة على الارض بصح بهاوتها افريل ماي جوان (مارس دنيا شتا مش راح تستمتع بزاف)
هدو عن تجربة شخصية
و بخصوص المواصلات تليشارجي تطبيق moovit انا نتحرك غير بيه تكتب برك وين رايح هو يعطيك واش تركب و كيفاش توصل للوجهة تاعك
الفنادق على من ترضى ادخل booking و خير بصح نصيحة ماتحجزش فندق واحد لمدة 10 ايام
مع وكالة سياحية احسن والعلم لله
عندك فندق ڨراند اجيان جاي في لالالي وقريب لكلش للمترو و كلش و عندك مدينة بورصا فالربيع تكون خضراء و مدينة صابانجا وشلالات معشوقية
اخطيك من بيازيد شوف بلاصة خلاف
نصائح لمن يريد السفر لتركيا :
1-لا تحول أموالك في المطار، حول فقط مبلغ بسيط لتنتقل به من المطار نحو الفندق و لا تحول أموالك في المناطق السياحية، أفضل مكاتب الصرف التي تعطي سعر جيد موجودة في لاليلي و أكسراي.
2-لا تشتري من المحلات الموجودة على طريق طرامواي إسطنبول فهي غالية و تستهدف السواح الأجانب، إشتروا من المحلات الجانبية البعيدة عن الطريق الرئيسي.
3- تجنبوا المطاعم و المقاهي المشهورة فهي غالية و خدماتها تجارية بحتة، ابحثوا عن المطاعم الغير مشهورة و البعيدة عن المناطق السياحية فأسعارها مناسبة و خدماتها محترمة.
4-عندما تجلسوا في مقهى أو مطعم اطلبوا دائما قائمة الطعام و السعر و إذا طلبتم طعاما فأكدوا نوع الطعام و تاكدوا من سعره، ولا تتناولوا أي شيئ يضعه النادل أمامكم دون أن تطلبوه لأنه سوف يزيده في فاتورة طعامكم و إسئلوا النادل إن كان ذالك مجانا أو بمقابل حتى لا ينصب عليكم.
5- لا تشتري مباشرة دون أن تفاوض على السعر، فأغلب الأسعار مبالغ فيها، فاوض حتى تحصل على أحسن سعر.
6- إستخدم كارت إسطنبول في تنقلاتك فهي سهلة و عملية (طرام، باص،عبارة)
7- عندما تتجهون إلى مناطق سياحية أخرى ليوم واحد مع وكالات في اسطنبول لزيارة صبنجة و معشوقية مثلا فأصحاب هذه الوكالات سوف يتوقفون عند محلات بيع الحلقوم و الحلويات و غيرها من المنتجات و أغلب تلك المحلات تكون متفقة مع هذه الوكالات حيث تجلب لها الزبائن و أسعار هذه المحلات أغلى حتى من أسعار إسطنبول فلا تشتروا منها و إستمتعوا فقط بالرحلة.
انصحك بالابتعاد عن بايزيد منطقة تجارية بزاف وفيها هرج كبير وفوضى، سيركجي خيار احسن بكثير
كاين اوتال مليح جاي في بايزيد قريب لكلش و تقدر تحجز مباشرة بلا بوكينغ و تنيقوسي مع مولاه روح لبوكينغ شوفو برك و شوف التقييم و اراء الناس
بورصا مليحة ، اديري رحلة بحرية و انت راكبا البوس، و هي رخيصة و فيها مارشي كبير فيه كل شيء.
يلا كنتي تبغي مناطيد روحي كابادوكيا ديري حسابك مارس برد و قادر يكون ثلج و زيد هذا العام رمضان في 23 مارس
Beyazit machi blassa ta3 sakan ga3
Wadjih Benahcene
مهتمة
السلام عليكم
ننصحك تشوف الموقع الخاص بي باللغة الفرنسية أين تجد الكثير من المعلومات و أيضا vlog الذي أعملها الآن
لا تحتاج لأي وكالة لزيارة تركيا
لا أدري إن كان مسموح وضع الموقع في التعليقات
Travel With Faycal
نقدري تروحي بدون وكالة فندق مليح ورخيص في بايازيد marmaris ليلة 30 اورو
بازارات يبيعو غالي بزاف شوفي الاسواق الجمعة في فندق زادة الأربعاء في الفاتح وكاين تاني sous terrain في اقصراي لي بري تاعهم مليح كاين سوق في بايازيد نسيت اسمو
بالنسبة لتطبيق باش تمشي moovit
Kamelia Khireddine