#1001_help
السلام عليكم
رايح من تلمسان أول مرة لتيبازة وعندي ميزانية قليلة لمدة 3 أو 4 ايام
اذا ممكن تورولي
اولا وين ننزل في العاصمة او البليدة ومنبعد نبدل لتيبازة ولا كيفاش
ثانيا الاماكن التي تستحق الزيارة اكثر
ثالثا اهم الاكلات الخاصة بالمنطقة و الاماكن التي توفر هذه الاكلات
رابعا وين نلقى اماكن المبيت معقولة الثمن مثل دور الشباب او فنادق بسعر قليل
وشكرا لكم
أعتقد راك طرحت هادا السؤال في صفحة اخرى و كانت الإجابات وافية
تيبازة فيها بيت شباب في قلبها منو تروح وين تحب و ب 500 دج لليلة
بخصوص الاماكن عندك ربوة حديقة مطلة على بحر وكاين لي ريسطو تاع حوت (تيبازة فيها مأكولات بحرية بزاف) عندك لي غوين وبور وعندك لاكروا هدوء كامل مطلين على بحر تحب كائن شنوة تان فيها قعدات شابين زيد نوميديا لاند تحكم بيس من تيبازة لحجوط 30 دج يحطك قدامها فيها العاب لدراري ودخلة خمسطاش نالف وعندك مزرعة سيدي براهيم سيدي راشد عندك قبر رومية تان فسيدي راشد شرشال فيها تان مواقع فيها قصبة وادا حبيت لي زاكتيفيتي عند ركوب أحصنة مياتالف لساعة وادا حبيت نشاطات أخرى عندك روح لسات وكوغنودوغ هدو دي كومبلاكس دخلة راهي 2000 لجماعة وهدي هي نورمالمو