#1001_help من فضلك متمحيش منشوري لانو هنا لي نلقى الجواب على سؤالي كيما علبال

#1001_help
من فضلك متمحيش منشوري لانو هنا لي نلقى الجواب على سؤالي
كيما علبالكم عندنا ازمة و كي راني نقول أزمة صصح صح مشكل عويص في الحزائر و لي هو المراحيض مثلا ذكا نستقبلو الشان ولا التظاهرات سواء سياسية ولا رياضية يا عجابا مكانش مرحاض نظيف كارثة او في الولايات تسافر مكانش
لي راح للترك راه نورمالمون روماركا تما الحالة كيفاش على دورة مرحاض و تاني النظافة و هذا صح مشكل
المهم سؤالي هو كيفاش شفت الدول الاخرى او في رأيكم هل يصلح عندنا المرتحيض العمومية بالتنظيف الاصطناعي ولا عمال احسن ؟ لي سافرو كشما شفت حاجة جديدة و مبهررة في المراحيض ؟ احكولي تجاربكم لأني بصدد الشروع في هذا المشروع حابة صح صح نسقموا البلاد بداية بهذا الشي

Posted in ,

26 Comments

  1. Oussama Kho Dja dňa ديسمبر 26, 2022 o 8:04 ص

    بلادنا المشكل تاعها صح مكاش مراحيض
    القهوة يقولك مبوشية، تروح لفاست فود يقولك مكاش … كارثة

  2. TaQi Kassa dňa ديسمبر 26, 2022 o 8:04 ص

    شوف مع وطاس ..

  3. Ilham Salama dňa ديسمبر 26, 2022 o 8:13 ص

    الاخ انا ف ولايتي دارو معرض تجارة و صناعة محلية و المراحيض مكاش و كي سقسيت قالو راهم يعاودوا فيهم لك ان تتخيل معرض جاوه من كل بلاصة ة زارو الوالي ..و كي حفاو رجليا و انا نسقسي و مكاش …كي كتبت ف صفحة تاع الولاية نهار حكاو على المعرض كذبوني و قالولي كاين

  4. De Amine dňa ديسمبر 26, 2022 o 8:14 ص

    عند لجناس المرحاض الاصطناعي موجود في كل دورة ، حنا مايصلحش عندنا خاطر الشعب تاعنا مايفيزيش الخرية

  5. Kader Baba Ahmed dňa ديسمبر 26, 2022 o 8:16 ص

    فالترك المراحيض بالدراهم هنا يبغو كلش باطل

  6. و'تين 'ے dňa ديسمبر 26, 2022 o 8:40 ص

    نخمم في الرياضيين هذاك وش خصني لي جو فترة و روحو.
    نخمم في شعبنا لي مريض سكر لولاد مساكين اما لوخرين جو فترة و يرجعو..
    للأسف معاناة حقيقية..
    خاصة لي جو يقضو من العلمة من كل الولايات كارثة مراحيض مكانش و اذا كاينة فيsntv قذارة في قذارة..
    نلقاو حل للشعب تاعنا من بعدا نحكو على البراني.

  7. Manal Sabrina dňa ديسمبر 26, 2022 o 8:45 ص

    المراحيض لازم تكون قبل كل شيء للشعب، الواحد يكون مع وليدو ماكانش وين يديه يقضي حاجتو، بلا مانهدروا على المرضى، واش فيها يديروا des préfabriqués يحطوهم في بلايص متعددة و يديروا عمال نظافة يجوزوا عليهم كل ساعتين… مش شرط لي يتنقاو اوتوماتيكيا، حنا مازال ما لحقناش لهاد الستاج.
    في الخارج المراحيض نروح لتاع المراكز التجارية يتنقاو كل ساعة

  8. Salim Telli dňa ديسمبر 26, 2022 o 10:34 ص

    في كاس العالم قطر لاحظنا انو عملت مراحيض متنقلة تقريبا في كل الاماكن في طريق الملاعب عمومية وبناو مراحيض بالاسمنت ثاني كاين لضرك مزال كفاه حافظوا على نظافة في وجود اوسخ شعب لي هو الهندي حطوا قدام كل مرحاض واحد هندي او بنغالي عامل نظافة خدمتوا غير واقف فم ينظف المرحاض بعد ما يطلعوا منوا

  9. لجدل عبد الحميد dňa ديسمبر 26, 2022 o 10:38 ص

    هذي في قطر وباطل 😅

  10. Ãdl Ãne dňa ديسمبر 26, 2022 o 11:26 ص

    الكارثة في الشعب لي يقضيها تحت الحيط و ميسلكش 20 ولا 30 دينار

  11. Fatima Rahmani dňa ديسمبر 26, 2022 o 11:55 ص

    نقطة مهمة يعطيك صحة..لكنها نقطة سوداء في الجزائر للاسف

  12. بسمة بسمة dňa ديسمبر 26, 2022 o 12:28 م

    للاسف الهدرة لي نقدر نقولها على المراحيض ماتتهدرش هنا بسك انا شفت مراحيض جامعة برك مانروحوش لمراحيض عمومية تفتقر للنظافة الدخان ( في مرحاض البنات ) اشياء هنا وهناك مرايات مكسورة اوساخ ناس تخرج ماتسيقش موراها
    عففففن كبير ( المسؤول الحقيقي هو الشخص لي يدخل ويخلي حاجتو هكاك ) يخرجو يخلو العين مفتوحة موراهم وين تولي الارضية داخل المرحاض وخارجو كلها بالماء والاحذية فيها تراب ولك ان تتخيل اختلاط الماء بالتراب كيفاه تولي الحالة
    شفت مراحيض في مختلف المولات تان بين شبه نظيفة وبين تنعدم النظافة امهات تنحي ليكوش لولدها تخليها هكاك
    للاسف توفر المراحيض واجب وضروري ونظافتو مسؤول عليها كل شخص كما مسؤول عن نظافة بيتو ( ولي نظيف في دارو نظيف برا بدون اي نقاش )
    اختصرت أمور ماتتهدرش هنا

  13. Hanaa Sbh dňa ديسمبر 26, 2022 o 12:31 م

    و زيد وين النساء يصلوا ناقص بزااف غير في المحطات الكبرى صينون ماتصيبش المساجد غالقينهم … في الترك موجود حتى ولو دولة علمانية نتمنى فان ينظروا ليها
    بالنسبة للمراحيض شفت فيديو في المانيا مرحاض تدفع و تدخل مور ما تخرج ينقي نفسوا بنفسوا بصح عندنا ما تصلحش تصيبيه داير حجرة عن الباب باه ما يتبلعش

  14. Brahim Lokmane dňa ديسمبر 26, 2022 o 12:59 م

    جبت العالم من سان فرانسيسكو الى اليابان ، اسوء المراحيض في
    مخيمات اللاجئين ، ثم اماكن الفقر بافريقيا ثم الجزائر، ثم الدول العربية ثم اوروبا و امريكا عموما
    في القمة تاتي اليابان و سان فرانسيسكو.

  15. Brahim Lokmane dňa ديسمبر 26, 2022 o 1:03 م

    العالم كله يوفر ورق التواليت ،الا الجزائر .
    مالازمش ايكون كيما نتاع الدار والا راك رايح تعاود تحط كل مرة ، لازم ايكون الرولو كبير بالزاف .

  16. Fatima Mekki dňa ديسمبر 26, 2022 o 2:00 م

    مشكل مشي في عمال نظافة و لا يديرو تنظيف اوتوماتيك مشكل في واحد الفئة من شعب مسخين حتى في ديارهم ما ينظفوش حتى رواحهم ما حاسا ينظفولك المراحيض موراهم

  17. Sį Hęm dňa ديسمبر 26, 2022 o 3:23 م

    حنا في الجامعة كاين بزاف منهم مسخين يجوهم عمال النظافة خطرة في زمان..لكن مرحاض تع المصلى المخصص للنساء في الجامعة بزاف نظيف خاطرش كل صبح وكل عشية كاين عمال النظافة و مينداك ينقوه طالبات كمتطوعات؛كاين وين تعلقي حوايج؛ كاين ماء سخون؛ ويديرو صف باه يدخلوا

  18. Abdennour Aeg dňa ديسمبر 26, 2022 o 3:39 م

    انا شفت زعما كي يكون كونسار ولا ايفانمون يجيبو تاع بلاستيك قيس بنادم كل وحدة وحدها، يترفدو ويتحطو ويوصلوهم مع الروڨار، ومع لالين تاع الماء ولا خزان، وزيد حنا سوبيرات، مقهى، الحوانت تلقا فيهم وحدة صغيرة ودايرينها غير على جال الكنترول ماشي على جال الزبائن، هما هنا بار فيه كلش ومسيباري مال فومال، ما بالك حاجة وحدوخرة كبيرة كيما سوبيرات ولا سونطر ماتستناش ڨاع…

  19. سهيلة سهول dňa ديسمبر 26, 2022 o 3:51 م

    مشروع جد جد ممتاز بالتوفيق

  20. Liliane Poli dňa ديسمبر 26, 2022 o 3:57 م

    صح مشكل كبير انا شخصيا نعاني منو منحكمش البولة

  21. Lala Moulati dňa ديسمبر 26, 2022 o 9:12 م

    حتى البلدان الاروبية ماتلقايش مرحاض عمومي لكن المقاهي و المطاعم و المساحات التجارية تلقاي و نظيفة لانو من الخدمات المجانية للزبون العيون اغلبها تاع الليزر يعني تنحي يديك يحبس الما وحتى قاعات خاصة بالرضاعة مكان تغيير الحفاظات للبيبي و ميكرواوند باش تسخن الما ولا الاكل للبيبي وكل مواد لتسحقها يحطوهالك فالعاصمة كاين بزاف مطاعم عندها التاويل و نقية في وهران في المركز التجاري السنيا اظن جديد فيها مراحيض نقية و قايمين بيها لكن مكاش ورق المرحاض قبل ما تدخل يعطوك طاس و لا قرعة ماء انا الحقيقة ضحكتني كانو يحطو رولوات تاع الورق و ينقصو الخدامين

  22. Feryel Ghezzal dňa ديسمبر 26, 2022 o 9:54 م

    هي فكرة ممتازة جدا ، البلديات داروهم من قبل مرحاض عمومي من البلاستيك بصح النتيجة كانت كارثية لأنو المواطنين غير الصالحين ما خلاوش فيهم لا من حيث النظافة ولا من حيث الحفاظ على المرحاض في حد ذاتو ، حتى و أنو لما عملوهم كانت نوعية رديئة جدا تاع بلاستيك…. هكاك و ما خلاوهاش

  23. Faycal Foodies dňa ديسمبر 26, 2022 o 10:03 م

    في تركيا، خاصة المساجد ، المراحيض تخلص باش تدخل ولكن نقية تماما

  24. Karim Boutira dňa ديسمبر 26, 2022 o 10:20 م

    انا نجاوبك. روح شوف مراحيض الجامعات و الاقامات الجامعية و المساجد تعرف اين الخلل

  25. Hanane Bel dňa ديسمبر 27, 2022 o 12:47 ص

    صح والله كارثه

  26. Mohamed Hadidi dňa ديسمبر 27, 2022 o 6:59 ص

    مشكلتنا في الشعب الجزائري
    تصور ان مراحيض المساجد لما يدخل ليها جزائري!! يجعلها كارثة بكل المقاييس فما بالك بمراحيض عمومية والخاصة مثل المقاهي او الاقامات الجامعية والتي لم تسلم من ج/هلهم وقلة نظافتهم يا صديقي من الاخير المجتمع الجزائري تنقصه التربية والثقافة في شتى المجالات ولي معجبوش الحال راني عليه.

أترك تعليق