#1001_help
السلام عليكم خاوتي ..شكون عندو تجربة راح لتونس مع العايلة والاولاد ….ويين الكراء …مسكن خير ولا اوتال …والاسعار تاع الكراء كيفاش ….ياريت اللي عندو تجربة يفصلنا ….وشكرا مسبقا
Posted in Forum
#1001_help
السلام عليكم خاوتي ..شكون عندو تجربة راح لتونس مع العايلة والاولاد ….ويين الكراء …مسكن خير ولا اوتال …والاسعار تاع الكراء كيفاش ….ياريت اللي عندو تجربة يفصلنا ….وشكرا مسبقا
تونس بالنسبة للمسكن راحت الأمن مكانش ڨاع
و اذا تحب فندق عائلي كاين قصر الشرق في سوسة 100% عائلي و ممنوع فيه الكحوليات
عندي تجربة تاع 13 سنة في تونس (بين الحمامات ياسمين و سوسة و طبرقة) الفنادق خير ختي. حنا من لي نروحو ما نخرجوش خلاص من الفندق فيه كلش . (لافيل نعرفوها مليح من قبل تسما ماكانش علاه نخرجو ندورو فيها.اصلا ما بقاتش كيما بكري) .
Expérience voyage tourisme الوكالة هاذي يخدم الفنادق نتع العايلات وبسعر هايل
اذا على أسعار تكري دار خير بصح ماعندك ماشوفي مليحة اوتال محترم جوزي فيه سمانة و تخيري يامات تزوري فيهم الاماكن سياحية تما
السرقات راهي كتيرة في تونس والامن تقريب منعدم ينحلك ذراعك على جال سرقة نتاع الصاك والله واحد ماينقذك والله راهي تونس كارثة وخلاص مافيها مايعجب خسارة دراهمك
تونس تروحلها على جال الفنادق و خدمة الفنادق و المسابح لي داخلها ، لاكان حاتروح باه تكري دار و تصبح طيب و تقلي و لفطور و معلاباليش…، غير روح اكري في ولاية جزائرية خير و خير
اسعار الفنادق انت و دراهمك، بشحال حبيت تكري اكري، لكن في الوقت الحالي راهم زايدين شوي، أفضل فترة بعد 10 سبتمبر، الأسعار مناسبة و خدمات هايلة، ينقص الضغط
تونس احسن حاجة لوتال . اما الاسعار موافقة وتنجمي تريزارفي من الجزائر قبل ما تروحو لتم تسمى تخيري سعر لي يناسبك هنا و تشوفي ميزانية تاعك
عن تجربة شخصية حنا نروحو لنزل يسقام اقل من الفنادق (اذا كانت الاسرة كبيرة وميزانية محدودة)وطبعا محترم واحسن بكثير من كراء المنازل اما بالنسبة للاكل مرات يكون فالمطاعم ومرات نشرو سمك وكبدة …الخضر والفواكه عندهم بسعر مقبول (قبل كورونا) (نزل يسقام 600لليلة) والسعر يختلف من شهر للشهر في نهاية اوت السعر يكون منخفض وعطلة سعيدة