#1001_help
#1001_question
سلام عليكم، لي راحو لقصبة مدينة دلس بومرداس حبيت نعرف معلومات، حبينا نزوروها أنا والزوج بحكم قريبة لينا بحوالي ساعتين و معانا طفلة رضيعة في لاپوسات نروحو صباح و نجيو عشية هو اقترح نروحو في رحلة منظمة مع وكالة و أنا خفت ما نلقاش راحتي مع البنت في الحافلة كيما السيارة و ندورو براحتنا و أنا نكون براحتي مع الطفلة ماشي كيما تكون ملزوم و مقيد، وهو من جهة شاف من ناحية انو المنطقة اول مرة نروحو ليها، من ناحية الأمن تانيك و اذا نقدرو ندوروها في نهار كامل (كي شفناها بانتلنا صغيرة).. ناس المنطقة ولا لي راحت ليها شكون هو الإقتراح الجيد مع نصائح أيضاً كل ما يخص الأمن، الطريق…؟!!
شكراً.
Intéressée
أمن متخافوش الحمد الله الوقت سويعة تكملوها ماشي حاجة وتلقاو ناس يحوسو تما سيارة تgاريو فطريق تصيبو بلاصة ان شاء الله
لابوسات مننصحكش بها كاين دروج
مليحة تانيك تروحي مع guide يحكيلك على التاريخ و يوريلك المعالم لي فيها ( مدايرين متحف صغير و يفتحولكم بيت من البيوت تشوفو العمران )
مهتمة
وي صغيرة من احسن سيارة اني بنت دلس 😁
.هي القصبة. مليحه بصح صغيرة يعنيي ماشي بزاف كبيره مع البورتم تم تكملوها فيها الدروج وطريق يعني بلابوسات. تجيك صعيبة انا تبانلي. اجلوها. شويه لصيف روحو من جهة لببحر ومن جهة للقصبه على ضربة
Hamsa Hamsa
ساعتين تكمليها و روحو وحدكم خير وعندك روتور فالطلعة صعيبة مع لابوسات
ممكن ترشحي لي وكالات ليديرو خرجان لقصبة. دلس؟
المدينة مليحة و صغيرة بصح راح تعيااي مع الطفلة .. ..تمشي بزاف و فيها الدروج ..
تقدر. تكملوها ف نهار .. و الامان عادي كيما ڨاع الدزاير ماكاش مشكل .. و السكان ناس ملاح
مدينة صغيرة جدا، نهار يكفي و يوفي باش تشوفوها، مدينة جد امنة بصح لابوسات غير ماكالاه تجيبيها علاخاطر طريق ضيقة و مخسرة مين داك والطروطوار تاني ضيق بزاف بلا مانحكو على الدروج والحبطات والطلعات، معنتها لابوسات غير انساي حكايتها، ننصحك كي تجي فالصباح زورو القصبة منبعد افطرو فتالاولدون أو ماكنزي (عندهم اطلالة بزاف شابة وقراب للقصبة) من بعدها اطلعو لغابة بوعربي ( اطلالة ساحرة على كل المدينة) من بعدا اذا حبيتو البحر تقدرو تروحو للميناء القديم أو حجرة الزاوش