#1001_help
ناوي ان شاء الله نريح اسبوع في مدينة القل في شهر أوت انا و الزوجة و طفلة رضيعة.
من فضلكم الناس لي راحت هاذ الصيف اعطونا نظرة شاملة كي ناكل كلشي من برا منطبخ والو فدار تسقاملي نكري دار خير ولا نريح فلوتال خير ؟ وفي كلتى الحالتين اعطونا سعر كراء المنازل بصفة عامة و سعر المبيت في الفندق مع ذكر اسم احسن الفنادق و احسن المناطق لي نزورها لأنو السيارة متوفرة.
بارك الله فيكم.
Posted in Forum
Lkra entre 3500 da l 5000 5500 da les hotels madrnach ekri dar khir
” ”
خماجت القل والسرقة ولات بزاف فيها
عن تجربة
سعر المبيت من 350و اطلع و الماكلة مشكلة ناقصة شوية فالليل بصح من ناحية التحواس تحوس ماشاء الله كاين يدوك لقبيبة زور واد لحجر واد بيبي كاين بزاف بلايص
طبيعة خلابة و خدمات تحت الصفر هاذي تاع واحد أعزب تاع تمرميد
.
…
مبات ترقد كاين لي الكرا من 350 و اطلع بصح الماكلة معجبتنيش طيب خير
غلطة عمرك
بحكم رحت للقل و راني رايح الصيف هذا في الشواطئ عندك الشاطئ الرئيسي ( عين دولة) من الأحسن تهبط شوية بكري جوايه 6 تلقى غير لي يسكنو لتم يعومو و فارغ مكاش غاشي تكون الاز مع العايلة
كراء منزل احسن من فندق من حيث الأسعار
المالكة كاين بزاف مطاعم و عندهم تاع بيزا فوغاس جربها بنينة بزاف
الأماكن لي تقدر تزورهم عندك الشواطئ المعزولة غرب القل كاين لي تروح لهم بزورق و كاين لي تقدر تروح لهم بسيارة شوف ب maps. تلقى طرق و ننصحك بصفحة حوس مع الدقس أو حاط بزاف فيديوات
تقدر تروح تان لواد بيبي فليفلة كاين بزاف شواطئ خلوية في القل و بصحتك
انا نسكن فلقل
من ناحية لبحر ومناضر تستمتع وديار كاين لكراء بصح لازم تتفاهم مسبقا قبل ماتوصل لقل حوس فصفحات تع لقل ولا ليكروب تلقى
ماكلة ياخويا انا فلقل ومالقاش واش ناكل ماكلة زيرو تلقى بيتزا تلقى طاكوس تلقى شاورما تلقى شواء مي كامل كيف كيف مكاش واحد خير من لاخر مهم من ناحية الاكل زيرو القل مليحة تيجي ليها صباح تبات ليلة وتاني نهار عشية تقلع
ماكانش وين تاكل لازم نتا طيب
الطياب صفر ابار صا شي تاع ربي سبحانو الطبيعة ولبحر ماشاء الله
مدينة القل طبيعتها جميلة لكن الخدمات غير متوفرة و الأكل نسكت خير
ro7t ana lamra w kan 3andna bébé n9olek akhtik
5000 لمباتة دار فيها كلش الماكلة ساديبون ادا تاكل فرستورون ولا فاستفود وشنو hôtel لي كاين تم مدرنا والو
شكون عندو منزل للكراء في سكيكدة والثمن بلا مانهدر🙄
مكان حتى مطعم يشبه
روح فندق بوقارون عندهم شاطئ خاص راهم مديرين تخفيضات افطر وتعشى فالفندق ولغدا برا كاين بيتزا كاين كلش جرب يومين فندق وبعد تحب تزيد
اول حاجة ابتعد عن هذا الشاطئ في الصورة … الزيغو بأبهى حلة تدخل نظيف تخرج موسخ
ونصيحة أخرى تجنب الشواطئ القريبة من التجمعات السكانية الكبيرة
رحلة سعيدة
انا قبل العيد رحت لفندق بوقارون مطل على البحر ( pied dans l’eau) غرفة ثنائية ب 4200 فيها الدخول للشاطئ الخاص وفطور الصباح وفيها بيسين صغير لولاد الصغار .. الماكلة كنت نتغدى ونتعشى من برا .. جربو ماراحش تندم
اذا حبيت نخليلك النيميرو تاعهم . وفالردود راح نحطلك فوطوات تع الشمبرة تع الاطلالة تع المطعم تاعهم ( انا المطعم تاعهم كنت نتقهوى برك فيه الصباح ) .. وبصحتك مسبقاً.
شوف اخي عن تجربة الأمن بات برا على روحك ناسها عافية وتاع عايلة بصح الاكل صفر مكان والو تخرجلك تكري دار قريبة للبحر ومدام معاك زوجة هي لي تطبخ لك ودراهم ماكلة برا زيدهم في كراء
Amir Boudefar يكريلك دار و يدبر عليك بروقرام باهي
القل بكل صراحة تقدر تقول هنا تنتهي الحياة