#1001_help
سلام عليكم
من فضلك حاب نستشريكم في موضوع ان شاء الله نلقى لي فات بنفس تجربة
انا و زوجة حابين نروحو عطلة الى مصر من ثم تركيا ل 11 يوم
و عدنا طفل صغير عامين !
شخصيا انا محببتش نديه معانا عمبالي بلي رايح يتعبنا ايضا مزال مراهوش عاقل يعني ما راح يشفى.ما راح يستفيد من عطلة ، يعني رايح يعطلنا و فرات خخخخ و لكن زوجة عندها رأي آخر في موضوع حبيت تجيبو معانا علما أنه كاين وين نخلوه
الزوجة راهي تقرى في التعاليق
لان القرار في يدكم اذا ندوه او لا ، لي عندو تجربة في هذا الموضوع ( اخذ الطفل صغير ل رحلة و عطلة ) يشاركها معانا سواء كانت تجربة جيدة او سيئة
و شكرااا و برك الله فيكم
Posted in Forum
طفل صغير يحب يستكشف ويبوجي بزاف! اذا معولين تدوه باش تقابلوه ماغاديش تحسو بالخرجة بتاتا، شوية صعيبة الأم ماتشوفش ولدها مدة لكن يبقى أفضل حل تركه مع شخص آخر
يا أختي زوجته العزيزة يهديك ربي خلي الطفل علابالي عاطفة الامومة و كدا منا منهيه بصح ادا ديتيه معاكم ماراح تستفادو لا نتوما لا هو روحو استمتعو بصحتكم اذا بانتلك يغيضك ولدك انشالله يكبر و تروحو كامل و تكون عندها حلاوتها أما فهاد العمر لاااا و ألف لا
غادي تفوت العطلة نتاعك مع البكا والجري وراه ماتحوس كي الناس ماتريح كي الناس
من الافضل تخلوه مصر سخونة بزاف في الصيف رايحين تنغبنو معاه لقدر الله اذا يمرضلكم
غير كيما كنت في مصر او كان معايا شخص كبير او تغبنت معاها وينك يا طفل صغير
Bon voyage
ياخويا انا عندي ثلاثة وين نخرجوا يبهدلوني بصح مانقدرش نخليهم الخرجة بلا بيهم صامطة وكان ماتديهش في كل دقيقة تقولك يماك وكان جبناه ماشي خير وتصمطلك القعدة ادوه معاكم راح يتعبكم بصح كي تشوفوه زاهي ويلعب تتونسوا بيه وتفرحوا معاه رحلة موفقة
صراحة خير ماتدوهش !
لأنو يمرمدكم في النهار إلا خرجتوا لازم لو مستلزماته ديما معاكم ولازم تحترموا احتياجاته للقيلولة لأنه صغير صح يحب يلعب بالصح الا تعب ورقد ترفدوه برا وانتم تحوسو والله تمرميد! وزيد الطفل مرات كي يتبدل عليه المكان مش موالفو قادر في الليل مايرقد لكمش والله تنوضو عيانين باش تروحو تحوسو مع التعب هاك والله تمرميد!
نصيحة يا تصبروا يكبر يفهم ويعود يعجبو التحواس وإلا خلوه ماتدوهش خير
Rayi men rayk marah yafham walo f tahwas kan tkhalouh khir ki yakber adouh w adouh hna f dz yal3ab kan tedouh doka rah y3ayikom w matkonoch alaise
انا روحت و مديتوش خليتو فدارنا و احسن كاين لى جابوهم بصح تمرميدة
A mon avis non matedouhch mliha likom w lih marahouch rayeh yechfa w yet3ab w yta3ebkom m3ah khalouh yakber chwia w khalfouhalou et bon vacances
انا لوكان جيت في بلاصتكم ما نديهش عادي يفزدلكم وقتكم و ما يشفاش و خسارة دراهم، حنا كانوا ما يديوناش والدينا ما صرالنا والو 😂😂😂، حتى اختي راحت لترك و تونس و خلات ولادها و كانو صغار و عادي، ما
خليه
السفر مع الدراري تعب كبير، بصح مانتخيلش روحي نروح و مانديهمش، على اساس كي تروحوا ماتبقاوش تخموا فيه ؟؟ ادوه معاكم و ابداو توالفوا حياتكم مع الاطفال و اعرفوا كيفاش تتأقلموا معاه و مرحبا بكم في حياة الابوة و الامومة ماكانش الراحة
انصحك بشدة اخطيك من مصر غير صالحة تماما في فصل الصيف
خويا ملخر اذا يقدر يقعد مع جدودو و موالف بيهم و ما يبكيش عندهم خليوه و اتمتعو بالرحلة تاعكم لانو صدقني راح يشنشفكم. و مصر سخونة هو بعد راح يتعذب مسكين. و زيد راكم رايحين يامات برك و ترجعو ماش قرن.
بروفيطيو خير و تمتعو و تبقالكم souvenirs ملاح. اذا ديتوه لا نتوما لا هو راح تتمتعو بهاد الرحلة و ما تشوفو والو.
بصحتكم مسبقا.
نظن جاتكم فرصه انكم تتفكرو ايام شهر لعسل وترجعو تحيوو المشاعر وترتاحو من ضغوطات الحياه الروتينيه. اختي الافضل تخليه. وكيكبر ان شا لله وتديه معاكم.
راني أم بثلاثة أطفال الله يبارك و ننصحك ما تديش وليدك معاك ،وليدك ما تديهش معاك ههههه، المهم هو راه في سن صغيرة ماراحش يشفى و ماراحش يستمتع و زيد راح تعدبيه برك كي يتبدل عليه الجو و تتبدل مواعيد النوم و الأكل ديالو من الأفضل إدا لقيتي وين تخليه غير خليه أحسن ليه و ليك و قد ما تقولي ندي معايا كلش باش توفريلو الراحة ما تكفيهش لان متطلبات الأطفال الصغار في السفر دايما تكون غير متوقعة 😮💨😮💨
ماتديهش
تخاف عليه أكثر من تخاف يخسرلكم السفر،. إذا مرض بعيد الشر و لا تعب من الرحلة، خلوه في البيت أحسن و كي يكبر و يصبح قادر على الاستيعاب عاودوا السفر،. المهم دوام الصحة
غير منصوح به
اديوه معاكم علاه تحرموه مسكين خلوه يتمتع معاكم وصوروه على الأقل كي يكبر يلقى ذكريات تاع الصغر
ولكان خايفين يقلقكم ماتخافوش يقلقكم حياتكم كامل😂😂😂😂
رحت مع الزوج الكريم لبرشلونة كنا عرسان جدد ، و كي ولا عندي اول طفل قررنا نعاودوا السفرية مع ولدنا كان عندو 3 سنوات بالتمام و الكمال و كان هاداك وين نحى الحفاضة و سافرت بيه من فرنسا لبرشلونة 13 ساعة طريق مع التوقف في les aires de repos و بتنا في الطريق، و درت برنامج يكون مغاير على اول سفرة، في عوض نروحوا اسبوع، قررنا نزيدوا 3 أيام زيادة على خاطر راح نخففوا السرعة بالمقارنة مع الفواياج الأول ،و قررنا نمشوا و نديروا pause, و ديتلو poussette canne و مستلزماتو الصراحة كان احلى سفر درتو في حياتي، علما انو كنت قادرة نخليه عند جداه بصح فضلت نديه معايا هاد المرة راح عاود السفر مع فرد جديد (بنتي 3 سنوات هي تان).
خلاصة القول هي كي تجيبوا دراري لازم تتعلموا تتقبلوا حياتكم معاهم ، لاعرس مسقم، لا عطلة مسقمة، لا رڨاد مسڨم، و وهاي هي حياة الوالدين، انا مع زوجتك عندك الحق اديه معاك و ديري سوفونير مع وليدك لا شتا مايشفاش، بصح انت تشفاي.
محمد أمين شلحي ما رأيك .. حكيلنا على تجربتك نهار رحت لاسطمبول مع اولادك التوأم ربي يحفظهم سليم و مرام ❤️
اول تخمامي : و لوكان تروحو و يولي الكوفيد و يغلقو الحدود ؟؟؟؟ ماشي تولي في حل و ربط
بانتلي العكس راح تكون تجربة فريدة من نوعها خاصة انه راه يتمشى ماغاديش يغبنكم فالرفود وياكل نورمال تانيك وراكم موالفين بيه وبمستلزماته ماشي كيما يكون بيبي صغير رزاف…إن شاء الله تفوتوها غايا نتوما التلاتة
مزال صغير ماتديوهش
Elle a raison
On est parti a hammamet avec mon fils de 8 mois c était fatiguant on était obligé de rester a la chambre l après midi pour qu il fasse la sieste
Le soir 21 h max dodo on a raté toutes les animations mais on regrette pas notre choix
j ai pu profiter avec mon fils on a pris bcp de photos c etait son premier voyage avec nous un pur bonheur
كلمة الام هي لي تمشي في موضوع كيما هذا
Le charme du voyage yroh et vous ne serez pas à l’aise à 100% sinon howa pour le bebe lokan j’a aandeh moins d’un an Balak maya3rfch tnejem mais a 2ans taaref chkon mamaha ma fille a 7 mois wkinkon lahya tedayek mmen bouha wtabka taaytli
انا نخمم فالحمان مصر و تركيا درجة الحرارة عالية يقدر ينضر مسكين
الابن بعد 40 سنة من الان
سلام عليكم خاوتي واش راكم لاباس
عندي الاب تاعي كبير قارب ال 70 و راني رايح فاكونس ( او عمرة او حج ) و خفت يتعبني معاه و عنده زهايمر علابالي مراحش يشفى على الاماكن واش رايكم نديه معايا ولا نرميه لدار العجزة ؟؟!
سيبريمي سيبريمي و ادي ولدك معاك 😑😑
السيد درتولو مشاكل مع مرطو
ماتسقسيهمش