#1001_help
سلام عليكم نتمنى تكونو كامل بخير …
بغيت نشري smart watch نسائية و الزوج قالي واش ديري بيها زعما ما راكي رياضية ما راكي سباحة هههه ( أستاذة فيزياء ) اشري ساعة عادية وخلاص و نا صح حابتها لكن ماعرفتش كيفاش نقنعو على واش ندير بيها ( قتلو تعرف تحسب 😁😆)
هيه واش ديرو بيها من غير نشوفو بيها الوقت ، وزيد انصحوني بماركات ملاح و صفحات يبيعوهم ( ماركات هذوك تاع لي كوبل واحدة نساء واخرى رجال )
ملاحظة : بلعقل على الزوج ماقالش ماتشريش قال واش ديري بيها برك 😅😅😆
بارك الله فيكم جميعا ..
Posted in Tech
تحسب نبضات القلب(تقريبيا ماهيش صحيحة 100/100)
عدد الحريرات المفقودة/, ضعط الدم/مسافة بالكلم و خطوات/تكونيكتيها بالهاتف يجيوك msg et notifications فيها…
فيها بزاف امور، و ماركات على حساب مزانيتك
عموما عندو الحق باسكو مميزاتها على الاغلب لواحد سبورتيف
ابداي ديري سبور
انا كنت متحمس كيفك
ومبعد لقيتها خسارة دراهم برك. شوفي اليوتيوب على وش تقدري تخدمي بها اما الماركات راهم هنا ينصحوك
Spam
أستاذة تساعدك تقيسلك الستراس هههه
U can make Calls , recieve notifications (gmail , msg , weather state) , music (pause, next ,previous), small calucator , ur physical state ( steps, calories,…), and ofc track ur workout .
والله صراحة هي ضياعة دراهم برك الساعات الذكية مش تاعنا حنا و الساعات لي من زوج ملاين و اهبط معندهم حتا معنى لانو تقريبا كل قياساتهم غالطة ، المليح فيها لي نوتيفيكاسيو تاع تلفون يوصلوك ف الساعة و كاش ما حوايج خفاف
مدامك استاذة اشري كوير خير تدوملك هادو ماش حاجة واو
هادو ملاح من لاخر غير اذا عندك ايفون مثلا و تشري smart watch معاه .. تعاونك مي لوخرين صدقيني غير برستيج كلش تقدر ديرو بثيليفون
ساعة نسائية مع زوج براسلي و ساعة اضافية من شركة معروفة و بسعر رمزي 5900da مرحبا
أنا تاني أستاذة و شريتها البارح 😝 kieslect ks هايلة صح ، تعيطي بيها ، يوصلوك les notifications كامل تاع les réseaux sociaux ، فيها calculatrice ، تسمعي بيها la musique, تحسبلك عدد خطوات المشي ، عدد ساعات النوم ، دقات القلب ، نسبة الO2 ف الدم .. . فيها بزاف مميزات عجزت نكتبهم كامل
المهم لكان حابة حاجة اشريها ما تخليهاش في قلبك الأخت 😊😊❣️
اشريها و كي تكرهي منها بيعها
بالنسبة للزوج والله حابة نفهم برك علاش كان ميحبطش
الزوجة ميعيشش الزوج الجزائري يا والله هما نص مشترياتهم حوايج تافهة توصل للمرا يحبطها 🥲😒
متوفرة في اللون الاسود و الابيض مرحبا بيكم ✅
اشري rs4 plus. عندها حتي ميزة تاع تتبع دورية شهرية و. تقيس القلب صح و o2تاني. ماشي كما الخردات تاع 2000
Chofi page tech for all normalment tekhdmhom
راه عارف بلي ضياعة دراهم برك
RS4+
اولا ساعات smart watch لي راهم يقلدوا في ساعات ال apple watch كما dt8 و ال ultra 8 و wt8 و smart 8 هاذو كامل ما عندهم حتى علاقة بالرياضة و اذا باه تشريهم علاجال الرياضه راك تخسر في دراهمك، هاذو يخرجوا على انسان ماهوش محوس على الرياضه منين جات ، لي تقدر توفرها هاد السوايع المقلده، تافيشيلك اسم المتصل لي عيطلك و تقدر تهز عليه و تكلم من بعد عن طريق الساعه لأن فيها mic ، فيها حالة الطقس و كاين لي، تقدر تسمعا بها ال mp3 ، يعني بالمجمل الاستخدام العادي .
يعني بالنسبة ليك احتمال كبير الساعة توفي متطلباتك اذا كنت ماشي انسانة رياضية، و مع ذلك في نظري الشخصي اذا لم تكن هذه الساعات غرضها رياضي فهي مضيعة للمال و حسب
مهيش مفيدة ياسر وزيد فيها مضرة (prolonged radiation)
واحد هذاك السبورتيف واش تديرلو تحسبلو دقات القلب و ضغط الدم ؟؟؟؟ ونتي مثلا فريجيدار ما عندكش قلب نتي تان لازم تعسي قلبك من الضغط تاع المدرسة و التلاميذ لي يتبهللو على راسك من الصباح للعشية و لازملك تقيسلك السكر ڨاع ولا خاف ما يطلعولكش السكر و لاطونسيو و يقتلوك ولا تجري على عمرك
زيد هذاك سبورتيف و عندو بروقرام يخدم عليه و حتاجها هيا نتي اللخرة تقيسي الخطوات باه كاش ما تعسي لاطاي ولا خاف تقوليلو شوف شحال عييت و شحال من خطوة ضربت ليوم بين الذر لي ما يحشمو ما يقراو و ما يقدرش يقولك واش درتي ليوم ياخي ديتك بالطونوبيل و رديتك للدار
و ديجا قوليلو كي نشوف روحي دايرتها في وسط الناس يطلعلي هرمون السعادة و نجي نتهلا فيكم ڨاع و كي نشوف الناس دايرينها و انا ما عنديش نكتئب و تغيضني عمري و نجي نخرجها عليك صافي ضرك نتا لي تحتاجها مانيش انا
و ديجا كي حبيتينا نشحولك على الزوج الكريم لاه جايا تفضحي فيه وسط الفيسبوك و الناس اكل لي يضحك واللي يعاير و اللي يدعي عليه مجامعين؟!!!!!!!!!!!!¡
انا تان حبيت نشري وراني مترددة بينها وبين حاجة كلاسيك
هذا ڨروب تاع tech والا احكي حكايتك؟ 🙂